Нийслэлийн хэмжээнд вакцины гуравдугаар тунд хүн амын 10 хувь нь хамрагджээ. Цар тахлын эсрэг дархлаа тогтоох вакцины гурав дахь тунг наймдугаар сарын 30-аас эхлүүлснээс хойш боловсролын салбарынхан, дархлаа дарангуйлах эм уудаг хүмүүс, архаг хууч өвчтэй иргэдийг хамруулж эхэлсэн. Мөн 18-аас дээш насны иргэдийг нэмэлт гурав дахь тунд хамруулж байна.

 Өнөөдрийн байдлаар вакцины нэгдүгээр тунд 74.4 хувь, хоёрдугаар тунгийн хамрагдалт 70.4 хувьтай байна. Мөн 2861 жирэмсэн эх, 12-15 насны 65197, 16-17 насны 25729 хүүхэд тус тус дархлаажуулалтын бүрэн тунд хамрагджээ.