Сурвалжлага: Үдийн хоолны үнэн төрх | News.MN

Сурвалжлага: Үдийн хоолны үнэн төрх

Сурвалжлага: Үдийн хоолны үнэн төрх

Сурвалжлага: Үдийн хоолны үнэн төрх

Өл зогоосон үдийн хоолны өртөг нь нэмэгдсэн ч бахь байдгаараа. Хар цай, хатсан боорцог аяга шөлөөр л солигджээ. “Би лав цадсангүй”, “Хоол нэмж идмээр байна”, “Хоолоо нэмүүлмээр байдаг ч дахиж өгдөггүй” гэж хүүхдүүд гомдоллох ч багшийнхаа дэргэд хэлсэнгүй. Гэвч царайнаас нь харахад цаанаа гонсгор, цадаагүй нь илт. Баянхошуунд байрлах Сонгинохайрхан дүүргийн Ерөнхий боловсролын 105 дугаар бүрэн дунд сургуулийн дөрөвдүгээр ангийнхан үдийн хоолондоо орж байгаа нь энэ.

13:30 цаг: Өнөөдрийн /2021.09.22/ хоол бантан, чацарганы шүүс байлаа. Хүүхдүүд дор бүрнээ хоолоо чимээгүй иднэ. Дахиж нэмүүлье гэж хэлэх хүүхэд алга. Бусдаасаа түрүүнд идэж дуусчихаад томоотой суух зарим хүүхэд хоолондоо цадаагүй шинжтэй. “Хоол амттай байсан ч цаддаггүй. Дахиж идмээр санагддаг. Гэхдээ нэмж өгдөггүй юм” гэж Н.Ариунбаяр  хүү гомдонгуй хэллээ.

Түүний дуртай хоол нь будаатай хуурга. Үдийн хоолонд хааяа иддэг гэнэ. Сурагч Н.Буянтөгс  “Бантан амтгүй байна. Шөл биш гоймонтой хуурга, цуйван идэхийг хүсдэг. Гэхдээ сургуулийн хоолонд байдаггүй” гэв.  Мөн сургуулийн коридороор тавгаа долоож явсан хүү багшдаа загнуулсаар ангидаа орлоо.

Хүүхдүүд дор бүрнээ өөрсдийн аяга, халбага, сэрээтэй. Цар тахлын үед хичээллэж буй багачууд анги, ангидаа ийнхүү хооллох болжээ. Сургуулийн гал тогооноос савтай хоолыг ангийн үүдэнд орхиж, багш нь хүүхдүүддээ аягалж өгдөг болсноор жижиг зүйлсийг ч анхаардаг болжээ. Наад зах нь хоол халуун байх, хоолны порцыг нэмэгдүүлэхийг багш нар хоол үйлдвэрлэгчдээс шаарддаг болсон байна. Өглөөний цайгаа ууж амжаагүй хүүхдүүд байдаг тул үдийн хоол порц сайтай, амттай байх ёстойг багш нар хэлэв.

Тус сургуулийн бага ангийн багш “Хүүхэд бүрийн амьдарч буй орчин харилцан адилгүй. Амьдралын боломж тааруу, хүндхэн нөхцөлд амьдардаг хүүхдүүд маань өлссөн, ядарсан байгаагаа хэлдэггүй ч багш нь хараад мэдэрдэг. Зургаан настнууд “Багш аа, хэзээ хоол өгөх вэ” гээд шууд асууна, нүдээрээ хоол хайсаар ангидаа орж ирдэг. Тиймээс үдийн хоол чанартай байх ёстой, улсаас илүү мөнгө төсөвлөж анхаарах хэрэгтэй. Үдийн хоол бага ангийнханд маш чухал. Шим тэжээлтэй хоол идсэн хүүхэд ядахдаа өлсөхгүй, хичээлээ тайван хийнэ” гэж ярихдаа нулимс нь цийлэгнэж байлаа.

Шөлтэй хоол, будаатай хуурга, пирошки, салат, жимсний шүүс зэргийг Үдийн хоолонд өгнө гэж сайд, дарга нар ярьдаг. Гэвч бодит байдал тэдний ярьдгаас шал өөр, 1500 төгрөгөнд ийм хоол өгөх боломжгүй аж.

Учир нь, түрээсийн зардал, бараа бүтээгдэхүүний үнийн өсөлт гээд олон шалтгаантай болохыг ЕБС-ийн 105 дугаар сургуулийн гал тогоо хариуцсан  үйлдвэрлэгч Л.Оюунуяа хэлсэн. Тэрбээр “Үдийн хоолны нэг хүүхдийн санхүүжилт 1500 төгрөг болсон ч  бараа бүтээгдэхүүний үнэ өсөөд ийм мөнгөөр порц ихтэй хоол өгөх хүндрэлтэй байна.  Үдийн хоолонд заавал гурван төрлийн хоол өгөхийг шаарддаг. Бид хувийн сургуулийнхан шиг хоол өгөх боломжгүй. Эрх баригчид хөрсөн дээрээ буух хэрэгтэй. Бодит амьдрал дээр нэг хүүхдийн сэт хоол 1500 төгрөг болохгүй. Өнөөдөр гадуур мантуун бууз, хуушуурын ширхгийн үнэ 1500 төгрөг болж, тавагтай хоол 8000 болсон шүү дээ” гэлээ.

ҮДИЙН ХООЛНЫ 1500 ТӨГРӨГ ХҮҮХДЭД БҮТЭН ОЧДОГГҮЙ

12:30 цаг: Хотын А бүсэд байрлах Ерөнхий боловсролын 23 дугаар сургуулийн хоёрдугаар ангийнхны үдийн хоолны цаг болжээ. Ангийн үүдэнд хоолыг нь үлдээсэн байна. Хичээл завсарлаж, хүүхдүүд хооллохоор аяга, сэрээгээ бэлдэнэ. Охидууд нь ягаан аягатай, хөвгүүд нь цэнхэр аягатай байх нь нийтлэг аж.

Хичээл нь завсарласан хоёрдугаар ангийнхан хоолондоо дуртай. Бүгд амттай байгааг хэлэв. Харин ширээний ард аягатай хоолоо голж урвайн суух хүү хоолондоо цадаагүй бололтой. Түүнийг Б.Тэнүүн гэдэг “Хоол амтггүй,  би өлсөөд байна. Хоолноосоо төмсийг нь идсэн. Лууван, байцааг идэж чадахгүй. Гэртээ ч иддэггүй. Ээж минь дуртай хоолыг минь хийж өгдөг. Би шарсан өндөг, шпагетти, гоймонтой хуурганд дуртай” гэлээ. Өнөөдрийн /2021.09.22/хоол ногоотой шөл, мантуу, бор цай байлаа.

Тус сургуулийн хоол үйлдвэрлэгч, хоол зүйч  Д.Бат-Оршихын хэлснээр мөн л 1500 төгрөг хүүхдийн хоолонд  100 хувь шингэдэг бол үдийн хоол илүү баялаг болох байжээ. Хэдийгээр хүүхдийн хоолны зардал дутдаг ч хоол үйлдвэрлэгчид сэтгэл гаргаж, хандлагаа өөрчлөхийг тэр уриалсан юм. Тэрбээр “Зурган дээрх шиг хоол бол 6500 төгрөгийн өртгөөр бүтсэн. Гэтэл бид 1500 төгрөгөөр сэт хоол гаргах боломжгүй. Нуулгүй хэлэхэд бид ажилчдын цалин, түрээс, бараа бүтээгдэхүүн зэрэг урсгал зардлаа тооцвол нэг хүүхдэд 100 хувь 1500 төгрөг хүрч чадахгүй. Гэсэн ч хоол үйлдвэрлэгчид сэтгэлтэй байх ёстой. Хүүхдийн хоол амт чанартай, илчлэг байх нь чухал. Бид аль болох хүүхдүүддээ амттай хоол өгөхийг хичээдэг. Хэдий төсөв хүрэхгүй хүндрэлтэй асуудал олон ч хүүхэд хооллох нь буян. Тиймээс бусад аж ахуйн нэгжүүд ч бас сэтгэлтэй байгаач ээ” гэлээ.  Цааш нь үргэлжлүүлэн энэ долоо хоногийн менюг танилцуулахдаа бага ангийнхан хоолондоо хангалттай цадна гэж онцлов. Тус сургуулийн үдийн хоол Даваа гаригт цагаан хоол, Мягмар гаригт тефтель, чацарганын шүүс, Лхагва гаригт ногоотой шөл, мантуу, Пүрэв гаригт цуйван нэрсний шүүс, талх, Баасан гаригт хулууны зутан талх байгаа аж.

Хотын төв болон захын хорооллын ерөнхий боловсролын хоёр дунд сургуулиар ороход л хоолны чанар нь хол зөрүүтэй болохыг энд дурдъя. Ямар ч байсан 1500 санхүүжилтээр амттай, порц ахиутай хоол гаргах боломжгүй, нөгөө талаар Үдийн хоол бэлтгэж буй компаниудын сэтгэл бас чухал болох нь харагдаж байна.

Энэ мэдээнд өгөх таны сэтгэгдэл?
22
ХарамсалтайХарамсалтай
10
ТэнэглэлТэнэглэл
7
ХахаХаха
5
БурууБуруу
4
ЗөвЗөв
3
ГайхмаарГайхмаар
1
ХөөрхөнХөөрхөн
Баярлалаа!

Холбоотой мэдээ

60 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Mergejilten 2021-09-23 64.119.16.209

Gah gah uchiraa medkv ingej soliorohoo bolioche ulsad surguulid ni tvrees tulnu yumni vne gd uls chin daaj chadkv bolood ajilah hvchin bgood hgd yavdiinshde amniha zorgoor hutsaha boli vz uchiraa medkv soliorih yumda

Avatar

Зочин 2021-09-23 202.179.26.157

Төр үнийн зохицуулалт аа эхлээд хийчих гээд хэлмээр байна. Энэ судалгаа хийснээс хойш бинзен энэ тэр гээд их зүйл өөрчлөгдөж үнэ замбараагүй өссөн… Болгоод байгаад нь талархаж сур. Хэзээ байхдаа сургуульд хоол идэж явсын бэ? Одоо бүгдийг бэлдүүлж Алтан загасны эмгэнүүд болох оо болих болжээ

Avatar

Зочин 2021-09-23 64.119.17.114

Chi huuhedgui bol ene talaar yu ch medehgui

Avatar

1234 2021-09-23 66.181.180.119

Хүүхдүүдийн дуртай хоол шпагетти энэ тэр гэж байхаар бантаных нь орц энэ тэрийг судлаад шим тэжээлтэй байна уу хэмжээ норм нь хүрч байна уу гэдгийг нь яриач дээ. Бантан гэхээрээ л муу хоол байдаггүй баяжуулсан шим тэжээл сайтай бол өгч болно ш дээ. Толгой нь олгой болсон энэ сэтгүүлч хоол судалж ярина гэж ч юу байхав дээ. Тэгээд ч энэ хэцүү цагт маскаа тайлж хоол идүүлэх талаар ярьж л суудаг. Жаахан холыг харж бодож бичээсэй билээ

Avatar

зочин 2021-09-23 192.82.82.169

Халдвар их байхад хүүхдийн маскийг тайлуулж хоол идүүлнэ гэдэг тэнэглэл шүү. Ер нь хүүхэд гэртээ хооллоод гардаг байх нь зөв шдээ

Avatar

099 2021-09-23 202.126.89.183

Gehdee yr ni bol COVID iin yed angid hoolloh bol hamgiin tom aldaa ni ym
Masktaigaa hool idehgui bizde
Bas surguuli mash hurdan orood tarj baigaa ugluu us uugad garahad ulsdugguishude joohon huuhduud uchiraas l tegej gomdolloj baigaa baih
Gehdee gereesee tsaigaa uugaad garah shig saihan ym baidaggui shuu dee

Avatar

Зочин 2021-09-23 64.119.19.218

Одоо бүр эцэг эхчүүд хүүхдээ хооллож ундлахаа болихнээ. Энэ ч сургуулийн ажил биш шүү. Бүр цатгах ёстой юу.

Avatar

Зочин 2021-09-23 103.57.93.243

tsetserleg surguuuli yalgaagui togooch zahiral bugd l husnii material mah s*****g ni unen yum chin

Avatar

Зочин 2021-09-23 202.179.26.115

Сургуулийн хүүхдийн хоол энэ тэр гээд яриад байх юм цэцэрлэгийн хүүхдийн хоолыг яриач юун илчлэг, клколари хоолны мах нь арай л биш ээ ядахдаа 3000 болгож болдоггүй юм уу захын нэг цэцэрлэгт ороод үзэхэд тодорхой байна ирж үзээч цэцэрлэгийн хүүхэд өлөм зэлэм 10 цагт цэцэрлэг дээрээ байгааг төр засаг анхаарах болоогүй юу БОЛОВСРОЛЫН САЙДАА ТА ИРЖ ҮЗЭЭЧ ҮНЭН БАЙДАЛЫГ НЬ

Avatar

Eej 2021-09-23 103.229.121.74

Tootsoo bodood uzeheer huuhduuded amttai shimtei hool ogoh bolomjtoi mongo bna.
1500 × 30 = 45.000 30 huuhdeer tootsloo
22.500 1.5 kg mah
5000. 1 kg budaa
5000. 2 kg nogoo
4000. 2 kg guril
1500. naran tsetgiin tos
_________________________
38000 niit zardal
7000 uldegdel jims suu gm ter odriin dessert bolno

Setgel garah heregtei bna ali ch surguuli huuhdiin hoolnoos ashig honjoo harahguigeer eruul saruul huuhdiig osgohiin tolooo hiih estoi Uls chanar dr hatuu anhaaral tavih estoi

Avatar

Зочин 2021-09-23 192.82.68.54

Hooliig n hiih hun, busad ursgal zardlaa tootsoh heregtei l de

Avatar

иргэн 2021-09-23 139.5.219.241

Яасан сайн тоо боддог. Наад хүнсийг чинь татаж авах зардал, бэлтгэгч, тогооч нарын цалин хөлс . боолын хөдөлмөр үү. Ус цахилгааны мөнгө төлөхгүй бгаа даа л арай дампуураагүй байлгүй 23-н хоол жирийн хүний үдийн хоол бна даг

Avatar

099 2021-09-23 202.126.89.183

Noat geed 10 huwiig ni hasaad uz
ajilchid ymr ch tsalingui ajjilahgui bizde

Avatar

Зочин 2021-09-23 185.100.87.202

==== Шилдэг дотно клубт тавтай морил – – https://is.gd/f4011T

Avatar

Зочин 2021-09-23 64.119.26.130

1500төг х 150 000хүүхэд= 225 000 000 сая 1 өдөрт… Жилд үдийн хоолонд 50 орчим тэрбум төг зарцуулдаг. Маш чухал.

Avatar

Зочин 2021-09-23 66.181.190.68

huuguud yavuulaachee naad ugaadas hiideg novshnuudiig

Avatar

Зочин 2021-09-23 64.119.24.54

Өглөөний хоол буюу сериал дээр сүү хийгээд өгөхөд л болоо ш дээ. Юун бууз, хуушуур.

Avatar

Зочин 2021-09-23 103.229.120.96

Тэр чинь бөөн чихэр, бууз хуушуурнаас эрүүл байж чадах уу? Чихрийн нэмэлтгүй, генийн өөрчлөлтгүй нь үнэтэй.

Avatar

Зочин 2021-09-23 124.158.66.192

Солиороодаагаарай. Хамгийн эрүүл хүнс шүү

Avatar

099 2021-09-23 202.126.89.183

Suunees harshidag huuhed baidag bol yahve?
Suug haluunaar ni l uuhgui bol gedes uwtgudug
Suu ni hurdan muudah hunsnii buteegdehuun uchiraas bas ayultai
Mun suu ni unetei byteegdehuun shuu dee

Avatar

ҮДИЙН ЦАЙ 2021-09-23 119.40.98.177

Сургууль дээр хоол идэх тийм сайхан зүйл биш шүү дээ. 30 хүүхдийн хөлөөр дамжсан тоос шороон дунд иднэ. Хүүхэд бүр дэвтэр номтойгоо аяга халбагаа авч явна, зарим сургууль ангидаа үлдээдэг байх. Нийтийн хоол ямар амт, чанартайг цэрэгт явсан хүмүүс гадарлах байх. БАГА ТӨСВӨӨ ХҮРТЭЭМЖТЭЙ БОЛГОХ ГЭСЭН САНАА Л БАЙХ. Үдийн цайныхаа мөнгийг нэмээд, тоо төрлийг нь олон болгосон бол сайхан болох байлаа. Үдийн цайны багцаар тендерээ зарлаад хяналтаа тавиад л болох эд. Хөдөө суманд бүр ч боломжтой.

Avatar

ҮДИЙН ЦАЙ 2021-09-23 119.40.98.177

Олон төрлийн хүнсий пакет, нэг удаагийн халбага, сэрээ ашиглаж болно. Энэ бүгдээ үний дүндээ тооцох байх. Харин хүүхэд 250 гр-ийн сэнжтэй, тагтай аягатай л ирэх хэрэгтэй, ийм гадуураа савтай аяга хаана ч байгаа.

Avatar

Гоё л байнашд 2021-09-23 124.158.119.35

Яачаад байгаан зүгээр л сайхан харагдаж байна даг. Манай 2 хүүхдийн сургууль пороро зурагтай печень л өгч байгаа. Сургууль дээр угаасаа 2 цагаас илүү байлгахгүй байгааздээ. 2 хон цагт өлбөрч үхэх гээд байдгымуу

Avatar

зочин 2021-09-23 66.181.161.30

ямар сургууль нь өдрийн хоол өгдийн манай хүүхдийн сургууль лав хоол өгдөггүй. орой ирэхдээ боорцог шүүс өгсөн л гэж ирэхийн байна шд

Avatar

ҮДИЙН ЦАЙ 2021-09-23 119.40.98.177

Боорцог, шүүс хангалттай. Халуун цай, ундаатай бол ОК

Avatar

Зочин 2021-09-23 180.149.93.98

шалгалт ирэх үеэр 2 хоол өгдөг, бусад үед 1 ширхэг мантуун бууз эсвэл 1 ширхэг бөөрөнхий мах өгдөг гэж хүүхдүүд ирж ярих юм билээ.

Avatar

Зочин 2021-09-23 202.9.47.19

Үдийн хоолоор дамжуулж хүүхдүүдийг зөв хооллож сургах хэрэгтэй. Ээж аавууд нь гэж энэ талаар ямар ч ойлголт байхгүй өссөн үеийнхэн, өөрсөд шигээ буруу хооллодог болгож байгаа. Юун цуйван, гоймонтой хуурга, пирожки вэ? Сүү, тараг, шөл, хөх тариа, бүхэл үрийн гурилан бүтээгдэхүүн, цэвэр ус уулгаж идүүлж сургах хэрэгтэй. Тэгэхгүй бол бүгд илүүдэл жинтэй, өвчтэй болж дуусах нь

Avatar

ҮДИЙН ЦАЙ 2021-09-23 119.40.98.177

Сургуулийн танхим хоолны заал биш, тэр тусмаа хоолны соёл сурах газар биш. Халбага сэрээ барих, хоол цайг идэж уухад цэцэрлэг сургах үүрэгтэй юм ш дээ.

Avatar

Зочин 2021-09-23 103.229.120.96

Ямар хоол идэх талаар бичсэн байна. Гурил, хэт боловсруулсан хүнс, төмс, чихэрлэг зүйл хүүхэддээ бага өгөх

Avatar

Zocnin 2021-09-23 68.145.61.75

Udiin hool bol osoj tornij bgaa huuhduuded tun cnuhal Zarim bayan ailiin huuhduud hooloo golj bgaa bol idne uu bna uu tednii l hereg Harin diilenhbbolson tarcnig amudraltai ailiin huuhduuded baga cn bolow heregtei l yum bolj bgaadaa Gol ni tejeelleg vitaminlag bwal huuhdiin osoltond sain

Avatar

ҮДИЙН ЦАЙ 2021-09-23 119.40.98.177

Заа даа, өсвөр насныханд тэжээл болох нь юу л бол. Тэгж анх ухуулж л байсан. Тэжээлэг хүсний бүьээгдэхүүн ховор байсан үе, харин одоо газар сайгүй чацаргана байна, аарц тараг сүү олдоцтой болсон. Орон нутагт талх б**в бүү хэл торт зезс хийдэг болсон шүү

Avatar

Зочин 2021-09-23 124.158.66.192

1500 төгрөгний атга гурил, аяга шавхруу үхсэн ацаараа тэжээл болж өсөлтөнд сайнаар нөлөөлдийн

Avatar

Zocnin 2021-09-23 68.145.61.75

Yutai cnoswor zaluu ye maani udiin hooltoi bolson ni tom dewshil shuu

Avatar

ҮДИЙН ЦАЙ 2021-09-23 119.40.98.177

Өсвөр насныхан өлмөн байлгах сонирхол хэсэг бүлэг хүмүүст байх шиг байна.

Avatar

Зочин 2021-09-23 202.126.89.96

Өгсөн нь буруу бололтой.

Avatar

ЗОЧИН 2021-09-23 139.5.216.128

ЮУНД НЬ ГАЙХАНА ВЭ. МОНГОЛД БҮХ ЮМ ХУДАЛ ХУУРМАГ БОЛСОН ШҮҮ ДЭ. ЗУРАГ ШИГЭЭ БАЙДАГ ГАЗАР ТУН ХОВОР ШҮҮ. ХООЛНЫ ҮЙЛЧИЛГЭЭ ПИЦЦА ГАДНАХ ЗУРАГ ЯМАР ГОЁ БАЙДАГ БИЛЭЭ. ИРЖ БАЙГАА НЬ ГАМБИР Л ИРДЭГ БОЛСОН ДО. МАНАЙД ШИНЭЭР НЭЭГДЭЖ БАЙГАА ЮМ БҮХЭН ГОЁО БАЙДАГ. ЦАГ ХУГАЦАА ӨНГӨРӨХ ТУСАМ АМЧ ЧАНАР ХЭЛБЭР ХЭМЖЭЭ НЬ МУУДДАГ.

Avatar

Зочин 2021-09-23 202.55.188.91

Hool bolih heregtei, kovid taraahiin nemer

Avatar

хулгайчдын бизнесдээ 2021-09-23 66.181.161.107

өмнөх жилүүдийнх шиг хортой хоол шахчихгүй бол бусад нь яахав тэр гэдэсний халдвар насан туршид нь үлддэг гэсэн шүүдээ. МАНин псдаа нар цавчаа хийх гэж байж хэдэн мянган хүүхэд алчив.

Avatar

Зочин 2021-09-23 202.9.40.189

Одоо тэгээд шөлтэй хоол өгөх нь буруу болж байна уу? ??Харин ч сургуулийн үдийн хоолонд шөлтэй хоол голдуу өгөх хэрэгтэй. Энд бичсэнээр бантан их муухай хоол бололтой юм аа.Бичихээсээ өмнө өөрийнхөө хоолны мэдлэгийг сайжруул.Харьцуулж байгаа юм бол 2 сургуулийн 7 хоногийн хоолны цэсийг адилхан тавь.

Avatar

Юун гал тогооны түрээс вэ? Ийм түрээс байх ёсгүй, энэ үнэн яриад байна уу шалгаарай 2021-09-23 122.201.24.6

Юун гал тогооны түрээс вэ? Ийм түрээс байх ёсгүй, энэ үнэн яриад байна уу шалгаарай

Avatar

Зочин 2021-09-23 202.126.89.237

Бүх сургууль түрээстэй

Avatar

ЗОЧИН 2021-09-23 192.82.92.201

Каотын барааны 90 оны үед юу нь үдийн үдшийн хоол вэ, хүүхдүүд сураа л бсан даа, хоол өгч байхад жон жон гээ л бхын

Avatar

Зочин 2021-09-23 192.82.64.153

Юундаа голдог юм гэртээ өдөр хоол идэж гийгүүлж байгаа нь хэд билээ хүмүүс бас ойлгох хэрэгтэй үнэгүй өгч байхад дуугай л ид бага цадахгүй байна гэж байгаа бол идхээ боль

Avatar

Зочин 2021-09-23 66.181.164.175

Хүүхэд цадах биш шим тэжээлтэй хоол чухалМонгол ногоо нөөцлөх боломж бүрдүүлж жилийн турш ногоогоор хангах

Avatar

Зочин 2021-09-23 202.55.191.130

1500 төгрөгний хоол ямархуу юм байх нь ойлгомжтой биздээ. Тэгж хүүхэддээ анхаармаар байгаа юм бол өдөр идэх чанартай хоолоо өөрсдөө хийгээд өгөөд явуулаач. Юу ч чадахгүй ацнууд юм байж төрөөс өгч байгаа юмыг голж, шилж нтр. news.mn ч гэсэн олны дунд яс хаях гэсэн л мэдээ оруулах юм.

Avatar

Зочин 2021-09-23 103.136.254.41

yalgavartai bj bolohgui shuu, huuhed l bol huuhed

Avatar

оюутан 2021-09-23 59.153.112.189

Өгөхөөр голно, өгөхгүй бол нэхнэ, үргүй зардал шүү дээ

Avatar

Зочин 2021-09-23 64.119.29.110

1r surguuli lav ogohgui bga

Avatar

Зочин 2021-09-23 124.158.66.192

За яршгаа бидний үед юун үдийн хоол, халбага шавхруу ч өгдөггүй байлаа. Мөнгөтэй үедээ пирошки авч иддэг, мөнгөгүй үедээ өдөржин хоосон л явдаг байсан. Улсын хоол үнэгүй идэж байж бас голно.

Avatar

ОРК 2021-09-23 202.21.108.190

Тийм болоол толгой муутай байхгүй юу.

Avatar

Зочин 2021-09-23 192.82.65.64

hahaha

Avatar

Зочин 2021-09-23 124.158.66.192

"Болоол" биш "болоод л" гэж бичнэ. Өөрөө толгой муутай байж

Avatar

Өвгөн 2021-09-23 103.57.92.119

Хоолгүй байхад болж л байсан бүү давар цадтал хооллох албагүй чанартай эрүүл хүнс үнэндээ хүрсэн байхад л болно.

Avatar

Зочин 2021-09-23 124.158.66.192

"Болоол" биш "болоод л" гэж бичнэ. Өөрөө толгой муутай байж

Avatar

Зочин 2021-09-23 183.177.100.4

олон хүн хүртхээрээ

Avatar

Зочин 2021-09-23 202.126.89.176

Номадсын сургуулиуудад өгч байгаа хоолондоо анхаараарай !!! Үзэж шалгаж эрүүл ахуйн талаас нь шалгаж өгдөг баймаар байна

Avatar

Зочин 2021-09-23 124.158.109.232

шүүмжлэхийн дон тусч хоол нь боломжийн л харагдаж байна шдээ сургууль гэдэг чинь гэдэс цатгах газар биш толгойг эрдэм номоор дүүргэх газар

Avatar

ZOCHIN 2021-09-23 119.40.98.177

Захирлуудын бизнесийг зогсоож чадвал чанартай хоол өгч болно. БШУЯам болон бусад хяналт шалгалт хууль хяналтын байгууллагууд анхаарах хэрэгтэй дээ

Avatar

ҮДИЙН ЦАЙ 2021-09-23 119.40.98.177

Суманд бол хэцүүхэн дээ. Үдийн цай эхэлж байхад сумандаа ганц гайгүй хүнсний бүтээгдэхүүнтэй дэлгүүр нь захирлынх тэгээд тэндээсээ авбал мөнгө идлээ гэх. Бусад дэлгүүр нь хатсан боорцогоо шахах санаатай. Тэгээд яаж шийдсэн гэхээр сумандаа гайгүй амттай боорцог хийдэг хүнээр 3 төрлийн боорцог хийлгэж өдөр алгасаж цай, үзэмний шүүс, аарц, сүүтэй өгөх шийдвэр гаргаж байсан юм. Дараа нь тендер зарлах болж дарга нарын танилууд үдийн цай өгдөг болсноор дампуурсан төдийгүй, хоол өгдөг болсон байна лээ.

Avatar

ҮДИЙН ЦАЙ 2021-09-23 119.40.98.177

Олон хүний хоол ашиг их унадаг эд болохоор захирлууд хоолонд сонирхолтой, ашиг хуваах хүсэлтэй байдаг нь нууц биш. Суманд махныг танил талаасаа авна, 11 сард захирлын хүн, 12 сард менежерийн хүн, 1 сард Засаг даргын хүн нийлүүлж байх жишээтэй. Төмс хүнсний ногоо мөн адил.

NewsMN Гар утасны хувилбар Татах
NEWS.mn

Мэдээллийн эх сурвалж