245 сургуульд халдвар гарч, цахимаар хичээллэж байна | News.MN

245 сургуульд халдвар гарч, цахимаар хичээллэж байна

245 сургуульд халдвар гарч, цахимаар хичээллэж байна

245 сургуульд халдвар гарч, цахимаар хичээллэж байна

Улсын хэмжээнд есдүгээр сарын 10-ны байдлаар цар тахлын улмаас танхимын сургалтаас цахимд шилжсэн ерөнхий боловсролын 245 сургууль байгаа аж. Ингэснээр улсын хэмжээнд нийт 1592 бүлгийн 43 мянга 351 сурагч цахимаар хичээллэж байна. Тэдгээрийн 64 сургууль 322 бүлэг 13 мянга 240 суралцагч нь нийслэлд байгаа гэсэн статистикийг Боловсрол, шинжлэх ухааны яамнаас гаргажээ. Мөн өнгөрсөн долоо хоногийн байдлаар нэгдүгээр хавьтал болсон 31 мянга 322 суралцагч, 2078 багш гэрийн тусгаарлалтад шилжиж хичээл сургалтаа зайнаас удирдан чиглүүлж байгаа юм байна.

Одоо танхимын сургалтыг бүрэн цахимд шилжүүлэх хүсэлт гаргасан 330 сургуулийн 32 мянга 836 суралцагч байгаа аж. Гэхдээ яамнаас 100 хувь цахимд шилжүүлсэн эсэх талаар мэдээллийг Баасан гаригт өгөх боломжтой гэлээ.

Боловсрол, шинжлэх ухааны яамны 2021 оны есдүгээр сарын 7-ны өдрийн мэдээллээр багш болон 12-оос дээш настай сурагчдын 90 гаруй хувь нь дархлаажуулалтад хамрагдсан. Танхимын сургалтын үед цэцэрлэг, сургуульд Covid-19 халдвараас урьдчилан сэргийлэх, хариу арга хэмжээний баг ажиллаж, тухайн сургалтын байгууллагын онцгой комиссын үүргийг гүйцэтгэн ажиллаж байгааг салбар яамнаас мэдээлсэн.

Хичээлийн шинэ жил эхэлсэнтэй холбогдуулан Боловсрол, шинжлэх ухааны сайд, Эрүүл мэндийн сайдын хамтарсан тушаалаар цар тахлын үед цэцэрлэг, сургуулийн үйл ажиллагааг эхлүүлэхэд мөрдөх түр журмыг баталж, хэрэгжүүлж байгаа. Үүний  дагуу цэцэрлэг, сургуулийн орчинд дараах тохиолдолд танхимын сургалтыг зогсоож, долоо хоногийн хугацаатай зайн сургалтад шилжиж байгаа юм. Тухайлбал:

  • Тухайн нэг бүлгээс халдварын тохиолдол батлагдсан нөхцөлд тухайн бүлгийн
  • Ангийн байрлалаас хамаарч тухайн давхар, жигүүрийн гурав хүртэл бүлэгт халдварын тохиолдол батлагдсан нөхцөлд тухайн давхар, жигүүрийн бүлгүүдийн
  • Өөр хоорондоо хамааралгүй (нэг жигүүр, нэг давхар биш, анги болон багш солигддоггүй) гурав ба түүнээс дээш бүлгийн дотор халдварын тохиолдол батлагдсан нөхцөлд цэцэрлэгийн бүх бүлгийн танхимын сургалтыг зогсоож, долоо хоногийн хугацаатай зайн сургалтад шилжүүлнэ.
  • Ерөнхий боловсролын сургуулийн хувьд Covid-19-ийн тархалтын ногоон болон шар түвшинд байгаа аймаг, сум, тосгон, багт байршилтай сургуулийн хичээлийг танхимаар зохион байгуулна. Халдварын тархалтын улбар шар болон улаан түвшинд байгаа аймаг, нийслэл, сум, дүүрэгт байршилтай сургуулийн суралцагч таван өдөр танхимаар, таван өдөр танхимын бус хэлбэр (зайн)-ээр хичээллэж буй.

Харин дараах тохиолдолд танхимын сургалтыг зогсоож, долоо хоногийн хугацаатай зайн сургалтад шилжиж байгаа. 

  • Covid-19-ийн эсрэг вакцинд хамрагдаагүй 12-оос доош насны хүүхэдтэй нэг бүлгээс халдварын тохиолдол батлагдах нөхцөлд тухайн бүлгийн
  • Covid-19-ийн эсрэг вакцины бүрэн тунд хамрагдсан 12 ба түүнээс дээш насны хүүхэдтэй нэг бүлгийн гурав ба түүнээс дээш хүүхэд халдвар авсан тохиолдолд тухайн бүлгийн
  • Өөр хоорондоо хамааралгүй гурав болон түүнээс дээш анги, бүлэгт халдвар бүртгэгдсэн тохиолдолд тухайн давхар, хэсэг (жигүүр) эсхүл хичээлийн байранд (өвчлөл гарсан анги, бүлгийн байршил болон хичээлийн байраас хамаарч корпусыг хаах) хичээллэж байгаа анги бүлгийн
  • Өөр хоорондоо хамааралгүй (нэг жигүүр, нэг давхар биш, анги болон багш солигддоггүй) гурав ба түүнээс дээш анги, бүлгийн дотор халдварын тохиолдол батлагдсан нөхцөлд сургуулийн танхимын сургалтыг зогсоож, долоо хоногийн хугацаатай зайн сургалтад шилжүүлж байгаа юм байна.
Энэ мэдээнд өгөх таны сэтгэгдэл?
3
ЗөвЗөв
2
ТэнэглэлТэнэглэл
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

6 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-09-15 51.158.186.59

!!!! Шилдэг дотно клубт тавтай морил – – https://is.gd/f4011T

Avatar

сонгогч 2021-09-15 192.82.90.218

Оюутнуудыг цахим болгооч ээ. Мөн ахлах ангийн хүүхдүүдийг цахим болгохгүй, монголын бүх хүүхдүүдийг ковидоор өвчлүүлэх гээд байгаа юм уу. Энэ боловсролын сайдын хийж байгаа үйлдлыг ойлгохгүй байна. Хүүхдүүд сургуулиасаа халдвар тээж ирээд гэр бүлээрээ өвдөж байна. Вакцины 2 тундаа хамрагдсан, 3 дахь тунгаа хийлгэсэн хүмүүс хүүхдүүдээсээ халдвар авч өвдөөд байна. Яаралтай цахим шилжүүлэх арга хэмжээ аваач ээ. Эмнэлэг ор байхгүй, гэртээ хүндэрч байна

Avatar

Зочин 2021-09-15 66.181.176.59

10 жил их дээд сургууль цэцэрлэг коллежээ карантаалаачээ

Avatar

Зочин 2021-09-15 66.181.161.52

Боловсролын яам монголын бүх хүүхдийг 100% халдварт хамруулж байж санаа нь амрах гээд зүтгээд юм уу?? !!!

Avatar

Зочин 2021-09-15 192.82.70.241

Вакцинд хмрагдаагүй 12 доош насны хүүхдүүдийг цахимаар хичээлүүлэх хэрэгтэй 12 дээш насныханыг вакцины 2 дахь тунд хамрагдсан бол танхимаар хичээлүүлж болох юм

Avatar

ЗОЧИН 2021-09-15 64.119.25.96

ха ха ха нөгөө багш нарт шахсан 2 тун хятад вакцины ид шид нь хаана байна вэ?

NewsMN Гар утасны хувилбар Татах
NEWS.mn

Мэдээллийн эх сурвалж