ОХУ цар тахлын эсрэг хамгийн анхны вакциныг бүтээж амжсан ч түүнийгээ олон улсаар одоог хүртэл хүлээн зөвшөөрүүлж чадаагүй байна. Тухайлбал, Спутник V вакциныг хүлээн зөвшөөрүүлэх хүсэлтийг үйлдвэрлэлийн асуудлаас шалтгаалж ДЭМБ, Европын яаралтай тусламжийн агентлаг нар түдгэлзүүллээ.

ДЭМБ-ын шаардаж байгаагаар Спутник V вакциныг хүлээн зөвшөөрөхийн тулд Оросын дор хаяж нэг вакцины үйлдвэрийн үйл ажиллагааг нарийн шалгах шаардлагатай аж.

Харин энэ долоо хоногт ДЭМБ-ын АНУ дахь салбар эрүүл мэндийн байгууллагын туслах захирал Жарбас Барбоса хэвлэлийн бага хурал дээр өнгөрсөн тавдугаар сард ОХУ-ын үйлдвэрүүдийг шалгаад хэд хэдэн зөрчил илрүүлсэн учир вакциныг хүлээн зөвшөөрөх асуудлыг түр хойшлуулсан талаар ярьжээ.

Тэрбээр “Спутник V вакциныг яаралтай тусламжийн журмаар ашиглахыг зөвшөөрөх тухай асуудлыг түдгэлзүүллээ. Учир нь ОХУ-ын вакцины үйлдвэрүүдийн нэгийг шалгаж үзэхэд шаардлага хангаагүй, асуудлууд илэрсэн. Тиймээс Орос орон ДЭМБ-ын зөвлөгөөг дагаж, шаардлагатай өөрчлөлтүүдийг хийн, дараагийн шалгалтанд бэлдэх шаардлагатай. Бид бэлэн болсон талаар мэдэгдэл ирэхийг хүлээх болно” гэж ярьжээ.

Эх сурвалж: MOSCOWTIMES