Ардчилсан нам /АН/ хоёр хуваагдаад багагүй хугацаа өнгөрч буй. Эдүгээ тус нам М.Тулгат, О.Цогтгэрэл гэсэн хоёр даргатай болсон. Үүнтэй зэрэгцээд АН-ын тамганы маргааныг шүүхээр шийдвэрлүүлэхээр хандаад байна. Тэгвэл АН-ын гишүүн О.Баасанхүү дараах тайлбарыг  хийжээ.

Тэрбээр "Хуульч хуульд захирагдах ёстой болохоос дарга, эрх ашигт захирагдахгүй. С.Эрдэнэ гэдэг хүн тамгаа Ц.Туваанд өгсөн гэдэг нь АН-ын даргаар Ц.Тувааныг болгосон зүйл биш. Улсын дээд шүүх хуралдаж, албажуулж намын гэрчилгээн дээр бичих ёстой. Улсын дээд шүүх М.Тулгатыг АН-ын даргаар албажуулж өгөөгүй.  УИХ-ын гишүүн О.Цогтгэрэл гэдэг хүн Ц.Туваан гэдэг хүнээс АН-ын тамгыг авсан гэдэг. Албажаагүй хүнээс авч баталгаажуулж болохгүй. АН-ын түүхэнд намын дарга Ц.Туваан гэж хүн байгаагүй" гэлээ. 

Э.БУРАМ