Хотын орлогч дарга Ж.Сандагсүрэн есдүгээр сарын 5-нд “Тусгай сургуулийг зогсооно. Ямар ч Кембриж, Орос сургууль байхгүй” хэмээн твиттерт жиргээд олны шүүмжлэлд өртсөн. Удалгүй тэрбээр жиргээгээ устгасан юм. Тэгвэл өнөөдөр Ж.Сандагсүрэн  энэ талаараа тайлбар өгөв.

Тэрбээр “Боловсролын салбарт тэгш бус байдал бий болсныг Боловсрол, шинжлэх ухааны сайд ч хүлээн зөвшөөрсөн. Тухайлбал, орон нутгийн сургууль жилд  нэг хүүхдэд 300 орчим мянган төгрөгийг зарцуулж байгаа бол Кембрижийн сургуульд сурч байгаа хүүхэд гурван сая төгрөг зарцуулан ялгавартай байдлыг бий болгож байна. Үүнээс үүдэн эцэг, эхчүүд их мөнгө зарцуулж, чанартай гэж үзэж буй сургуульдаа хүүхдээ оруулах гэж хичээдэг болсон. Энэ асуудлыг боловсролын салбарын шинэчлэлийн хүрээнд шийдвэрлэнэ гэж ойлгож байгаа. Энэ асуудал салбарын яам дээр тусдаа ярина” гэлээ.