Хүмүүс уншихыг хүссэн номоо авахаар урт дараалал үүсгэжээ | News.MN

Хүмүүс уншихыг хүссэн номоо авахаар урт дараалал үүсгэжээ

Хүмүүс уншихыг хүссэн номоо авахаар урт дараалал үүсгэжээ

Хүмүүс уншихыг хүссэн номоо авахаар урт дараалал үүсгэжээ

Төв талбайд Үндэсний номын баяр өчигдрөөс /2021.9.17/ эхэлсэн. Уламжлал ёсоор номын баярыг 30 дахь жилдээ нийтээрээ тэмдэглэж байгаа нь энэ билээ. Энэ жилийн тухайд цар тахлын онцгой нөхцөлд “Номын баярыг нийтээр тэмдэглэх хууль”-тай болсон анхны жил тохиож буйгаар онцлог. Номын баярт жил бүр 40 мянга гаруй уншигч, 100 гаруй хэвлэн нийтлэгч, 300 орчим  зохиолч, орчуулагч, редактор, зураач, эх зохиогч оролцдог. Энэ утгаараа номын баяр өргөн дэлгэр болдог гэдгийг зохион байгуулагчид нь онцолж байв.

Халдвар хамгаалалтын дэглэмээ чанд сахиж, ном шимтэн уншигчид урт дараалалд авах гэж байгаа номоо тэврэн дугаарлан зогсоно.

Намрын номын баярт 100 гаруй асар сүндэрлэж, шинэ ном 50 хүртэлх хувь хямдарч, асар бүр хүн ихтэй байв. Бүх ном 1000 төгрөг гэсэн асарт хүн багтаж зөрөх ч зайгүй байлаа. Талбай дээр сүндэрлэсэн асрууд дотроос хамгийн ачаалалтай нь  "Аз хур" номын дэлгүүр. 20-оод худалдагч ажиллаж байгаа ч тооцоо авах хэсэгт хүн олноор дугаарлажээ.

НОМЫН БАЯРЫГ НИЙТЭЭР ТЭМДЭГЛЭХЭЭР ХУУЛЬД ТУСГАСАН НЬ  ОНОВЧТОЙ ШИЙДВЭР БАЙСАН

Үндэсний номын баяр энэ удаа “Өдөр бүр уншъя” уриатайгаар болж байгаа. Тиймдээ ч соёл урлагийн хөтөлбөрүүд нь хүүхэд, залуус гэлтгүй хүн бүрд ном унших дадал олгох зорилготой. Нийт гурав хоног орон даяар үргэлжлэх номын баярт нэгдэж байгаа хүмүүс жилээс жилд зохион байгуулалт, нийтийг хамрах хүрээ тэлж байгаад талархаж байв.

УИХ-ын чуулганаар Нийтээр тэмдэглэх баярын болон тэмдэглэлт өдрүүдийн тухай хуульд нэмэлт оруулах тухай хуулийн төслийн хэлэлцүүлгийг хийн баталсан. Нийтээр тэмдэглэх баярын болон тэмдэглэлт өдрүүдийн тухай хуулийн 5.1.17-д "Үндэсний бичиг соёл, номын өдрүүд: тав болон есдүгээр сарын гурав  дахь долоо хоногийн Бямба, Ням гариг” гэж тусгасны дагуу энэхүү өдрүүд албан ёсны тэмдэглэлт өдөр болсон юм. Монгол Улсын Ерөнхийлөгчийн 2012 оны “Номын баярын өдөр тэмдэглэх тухай” 158 дугаар зарлигаар жил бүрийн есдүгээр сарын гурав дахь долоо хоногийн Бямба гаригт “Номын баярын өдөр”-ийг улс орон даяар тэмдэглэхээр шийдвэрлэсэн. Харин энэ жилийн хувьд номын баярын онцлог нь бүх нийтээр тэмдэглэх хуультай болсон гэдгээрээ илүү өргөн цар хүрээг хамарч буй. Тиймээс номын баярыг зорин ирсэн хүмүүсээс сэтгэгдлийг нь сонслоо.

ИРГЭН Н.АМГАЛАН:

-Сүүлийн жилүүдэд номын баяр монголчуудын тэмдэглэн өнгөрүүлдэг хамгийн сайхан баяр болсон. Миний хувьд 25 жил дараалан номын баярт оролцож байна. Гандантэгчэнлин хийдийн хамт олон өөрсдийн гэрийг барьж бүтээлээ олон нийтэд танилцуулдаг уламжлалтай. Тиймдээ ч жил бүр энэ өдрүүдийг догдлон хүлээдэг. Залуучуудыг номын соёлд суралцаж байгаад маш баяртай байна. Ном авахын тулд дугаарлана гэдэг бол маш том шинэчлэлт. Харин ахмад, дунд үеийнхэн судалгаа, шинжлэх ухааны бүтээлүүд гаргаж түүнийгээ худалдан борлуулж байгаа нь нийгэмд маш тустай зүйл болж байна.

ИРГЭН Б.ӨЛЗИЙБАДРАХ:

-Ном бол аль ч цаг үед дэлхий, ертөнцийг харах цонх болсоор ирсэн. Тиймээс номын баяраар төв талбайд зорин ирж хүүхдүүддээ болон өөрийн сонирхож байгаа номоо худалдан авах дуртай. Тусгайлан өдрүүд гаргаж, хөтөлбөр боловсруулж, ном уншигч болон унших дуртай хүн бүхэнд нээлттэй зохион байгуулж байгаад баяртай байна. Хүүхдийн уран зохиол, дэлхийн сонгодог ном бүтээлийг сорчлон нэг цэгт төвлөрүүлдэг учир айл бүрийг зорин ирж ном авахыг уриалж байна. Миний хувьд уншихыг хүссэн номоо авахаар ингээд л дугаарлаад хүлээж байгаа нь энэ.

НИЙСЛЭЛИЙН 48 ДУГААР СУРГУУЛИЙН СУРАГЧИД:

-Бид хичээлээ тараад шууд л номын баяр явах найзуудаараа нэгдэж талбай руу ирсэн. Маш олон төрлийн номтой танилцаж, өөрсдийн сонирхсон бүтээлээ авах боломжтой болдог. Гэр бүлийнхэн бүгд ном уншихыг дэмждэг учраас найзуудаараа хамтдаа дуртай номоо авахаар ирсэн. Багш нар номын санд карт нээлгэж, өдөр бүр бага багаар залхуурахгүй уншихыг зөвлөдөг. Тэгээд бид уншсан номын тэмдэглэлээ хөтөлж, хоорондоо харилцан ярилцаж бүр илүү унших дуртай болдог.

 

 

МУИС-ИЙН УЛС ТӨР СУДЛАЛЫН БАГШ А.ЗОЛБОО:

-Ном гэдэг бол аливаа үндэстний хэл, соёл, дархлаа. Би өөрөө багш хүн. Номын баярт олон эрдэмтэн, судлаачид судалгааны бүтээл, шинжлэх ухааны ном, орчуулгын бүтээлээ танилцуулдаг. Номын зохиолч нартай уулзаж, судалгааны ажлыг нь сонсч танилцаж, гарын үсэгтэй нь авна гэдэг бол завшаан. Тиймээс олон нийтэд хэрэгцээтэй номыг танилцуулж, эх хэл соёлоо таниулж, түгээн дэлгэрүүлж, байгаа нь энэ өдөрлөгийн гол онцлог гэж боддог. Сүүлийн жилүүдэд номын баяр хүрээгээ тэлж гэр бүлийн бүх гишүүнд зориулж байгаад баяртай байна. Үндэсний дархлааг дэмжих өдөр буюу номын баярыг нийтээр тэмдэглэнэ хэмээн хуульд тусгаж өгсөн нь оновчтой шийдвэр байсан гэж бодож байгаа.

Номын баяр зорин ирэх хүсэлтэй хүн бүрд нээлттэй бөгөөд шинэ номууд хямдралтай үнээр худалдаалагдаж байна. Мөн хуучин номын асруудаас ховор номыг ч олж авах боломж бүрджээ.

Энэ мэдээнд өгөх таны сэтгэгдэл?
14
ЗөвЗөв
5
ТэнэглэлТэнэглэл
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

18 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Иргэн 2021-09-18 66.181.188.128

Nom zarah ni zuvuu, humuus oyunii hoosrold orson, nom ch unetei baina, hyamdruulj zarj baigaa ued nom avii gesen humuus baina, gehdee humuusiin tsalin buugaagui, bur mungugui ni huuhdiin munguu ch avaagui ued yadaj tsag hugatsaag bodoltsoj 20 s hoish ene ajliig hiisen bol zarj baigaadaa ch avah gesendee ch heregtei bailaa, Unendee MOngolchuud diilenh ni mungugui, yaduu baigaa ni unen sh dee

Avatar

Зочин 2021-09-18 5.183.209.217

= Шилдэг дотно клубт тавтай морил – – https://is.gd/f4011T

Avatar

123456 2021-09-18 49.0.142.18

Энэ поором чинь феодализмын үед Францын гэрийн үйлчлэгч, асрагч эмэгтэйчүүдийн өмсдөг ажлын хувцас шүү дээ, French Maid гэдэг юм, одоо бодохноо ичмээр ч юм шиг, яахавдээ Зөвлөлтийг л яс хуулбарласнаас ийм болсон

Avatar

Зочин 2021-09-18 66.181.161.8

ямар сонин хоосон толгойтой болчээ вэ задгай талбайд ганц ном авлаа гээд яавал гэж бар цэнгээний газар болхооо яахуу

Avatar

Зочин 2021-09-18 66.181.184.172

10 жил нэмэгдээгүй цалинтай минь харьцуулахад ном их үнэтэй болсон. Ном авахаа ч больсон доо. Хямдралаар л хэдэн ном авахыг боддог.

Avatar

Зочин 2021-09-18 202.126.88.160

Форм гоё харагдаж байна. Нэг формоо өмсөж лентээ зүүж эвлэлийн тэмдэгээ энгэртээ зүүж баясах юмсан. Нэг тийм аялал зохион байгуулбал хэдэн төгрөг төлөөд хэсэг хугацаанд аялмаар л бна.

Avatar

Зочин 2021-09-18 192.82.93.12

Tiim bna, goy haragdaj bna, chi nadtai adil omnoh niigemd sursan bas osohiin komplextoim bna. 30 jiliin uulzaltaaraa ene formoo hiilgeed omstson angiin myaraalag avgai naraa haraad muurch unah shahsaan hha

Avatar

Зочин 2021-09-18 202.126.88.37

Би 10 жилд байснаасаа гоолиг байгаа. Гоё харагдана л гэж бодож байна. Хааяа дурсамжаараа аялавал кайфтай л байна.

Avatar

Боги 2021-09-18 202.126.90.34

Юүн гачин поормтой хүүхдүүд вэ. Соц коммунизмын үэд нэг ийм юм өмсдөг бсм бнлээ ккккк

Avatar

/*-*/ 2021-09-18 49.0.142.18

Олон хүн цуглуулж худлаа ийм тийм өдөрлөг, лоозонт кампанит ажил энэ тэр гэсэн өнгөрсөн нийгмийн хоцрогдсон юм зохион явуулж корона дэлгэрүүлэхээ зогсоо МАН-аа

Avatar

Буд 2021-09-18 64.119.25.54

Овчлол маш их байхад яагаад ийм юм зохион байгуулаж бна даа гадуур маш их хун явж бна энэ ходолгоон хумхигуй бол болохгуй боллоо шуу арай л бна

Avatar

Зочин 2021-09-18 202.126.90.103

MANgas korona end tend tuluvluguutei taraaj baina shuu, bitgii tiishee zugleerei

Avatar

Зочин 2021-09-18 139.5.219.14

Номын зах их эрэлттэй байгаа бол байнгын ажиллагаатай номын зах үгүйлэгдэж байна гэсэн үг.

Avatar

Зочин 2021-09-18 73.231.128.120

Тусгай асар авалгүй ганц хоёр ном зарж байгаа өвгөн хүнийг энэ баярын үеэр зодох уу?

Avatar

huuhduudee bod 2021-09-18 202.55.188.105

hol horiogoo changalaajee

Avatar

Зочин 2021-09-18 150.129.143.193

энэ их хүний бөөгнөрөл шоугаас чинь корона тархахгүй юу МАНчин хулгайчуудаа. тэгсэн хэрнээ мөрөөрөө ажиллаж байгаа иргэд ААНг өдөр шөнө өглөө үдэшгүй торгож хааж дарамтлана, хорио тавьна. яг ямар зорилготой хулгайчууд төрийн толгойд гарцын, улс орныг бүрэн сүйрүүлж санаа нь амрахуу, оюунэргүү хүрэлсүг мэтийн унгаж байгаа ярьж байгаагаа ялгахгүй амьтад улс орноор тоглож дуусч байхад хөгийн долоогчид хөөргөн долоосон хэвээрл. шатахуун тээвэр, юмны үнэ, бараа материалын хомсдол гээд ажил байхгүй юу

Avatar

Зочин 2021-09-18 192.82.81.120

Номын баяр уу , корона тараах баяр уу .Наадахыг чинь цахимаар зарж болдоггүй юм уу.Заавал сургууль цэцэрлэг эхлэх үеэр бөөгнөрөл үүсгэх хэрэггүй л юм байгаа юм.Паркд бас ороны шоу-тай гэсэн биз дээ.

Avatar

Иргэн 2021-09-18 202.9.40.171

Гадаа задгай талбайд маскатай явж ном авахаар корона тусна, дотор агааргүй орчинд маскаа тайлаад хоол идэх шар айраг уухад короно тусахгүй гэх гээд байна уу ёстой гх гх.

NewsMN Гар утасны хувилбар Татах
NEWS.mn

Мэдээллийн эх сурвалж