Ерөнхийлөгч У.Хүрэлсүхэд Колумбын их сургуулийн Тогтвортой хөгжлийн төвийн захирал бараалхав | News.MN

Ерөнхийлөгч У.Хүрэлсүхэд Колумбын их сургуулийн Тогтвортой хөгжлийн төвийн захирал бараалхав

Ерөнхийлөгч У.Хүрэлсүхэд Колумбын их сургуулийн Тогтвортой хөгжлийн төвийн захирал бараалхав

Монгол Улсын Ерөнхийлөгч У.Хүрэлсүхэд 2021 оны 09 дүгээр сарын 20-ны өдөр Колумбын их сургуулийн Тогтвортой хөгжлийн төвийн захирал Жеффри Сакс бараалхав.

Талууд Тогтвортой хөгжлийн зорилтууд болон цаашид хэрхэн хамтран ажиллах талаар санал солилцов. Жеффри Сакс “Тогтвортой хөгжлийн төлөөх санаачилга” хөдөлгөөнтэй бөгөөд үүнд МУИС, зарим их, дээд сургууль элссэн байна. Иймээс түүнийг Монгол Улсад урьж, тогтвортой хөгжлийн бодлого, хэрэгжилт, ялангуяа цар тахлын дараах эдийн засгийг хэрхэн сэргээх, дэлхийн улс орнууд яаж хөгжих, энэ чиглэлээр хамтран ажиллах талаар ярилцав.

Мөн тогтвортой хөгжлийн талаар  Монгол Улсад бүс нутгийн форум зохион байгуулах, их, дээд сургуулиудад лекц унших боломжийн талаар санал солилцлоо.

“Монгол Улсад байгаа чадавхыг ашиглан тогтвортой хөгжлийн бодлогыг чиглүүлэх чиглэлээр туслахад бэлэн. Бүх талаар дэмжиж ажиллана” гэдгээ Жеффри Сакс хэллээ.

Жеффри Сакс нэр хүндтэй эдийн засагч, сурган хүмүүжүүлэгч, шинийг санаачлагч, гэгээрүүлэгч бөгөөд эдийн засаг, тогтвортой хөгжлийн чиглэлээр судалгаа хийдэг юм. Тэрбээр байгаль орчны манлайллын “Цэнхэр гарагийн шагнал”-ыг 2015 онд хүртэж байсан. “Time” сэтгүүлийн дэлхийн хамгийн нөлөө бүхий 100 удирдагчийн тоонд хоёр удаа нэрлэгдэж байжээ.

Түүний ядуурлыг устгах, макро эдийн засгийн тогтворгүй байдлыг даван туулах, өлсгөлөн/өвчинтэй тэмцэх, байгаль орчны тогтвортой үйл ажиллагааг сурталчлах чиглэлээр хийсэн ажил нь дэлхийн 125 гаруй улсад хүрсэн гэж үздэг юм.

“New York times” сэтгүүл “Магадгүй дэлхийн хамгийн чухал эдийн засагч”, “Time” сэтгүүл “Дэлхийн хамгийн алдартай эдийн засагч”-аар нэрлэсэн бол “The Economist” сэтгүүлийн судалгаагаар хамгийн нөлөө бүхий гурван эдийн засагчаар тодорч байжээ.

Эх сурвалж: president.mn

Энэ мэдээнд өгөх таны сэтгэгдэл?
3
ХахаХаха
0
ЗөвЗөв
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

8 сэтгэгдэл

News.mn сайтад сэтгэгдэл оруулахад анхаарах зүйлс

Avatar

14 TERBMHAN & BOLORZEZEG 2021-09-21 185.83.214.69

Эмэгтэй ажилтан үүдэндээ суулгаж бахаа хангагдаг KOZEL Хүүк /Нас 53/ Ордны Зүүн 3 давхарт одоо болноо. Зальжин энерги сорогч этгээд ёрын гийгүүлэгч (ILLEGAL-NARCISSIST-XPLOITER ) ажлын байран дээр ч ажлын бус цагаар ч бас дарамтлахаа ч бас зогсоо хөгшөөн…

Avatar

Зочин 2021-09-21 103.57.95.251

Ядаж реактор нь уулзчихгүйдэ. За даа уулзлаа гэхэд хамт ёслож жоохон зогсолтой ч биш гээд болио блгүй

Avatar

Зочин 2021-09-21 103.229.121.196

Pro-China professor doo.

Avatar

Зочин 2021-09-21 119.40.98.177

Колумба улсын их сургуулийн нэг захирал нь тоож дээ, уг манай улсын тэргүү юм байгаам, №1 нь уулзаад яриолцаж болох л асуудал байна.

Avatar

Зочин 2021-09-21 150.129.141.244

Эх орон нь сөхөрч байдаг энэ хүн дэлхий тойрон доншуучилж явдаг…

Avatar

Зочин 2021-09-21 192.82.76.54

өөр уулзах хүн алга даа хөөрхий амьтан өрөвдмөөр юм. харин хүүкийг тоосон нь их юм.

Avatar

Зочин 2021-09-21 124.158.96.121

Чөлөөт зах зээл гэж байхгүй гэж тэнэглэдэг Хүүк Жэфри Сакс -тай уулздаг юм байх даа. Тэмээ ямаа гэдэг шиг …….

Avatar

зочин 2021-09-21 203.98.76.176

дэлхийгээр худлаа яриад л явна уу,бензиний үнийг буулгаач ХҮҮК

NewsMN Гар утасны хувилбар Татах
NEWS.mn

Мэдээллийн эх сурвалж