Дархан-Уул аймагт “Улаанбаатар төмөр зам” ХНН-ийн санаачилгаар “Хүүхдийн төмөр зам” бүтээн байгуулалтын ажлыг тавдугаар сарын 10-ны өдрөөс эхлэн гүйцэтгэж байна.  Тэгвэл хүүхдийн галт тэргэнд зориулж, ОХУ-д тусгайлан захиалж хийлгэсэн нэг зүтгүүр, хоёр ширхэг зорчигчийн вагон үйлдвэрлэлтээс гарч, Монгол руу ачигдан ирж яваа аж. "Хүүхдийн вагон" ирэх аравдугаар сард Монгол Улсад ирэх аж.

Уг галт тэргийг ТУ10 маркийн 230 морины хүчтэй зүтгүүр,  34 хүний суудалтай хоёр зорчигчийн хэсэгтэйгээр  ОХУ-ын “Камбарскийн завод”-д үйлдвэрлэжээ.

“Хүүхдийн төмөр зам” бүтээн байгуулалтын хүрээнд Дархан-Уул аймгийн “Миний Монгол” цэцэрлэгт хүрээлэнд 2,3 км-ийн урттай төмөр зам,  өртөөний нэг барилга,  гурван зогсоолыг барьж байна. Төмөр замыг сургалтын төв болгож ашиглах ба ирээдүйн төмөр замчдад анхан шатны мэдлэг олгох, хүүхэд залуучуудыг амралт чөлөөт цагаа зөв боловсон өнгөрүүлэхэд чиглэсэн аж.

М.БАТЗАЯА