"iPhone 13" загварын дөрвөн хувилбарыг танилцууллаа | News.MN

"iPhone 13" загварын дөрвөн хувилбарыг танилцууллаа

"iPhone 13" загварын дөрвөн хувилбарыг танилцууллаа

"iPhone 13" загварын дөрвөн хувилбарыг танилцууллаа

"Apple" компани орон нутгийн цагаар өчигдөр/2021.09.14/ шинэ бүтээгдэхүүн танилцуулах өдөрлөгөө зохион байгуулж, дэлхий нийтийн хүсэн хүлээсэн "iPhone 13" ухаалаг гар утсыг танилцууллаа.


Эхлээд тус компани шинэ үеийн "iPad" болон "iPad mini"-г танилцуулсан. 10.2 инч, A13 чиптэй өчигдөр нээлтээ хийсэн iPad нь өмнөх загвараасаа 20 хувь хурдан гэнэ. Мөн нүүрэн талын 12MP ультра өргөн камер нь сүүлийн үеийн машин сургалт технологитой хоршин ажиллаж, видео дуудлагын үед хэрэглэгчийн биеийн хөдөлгөөнийг даган хөдлөх аж. Үүнээс гадна "Apple Pencil" болон "True Tone" дэмжин ажиллана.

Шинэ "iPad" нь "Google" компанийн "Chromebook" таблетаас гурав дахин хурдан болжээ.

Харин 8.3 инч "iPad mini"-ийн хэлбэр хийц шинэчлэгдэж, илүү дугуй булантай болж, ард, урд камер нь сайжирснаас гадна "Liquid Retina" дэлгэцтэй, "USB-C", "Apple Pencil" дэмждэг болжээ. Өнгөний хувьд ягаан, нил ягааны өнгөнүүд нэмэгдсэн аж.

"iPad Mini" нь 5G сүлжээ дэмжинэ.

Үүний дараа "Apple Watch" цувралын илүү өргөн дэлгэцтэй долоо дахь загвар нээлтээ хийв. Цувралын зургаа дахь загвараас 20 хувь том дэлгэцтэй, 50 хувь илүү бичвэр харуулах бөгөөд дэлгэцэн дээрх бүтэн гарын тусламжтай хэрэглэгч зурвастаа хариу өгч болно.

Эцэст нь хос камертай "iPhone 13" болон "iPhone 13 Mini" танилцуулсан. 6.1 инч "iPhone 13" болон 5.4 инч "iPhone 13" mini нь дэвшилтэт А15 Bionic чиптэйгээс гадна цэнэг барилтын хувьд "iPhone 13" нь өмнөх загвараасаа 2.5 цагаар, "iPhone 13 Mini" нь 1.5 цагаар илүү гэнэ. Мөн илүү дэвшилтэт 5G сүлжээ, “Cinematic mode” нэмэгджээ. Энэ функцийн тусламжтай та “Portrait mode”-аар бичлэг хийнэ гэсэн үг. Өнгөний хувьд ягаан, цэнхэр, хар, цагаан, улаан гэсэн таван шинэ өнгөтэйгөөр худалдаанд гарна.

Ингээд арга хэмжээ дуусаагүй. Apple компани дахин "iPhone 13 Pro", "Pro Max" загваруудыг танилцуулсан. Гурван камертай 6.1 инч "iPhone 13 Pro" болон 6.7 инч "iPhone 13 Pro Max" нь мөн дэвшилтэт А15 Bionic чиптэй. Таван цөмтэй процессорын тусламжтай дүрс боловсруулалт нь 50 хувиар нэмэгдэж, видео тоглоом тоглоход цоо шинэ мэдрэмжийг танд мэдрүүлэх болно. Мэдээж, өмнөх загваруудаасаа илүү сайжирсан камертай, бүхий л өдрийн турш цэнэгээ барих чадвартай.

iPhone 13 Pro загвар нь 1TB багтаамжийн сонголттой.

Apple-ийн шинэ бараа бүтээгдэхүүний үнэ:

  • iPad – 329 ам.доллараас эхэлнэ. Ирэх долоо хоногоос худалдаанд гарна.
  • iPad mini – 499 ам.доллараас эхэлнэ. Ирэх долоо хоногоос худалдаанд гарна.
  • Apple Watch Series 7 – 399 ам.доллар. Энэ намар худалдаанд гарна.
  • iPhone 13 Mini – 699 ам.доллараас эхэлнэ.
  • iPhone 13 – 799 ам.доллараас эхэлнэ.
  • iPhone 13 Pro – 999 ам.доллараас эхэлнэ.
  • iPhone 13 Pro Max – 1,099 ам.доллараас эхэлнэ. Бүх шинэ загварын iPhone-ууд есдүгээр сарын 24-нд худалдаанд гарна.

Энэ мэдээнд өгөх таны сэтгэгдэл?
12
ЗөвЗөв
5
ТэнэглэлТэнэглэл
1
ХахаХаха
1
БурууБуруу
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
Баярлалаа!

Холбоотой мэдээ

6 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-09-15 195.206.105.217

= Шилдэг дотно клубт тавтай морил – – https://is.gd/f4011T

Avatar

Зочин 2021-09-15 66.181.160.26

Хүлээлтэнд хүрч чадсангүй ээ.Самсунг болон бусад өрсөлдөгчдөөсөө хоцрогдол нь илүү боллоо.Үйлдлийн систем нь нэлээн оноо авчрах болов уу гэж л найдахаас

Avatar

Зочин 2021-09-15 202.131.225.197

Гаднаас нь харахад 12-оосоо ялгарахааргүй юм байнөө. Гол нь хамгийн сүүлийн үеийн утас барьж байгаа шүү гэдгээ бусдад харагдуулах хэрэгтэй шд.

Avatar

Зочин 2021-09-15 66.181.161.115

Humus harad yhwde chmg suulin ueiin utas barij bn gd irj bugsuu algaduulahgui ges hoish. Chi bid 2 ip x iig ch tultal ni ashiglaj chadahguiges hoish tarhi aa l jhn suuliin uyiin bolgoh heregteide

Avatar

Зочин 2021-09-15 115.131.136.170

Гадна нүүрэн дээр нь Iphone 13 гэсэн бичиг наачихаад тэрийгээ ил хүмүүст харуулаад яваад байхгүй юу тэгвэл 🙂

Avatar

the jokes on you 2021-09-15 122.201.31.123

hahaha yugsench vgiin

NewsMN Гар утасны хувилбар Татах
NEWS.mn

Мэдээллийн эх сурвалж