Дархан-Уул аймагт малын дуудлага худалдааг энэ сарын 10-нд /2021.09.10/ зохион байгуулах гэж байна. Дуудлага худалдаагаар Франц улсаас импортоор авсан лимузин, ангус үүлдэрийн 176 үхэр, нарийн ноостой меринос үүлдрийн 350 хонийг борлуулах юм.  Эдгээр үхэр нь махны чиглэлийн үүлдэр дундаа хамгийн арчилгаа багатай, хамгийн үр өгөөжтэй үүлдэр аж.

Дархан-Уул аймгийн Хонгор суман дахь Малын удмын сангийн үндэсний төвийн цогцолборт болох үйл ажиллагааны үеэр дуудлага худалдаа болохоос гадна борлуулах үхэр, хонины арчилгаа, маллагаа, технологийн чиглэлийн сургалт зохион байгуулж, мэдээлэл өгөх юм.