Нийслэлийн 189 мянган өрх сайжруулсан түлш хэрэглэдэг. Эдгээр өрх сайжруулсан түлш хэрэглээд гурав дахь өвөлтэйгөө золгож байна.  Шахмал түлшний үр дүнд галлагааны улиралд хотын агаарын бохирдол 40-50 хувиар буурсныг холбогдох албаны хүмүүс мэдээлж буй.

Тиймээс агаарын бохирдлыг ойрын дөрвөн жилийн дотор 80 хувиар бууруулах зорилтыг Засгийн газрын мөрийн хөтөлбөрт тусгаад буй. Энэ хүрээнд нийслэлийн зүүн бүс, Налайх дүүрэгт сайжруулсан түлшний хоёр дахь үйлдвэрийг ирэх арваннэгдүгээр сард ашиглалтад оруулахаар төлөвлөжээ.