Дэлхий дахинаа тэсрэлт хийж, к-поп урсгалыг таниулж яваа хамтлаг бол та бүхний сайн мэдэх BTS. Тус хамтлаг нь одоогоор Гиннесийн 23 дэлхийн дээд амжилтыг эзэмшиж байна.

1. Америкийн хөгжмийн цомгийн жагсаалтыг тэргүүлсэн анхны Солонгос хамтлаг

2018 оны зургадугаар сард "BTS" хамтлаг Америкийн хөгжмийн цомгийн жагсаалтыг тэргүүлсэн анхны Солонгос уран бүтээлчид болжээ. Тус хамтлагийн "Love Yourself: Tear" цомог нь 2018 оны тавдугаар сард “Fake Love” дуугаараа “Billboard”-ийн жагсаалтыг тэргүүлсэн аж.

2. АНУ-ын шилдэг 100 уран бүтээлчийг тэргүүлсэн анхны Солонгос хамтлаг

Цомог нь Америкийн хөгжмийн жагсаалтыг тэргүүлсэн өдрөө "BTS" хамтлаг “Billboard”-ийн 100 уран бүтээлчийн жагсаалтыг тэргүүлжээ.

3. Гаргасан дуу нь АНУ-ын хөгжмийн жагсаалтын шилдэг 10-т багтсан анхны Солонгос хамтлаг

Тус хамтлагийн гаргасан “Fake Love” 2018 онд Америкийн хөгжмийн жагсаалтын шилдэг арван дууны нэгээр шалгарч байжээ.

4. Нэг жилийн дотор хамгийн их ашиг олсон Солонгос хамтлаг

"BTS" хамтлаг 2020 онд хамгийн их ашиг олсон Солонгос хамтлагаар тодорчээ. Тус хамтлаг нь жилд дунджаар 50 сая ам.доллар олдог аж.

5. Хамгийн өндөр үзэлттэй лайв стрийм

Цар тахлын улмаас бүх зүйл онлайн руу шилжих үед "BTS" хамтлаг ч "Bang Bang Con: The Live" онлайн тоглолтоо хийж, дэлхий даяар 756 мянган үзэгчийг цуглуулж чаджээ.

6. Онлайн тоглолтын тасалбар нь хамгийн их зарагдсан хамтлаг

"Bang Bang Con: The Live" тоглолтыг 756 мянган үзэж, тасалбар нь ч энэ хэмжээгээрээ зарагдаж, дээд амжилт тогтоожээ.

7. Хамгийн олон долоо хоног "Billboard"-ийн сошиал 50 жагсаалтыг тэргүүлсэн хамтлаг

2017-2020 оны хооронд "BTS" хамтлаг "Billboard"-ийн сошиал 50 жагсаалтыг тэргүүлжээ.

8. Mnet Азийн хөгжмийн шагнал гардуулах ёслолоос хамгийн олон шагнал хүртсэн хамтлаг

2020 онд "BTS" хамтлаг "Mnet" Азийн хөгжмийн шагнал гардуулах ёслолын рекордыг эвдэж, нийтдээ 13 шагнал хүртжээ.

9. Өмнөд Солонгост цомог нь хамгийн их зарагдсан хамтлаг

Тус хамтлагийн "Map of the Soul:7" цомог 2021 онд Өмнөд Солонгост 4,440,800 хувь зарагдаж, бас нэгэн дээд амжилт тогтоожээ.

10. "Nickelodeon Kids ’Choice Awards"-аас хамгийн олон шагнал хүртсэн хамтлаг

Солонгос гэлтгүй дэлхийг байлдан дагуулж буй "BTS" хамтлаг "Nickelodeon Kids ’Choice Awards"-аас таван шагнал хүртэж, тус арга хэмжээнээс хамгийн олон шагнал хүртсэн гэх охидын "Fifth Harmony" хамтлагтай зэрэгцжээ.

11. US Hot 100 жагсаалтад хамгийн олон долоо хоног орсон Солонгос хамтлаг

2021 онд тус хамтлагийн "Dynamite" дуу "US Hot 100" жагсаалтад хамгийн олон долоо хоног багтсан Солонгос дуу болжээ.

12. Дижитал хэлбэрээр зарагдсан тоогоороо хамгийн олон долоо хоног “Billboard”-ийн жагсаалтыг тэргүүлсэн хамтлаг

"Dynamite" дуу нь дижитал хэлбэрээр зарагдсан тоогоороо 32 долоо хоног “Billboard”-ийн жагсаалтыг тэргүүлж, рекорд тогтоожээ.

13. "Spotify" дээр хамгийн их тоглогдсон хамтлаг

2021 оны дөрөвдүгээр сард "Spotify" дээр тус хамтлагийн дуу нийтдээ 16,300,000,000 удаа тоглогджээ.

14. Твиттер дээрх хамгийн их дурдагдсан хөгжмийн хамтлаг

2019 онд "BTS" хамтлаг твиттер дээр дунджаар "422,228 retweet" хийгдэж, хамгийн их дурдагдсан хөгжмийн хамтлаг болжээ.

15. Твиттер дээрх хамгийн их хандалт авсан хаяг

Твиттер дээрх хамгийн их дурдагдсан хөгжмийн хамтлагаас гадна хамгийн их дурдагдсан хаяг болсон аж.

16. Тикток дээр хамгийн богино хугацаанд нэг сая дагагчидтай болсон хаяг

2019 онд "BTS" хамтлаг Тикток хаягаа нээж, ердөө 3 цаг, 31 минутын дотор нэг сая дагагчидтай болжээ.

17. 24 цагийн дотор Youtube дээр хамгийн их хандалт авсан бичлэгийн эзэд

2020 онд утс хамтлагийн "Dynamite" дуу "Youtube" дээр 24 цагийн 101,100,000 хандалт авч, рекорд тогтоожээ.

18. Instagram дээр хамгийн их дагагчидтай хөгжмийн хамтлаг

2021 оны дөрөвдүгээр сард "BTS" хамтлагийн "Instagram"  хуудасны дагагчдын тоо 40,220,226-д хүрч, хамгийн их дагагчидтай хөгжмийн хамтлаг болжээ.

19. Spotify дээр 24 цагийн дотор хамгийн их тоглогдсон хамтлаг

2021 онд "Butter" хэмээх дуу нь "Spotify" дээр 24 цагийн дотор 11,042,335 удаа тоглогджээ.

20. Youtube дээрх анхны гаралтаараа хамгийн их хандалт авсан хөгжмийн бичлэг

"Butter" дууны анх гаралтыг нэг дор 3,900,000 гаруй хүн үзэж, рекорд тогтоосон аж.

21. Youtube дээрх анхны гаралтаараа хамгийн их хандалт авсан бичлэг

Анхны гаралтаар хамгийн их хандалт авсан хөгжмийн бичлэгээс гадна анхны гаралтаар хамгийн их хандалт авсан "Youtube"-ийн бичлэг болжээ.

22. Youtube дээр 24 цагийн дотор хамгийн их хандалт авсан хөгжмийн бичлэг

Мөн л "Butter" дууны бичлэг "Youtube" дээр 24 цагийн дотор 108,200,000 удаа тоглогдож, рекорд тогтоов.

23. Дууны бичлэг нь Youtube дээр 24 цагийн дотор хамгийн их хандалт авсан Солонгос хамтлаг

Мэдээж тэднээс өөр ямар ч Солонгос хамтлаг 24 цагийн дотор ийм их хандалтыг авч байгаагүй.