Их Британийн боксчин Амир Хан нь АНУ-ын агаарын тээврийн "American Airlines" компанийн нислэгээс "хөөгджээ". Тэрбээр хамт явж байсан хүнийхээ хамтаар нислэгийн журам зөрчсөн учраас цагдаагийн хүчээр албадан нисэх онгоцоос буусан аж.

34 настай Амир Хан болон түүнтэй хамт явсан хүний нь амны хаалт шаардлага хангахгүй байгааг онгоцны үйлчлэгч хэлж, шаардлага тавихад маргаан үүсгэсэн гэж албаныхан мэдээлжээ. Тэрбээр Колорадод байх сургуулилалтын байр руугаа явахаар тус нислэгт суусан аж.

Гэвч маргаанаас үүдэн 700 дугаартай нислэг Ньюарк нисэх буудлаас хөөрснийхөө дараа эргэн газардсан байна.

ЭХ СУРВАЛЖ: ВВС