Өмнөговь аймгийн Сэврэй сумын нутаг Бүйлсэн багийн Бага номгоны-Ар гэдэг газарт өчигдөр /2021.9.5/ 15:00 цагт 3.7 магнитудын хүчтэй газар хөдөлжээ. Энэ тухай мэдээллийг мөн өдрийн 15:06 цагт Одон орон, геофизикийн хүрээлэнгээс Онцгой байдлын газарт цахим шуудангаар ирүүлсэн байна.

Газар хөдлөлтийн талаар Өмнөговь аймгийн Онцгой байдлын газраар дамжуулан сумын Бүйлсэн багийн Засаг даргаас тодруулахад “Иргэдэд чичирхийлэл мэдрэгдээгүй бөгөөд хохирол учраагүй” гэв. Харин тухайн бүс нутагт амьдардаг иргэдэд чичирхийлэл мэдрэгдсэн бөгөөд ямар нэгэн эрсдэл учрах хэмжээнд байгаагүй гэх мэдээллийг Онцгой байдлын газраас өглөө.

Монгол Улсын хувьд 2021 он гарснаас гурваас дээш магнитудын хүчтэй 390 удаагийн газар хөдлөлт бүртгэгдсэн. Үүнээс 340 гаруй нь Хөвсгөл аймагт бүртгэгдээд буй.