Монгол хилээ нээсэн ч гадаадын жуулчин ирэх боломжгүй | News.MN

Монгол хилээ нээсэн ч гадаадын жуулчин ирэх боломжгүй

Монгол хилээ нээсэн ч гадаадын жуулчин ирэх боломжгүй

Монгол хилээ нээсэн ч гадаадын жуулчин ирэх боломжгүй

Цар тахлын улмаас уналтад орж, тэг зогсолтод орсон салбар бол аялал жуулчлал. Хэдийгээр хөл хорио тавигдаж, зарим улс руу агаарын хилээ нээсэн ч ойрын 1-2 жилдээ гадаадын жуулчдыг олноор нь хүлээж авах боломжгүйг салбарынхан онцлов. Учир нь олон улсад Монголыг халдварын өндөр эрсдэлтэй бүсээр зарлаад буй. Тиймээс гадаадын жуулчдын хувьд аялж байх үедээ Covid- 19 халдвар авчих вий гэх болгоомжлол байна.

Улсын онцгой комиссын баталсан журамд Монголд цар тахлын эсрэг вакцины бүрэн тунд хамрагдсан хүн ирж болно гэж тусгасан. Ингэхдээ долоо хоног тусгаарлалтад байсны дараа аялж болно. Энэ ганц өгүүлбэрээс өөр нарийн зохицуулалт, тодорхой үг, өгүүлбэр байхгүй.

Хэдийгээр аялал жуулчлалын улирал шувтарч байгаа ч ирэх аравдугаар сард болох Бүргэдийн баяраар цөөн тооны гадаадын жуулчин хүлээн авах боломжтой гэх саналыг тур агентуудын төлөөлөл хэлж байв. Зөвхөн Бүргэдийн баярт зориулсан маршрутын дагуу хөтөлбөрөө гаргаж, жуулчин хүлээж авна гэсэн үг. Ингэж цар тахлын нөхцөл байдалд дасан зохицож аялал жуулчлалын салбараа “амь оруулах” цаг болсныг хэлэв.

“АЮУЛГҮЙ АЯЛЛЫН ШОШГЫГ АВСНААР МОНГОЛЫГ ЗОРИХ ЖУУЛЧДЫН ТОО НЭМЭГДЭНЭ”

Аялал жуулчлалын хөгжлийн төвөөс хийсэн нарийвчилсан судалгаагаар аялал жуулчлалын компаниудын 95.4 хувьд нь цар тахлын тархалт сөргөөр нөлөөлж, 73.8 хувь нь ажлын байраа хадгалж чадахгүйд хүрч, 30 хувь нь  ажилчдынхаа 70 хувийг цомхотгоод байна.

Тус төвийн Инновацийн хэлтсийн дарга О.Одгэрэл “Монгол Улс хил нээсэн гэх албан ёсны хууль дүрэм нь аялал жуулчлалын компаниудад тодорхой бус байна. Гадаадын жуулчдын хувьд Монголд цар тахлын тархалт нэмэгдэж, голомт болж байгаа учраас эрсдэл маш өндөртэй гэж үзэн болгоомжилж буй. Агаарын хил нээгдсэнээр ганц нэг аяллын компаниуд ангийн аяллын шугамаар цөөн тооны жуулчин хүлээн авч байгаа. Тэрнээс биш жуулчдыг олноор нь хүлээн авдаг тур агентууд ганц ч жуулчин хүлээж аваагүй. Одоо есдүгээр сар гарсан учраас хангайн бүсийн жуулчны баазууд эхнээсээ үйл ажиллагаагаа хаасан.

Мөн салбарын яам, Аялал жуулчлалын хөгжлийн төвөөс хамтран дэлхийн аюулгүй аяллын шошгыг олгох үйл ажиллагааг зохион байгуулсан. Одоогоор Монголоос найман байгууллага энэ шошгыг авсан. Энэ шошгыг авснаар аялал жуулчлалын салбар хурдан бөгөөд тогтвортой сэргэх үүднээс салбарын оролцогч талууд болох жуулчны бааз, зочид буудал, ресторан, агаарын тээврийн үйлчилгээ гэх мэт байгууллага халдвар хамгааллын шаардлагын дагуу үйл ажиллагаагаа явуулах юм. Энэ шошгыг олон байгууллага авснаар Монгол Улс аюулгүй бүс болж байна гэдгийг олон улсын хэмжээнд зарлаж, Монгол руу ирэх жуулчдын тоо нэмэгдэж, итгэлцэл үүснэ гэсэн үг” гэв.

"МОНГОЛ УЛС ХИЛЭЭ НЭЭСЭН Ч ГАДААДЫН ЖУУЛЧИН ОЛНООРОО ИРЭХ БОЛОМЖГҮЙ"

Монголд 500 гаруй тур оператор компани бүртгэлтэй байдгаас 200 гаруй нь тогтмол үйл ажиллагаа явуулдаг гэх судалгаа бий.

Монголын аялал жуулчлалын холбооны гүйцэтгэх захирал Д.Отгонбаяр “Олон улсын судалгаанууд эхнээсээ гарч байна. Аялал жуулчлалын салбарын сэргэлтийн үеийг 2024 он гэж тооцоолсон. Гэхдээ цар тахлын тархалтаас шалтгаалж 2022, 2023 онд аялал жуулчлалын салбарт тодорхой хэмжээний өсөлт гарна. Монгол Улсын хувьд вакцинжуулалт өндөр хувьтай байгаа ч халдварын тоо буурахгүй байна. Тиймээс Австрали зэрэг зарим улс орнууд Монголыг аюултай бүс гэж зарлаад буй. Тэгэхээр Монгол Улс хэчнээн хилээ нээсэн ч гэсэн гадаадын жуулчид олноороо ирэх боломжгүй юм.

Хамгийн гол нь улсаас гадаадын жуулчин татаж авах бодлогоо боловсруулаагүй, тодорхойгүй хэвээр байна. Гадаадын жуулчдын хувьд Монголд аялахдаа халдвар хамгааллын дэглэмийг хэрхэн баримтлах, эрсдэлийн түвшин хэр байна, хэрвээ халдвар авбал хаана хандах вэ, яаж урьдчилан сэргийлэх вэ, эмчилгээний зардлыг хаанаас гаргах вэ гэх мэт бодлого, журам тодорхой байхыг хүсч байгаа. Өмнө нь хил нээгдээгүй байхад хөдөлгөөнт карантин байдлаар аяллын маршрут гаргая гэж ярьж байсан.

Жишээлбэл, хотоос ойрхон Тэрэлжийг сонгож, хөдөлгөөнт карантин байдлаар маршрут гаргаснаар жуулчид нисэх буудлаасаа шууд Тэрэлж рүү явна. Эсвэл хотод байрладаг цөөн тооны зочид буудлуудтай хамтран өөр зочид хүлээн авахгүй байх, 6-8 давхартаа гадаад жуулчдыг авахаар тусгаарлах гэх мэт алхам болгоныг журмаар зохицуулах ёстой. Европын хил залгаа орнууд дотроо маш их аялж байна. Тухайлбал, Швейцарьт өдөрт 3000 тохиолдол гарч байгаа ч хүмүүс аялаад л байна. Тэдний хувьд тодорхрой хэмжээний дүрэм журамтай, сайн даатгалтай, эрүүл мэндийн тусламж үйлчилгээ сайтай учраас аялж болж байна” гэв.

“ХОЁР ЖИЛИЙН ХУГАЦААНД ГАНЦ Ч ЖУУЛЧИН ХҮЛЭЭЖ АВААГҮЙ”    

Ингээд аялал жуулчлалын салбарт үйл ажиллагаа явуулдаг бизнес эрхлэгчдийн төлөөллийн байр суурийг хүргэе.

“ХӨВСГӨЛ ЭКО ТУР” КОМПАНИЙН ЗАХИРАЛ О.МӨНХНАСАН:

-Манай компанийн хувьд өнгөрсөн хоёр жилийн хугацаанд ганц ч гадаадын жуулчин хүлээж аваагүй. Ажлын байрны хувьд ч маш хүнд байдалтай байна. Мэдээж Монголд аялах сонирхолтой цөөн тооны жуулчдаас хүсэлт ирж байгаа ч компаниудын хувьд эрсдэлээ тооцоод авч чадахгүй байгаа. Аялал жуулчлалын улирал шувтарч байгаа ч өвлийн улиралд цөөн тооны жуулчин хүлээж авах боломжтой.

“ӨГИЙ” ЖУУЛЧНЫ БААЗЫН ЗАХИРАЛ Р.ЭНХБАЯР:

-Манайх жуулчны бааз ажиллуулдаг компани. Цар тахлын улмаас хоёр жил ажиллаагүй. Ирэх жил ч гадаадын жуулчид Монголд ирэхгүй юм шиг байна. Манайх өмнө нь жилдээ дэлхийн 20-иод улсаас 700-800 жуулчин хүлээж авдаг байсан. Манайх Өгийнуур орчимд таван жуулчны баазтай ч хоёр жилийн хугацаанд ганц ч гадаад жуулчин хүлээж аваагүй. Гэхдээ энэ цагийг зөв ашиглан ажлын байраа хадгалж авч үлдэхээр жилийн гурван хувийн хүүтэй зээлд хамрагдах гэсэн боловч зээл авч чадаагүй. Манай компанийн хувьд ажлын байраа хадгалж, баазаа өргөтгөх зориулалтаар зээл авахаар ном журмынх нь дагуу хандсан боловч зээлд хамрагдаагүй.

Дэлхийн улс орнууд цар тахалтай зэрэгцэн амьдарч байна. Монгол ч гэсэн аялал жуулчлалын салбараа сэргээж, гадаадын жуулчдаа тодорхой хугацаагаар ажиглан тусгаарлаж, аялуулах боломжтой гэж харж байна. Гэвч цар тахлын тархалт буурахгүй эсрэгээрээ нэмэгдэх боллоо. Нэг хэсэг горьдлого төрүүлж байсан ч эргээд дельта хувилбарын давалгаа эхэллээ. Цар тахлын өвчлөл намдвал гадаадын жуулчдаас Монголд аялах хүсэлт ирэх болов уу гэж горьдож сууна.

НҮБ-ын Аялал жуулчлалын байгууллагын мэдээгээр 2020 оны нэгдүгээр сараас есдүгээр сарын хооронд Монгол Улсад ирэх гадаад орны жуулчдын тоо өмнө оны мөн үеийнхтэй харьцуулахад 84 хувь, аялал жуулчлалын салбарын орлого 94 хувиар буурсан дүн гарчээ.

 

 

Энэ мэдээнд өгөх таны сэтгэгдэл?
2
ХарамсалтайХарамсалтай
2
ГайхмаарГайхмаар
1
ЗөвЗөв
1
ТэнэглэлТэнэглэл
0
ХахаХаха
0
ХөөрхөнХөөрхөн
0
БурууБуруу
Баярлалаа!

Холбоотой мэдээ

16 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-09-21 202.179.24.57

Хөвсгөл Эко Тур их боломжийн үнэтэй, дажгүй газар санагдсан шүү.

Avatar

Зочин 2021-09-21 185.31.175.207

======== Шилдэг дотно клубт тавтай морил – – https://is.gd/f4011T

Avatar

Зочин 2021-09-21 82.144.201.2

Ковидынхоо халдварыг эмчилж дийлэхгүй байгаа газарт юун жуулчид ирэх юм бэ. Наад ЗГ, Оюун-Эрдэнээсээ асуу???400 сая жуулчин хаачив….

Avatar

Зочин 2021-09-21 202.21.107.97

unendee covidoos bolood ene salbar unaltand orson. davagdashgui huchin zuil tohioldson. getel iim salbariig demjine gedeg mash ur ogooj muutai gej bodogdoj bna. teren dor hodoo aj ahuin salbaraa demjvel mash ih ashigtai baina shuu dee. aylal juulchlaliin companiud ch gesen uil ajilgaagaa humiad hunsnii uildverlel oor busad salbart orvol sain shuu dee.

Avatar

Зочин 2021-09-21 66.181.161.77

Энэ махан толгой Замын үүд дээр очоод байдлыг бүүр муутгасан, одоо ченжүүдтэй уулзаад бүүр л дордох бх. Яана даа МАН. МАН улс орныг сүйрүүлж ханаагүй юу.

Avatar

Зочин 2021-09-21 81.243.163.193

Ehleed uls ornoo hugjuulcheed tourist yari tehuu, naad zah ni hitois garaad yawhad mashind heden tsagaar segschuulne, zamd zogsood orchig wc baihgui yum bna le. Ternii orond 4 tsag mashin yawah gazra 1,5-2tsag trein yawdag bolgo, tegj hugsun ued gadaadinhan uursduu ochih bolno

Avatar

shiilegbat 2021-09-21 139.5.218.215

Heseg buleg humuusiin biznes baigaliaar ashig orlogo olj ashigtai bdg ergeed baigalid ymarch ashig tusaa ugduggui sslbar neg mur dampuurad ywj bsn deer

Avatar

Зочин 2021-09-21 202.179.24.57

Аялал жуулчлалын салбар улсад тодорхой хэмжээний валют авчирдаг. Тэр валютаар нь чам мэтийн тэнэгүүдэд өмсөх бандааш, ухаалаг утас импортлодог юм ш дээ.

Avatar

Сонгууль хийж коронаг хот хөдөөгүй хяналтаас алдсан Монголд хэн ч ирэхгүй 2021-09-21 192.82.77.90

Хөдөө бол малчид гэр бүлээрээ өвдөөд сургуулийн хүүхдүүд өвдөөд мш хүнд байна

Avatar

зочин 2021-09-21 124.158.65.7

400.000.000

Avatar

ЗОЧИН 2021-09-21 192.82.92.201

хар хүйтэнд юугаа хийж энд тэнэж явах юм вэ,

Avatar

иргзн 2021-09-21 202.179.27.230

тэгнэ ш дээ, МАН ЗГ Оюунэрдэнэ дИЖИТИТАЛ энэ тэр гэж Маниустай солиороод томроод явахаас биш Гадныхан манайханд ингэж л хандаж байгаам ш дээ,

Avatar

Монголчуудаа Хэдэн биёсээ Амар тайван Аюулгүй байлгаж хайрлааа 🙏🙏🙏 2021-09-21 202.126.89.139

МОНГОЛЧУУД ОДОО БАЯРЛАХ, ГОМДОХ, ҮЗЭН ЯДАХ, БАЯР ТЭМДЭГЛЭХ, НАРГИХ ЦЭНГЭХ АЯЛАХТАЙГАА БАЙГАА БИЛҮҮ ⁉️ МӨДДӨӨ МӨРӨӨДӨЛТГҮЙ ⁉️
МОНГОЛЧУУД ЗҮГЭЭР Л ӨӨРСДӨӨ ХУВИЙН САХИЛГА БАТТАЙ БАЙЖ ЭРҮҮЛ САРУУЛ ӨВЧИН ЗОВЛОНГҮЙ АМАР АМГАЛАН БАЙХ ЭСЭХ НЬ ТА БИДНЭЭС ӨӨРСДӨСӨӨС Л ШАЛТГААЛААД БАЙНААА ‼️‼️‼️

Avatar

zochin 2021-09-21 202.179.15.71

tertee tergyu ovol bolchihloo,ireh zunaas boldoo

Avatar

zochin 2021-09-21 192.82.70.4

Ochij ochij Ugiigiin Enkhbayar baasnaas asuugaad baihdaa yahav dee. Ayalliin salbariin ireeduig naad sta chini medehgui. Baaz deer n neg hono. Byasaa, horgoind zasuulaad garna ta nar. Naad zah n ter. Tui mai sta. Muu Enkhbayar shuu arhichin ochij ochij.

Avatar

Зочин 2021-09-21 202.55.191.130

Urd ni zahialaad ch amarch chaddaggui baisan gazaruud ene jil saikhan neelttei gadaad bayan humuustei uneer ursulduhgui ikh saikhan amar bailaa gej

NewsMN Гар утасны хувилбар Татах
NEWS.mn

Мэдээллийн эх сурвалж