Хятад хилээ нээсэн ч нүүрсний хязгаарлалт үргэлжилнэ | News.MN

Хятад хилээ нээсэн ч нүүрсний хязгаарлалт үргэлжилнэ

Хятад хилээ нээсэн ч нүүрсний хязгаарлалт үргэлжилнэ

Хятад хилээ нээсэн ч нүүрсний хязгаарлалт үргэлжилнэ

Монголоос “Covid-19”-ийн халдвар орж ирэхээс сэргийлэн Хятад долоо хоног гаруйн хугацаанд хилээ хаагаад байсан ч Мягмар гаригт дахин нээсэн талаар “Fengkuang Coal Logistics” мэдээлэв. Гэвч өнөөдрийг хүртэл тасалдаж ирсэн коксжих нүүрсний нийлүүлтийн орон зайг нөхөхөд ачигдаж буй нүүрсний хэмжээ хангалтгүй байгаа аж. Мөн ачааны машины жолооч нар вирусын шинжилгээ хийлгэж байгаагаас замын хөдөлгөөн удааширсан болохыг салбарын хэвлэлд дурджээ.

Далянь хотын коксжих нүүрсний тээвэрлэлтийн зардал өнгөрсөн долоо хоногт хамгийн дээд хэмжээнд хүрч, 50 гаруй хувиар өссөн байна. Хятад улс дотооддоо аюулгүй байдал, байгаль орчны асуудлаас үүдэн нүүрсний тээвэрлэлтээ хязгаарласан, олон улсын тавцанд Австралийн нүүрсийг хориглож, Монголоос нүүрс импортлохыг түр зогсоосонтой холбоотойгоор нөхцөл байдал ийн хүндэрсэн гэж “Morgan Stanley” мэдээлжээ.

Ийнхүү тээвэрлэлтийн үнэ нэмэгдэж байхад нүүрсний үнэ унаж байгаа талаар эдийн засгийн хэвлэлүүд онцолж байна. Тодруулбал, Лхагва гаригт нүүрсний үнэ 0.4 хувиар буурч нэг тонн нь 2451 юань буюу 379 ам.долларт хүрсэн аж.  Үүний зэрэгцээ, Ши Жиньпин даргын дэвшүүлсэн 2060 он гэхэд нүүрстөрөгчөөс ангид эдийн засгийг бий болгох зорилтын хүрээнд нүүрсний үйл ажиллагаанд Хятадын байгаль орчны албанаас хийх хяналт шалгалт нэмэгдсэн байна.

Үүнтэй холбоотойгоор Шаньдуны коксжих үйлдвэрүүд энэ сард үйлдвэрлэлээ 30-50 хувь хүртэл бууруулахаар болсныг “Fengkuang Coal Logistics” мэдээлэв. Байгаль орчны хяналт шалгалтаар эрчим хүчний зардлыг хэмнэх, утаа ялгаруулалтыг бууруулах төлөвлөгөөнд хүрээгүй бүс нутгийн үйлдвэрлэлийн шинэ төслүүдийг зогсоож байгаа нь ашигт малтмалын эрэлтийг ч мөн бууруулах төлөвтэй байна. Шахалт шаардлагууд нэмэгдсэн нь ган, хөнгөн цагаан зэрэг металлын үйлдвэрлэлд хамгийн хүндээр тусчээ.

ЭХ СУРВАЛЖ: BLOOMBERG

Энэ мэдээнд өгөх таны сэтгэгдэл?
6
ХахаХаха
3
ХарамсалтайХарамсалтай
1
ТэнэглэлТэнэглэл
0
ЗөвЗөв
0
ХөөрхөнХөөрхөн
0
ГайхмаарГайхмаар
0
БурууБуруу
Баярлалаа!

Холбоотой мэдээ

4 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-09-02 202.126.90.68

Ayguuu

Avatar

Зочин 2021-09-02 185.220.102.246

!!!!!!! Шилдэг дотно клубт тавтай морил – – https://is.gd/f4011T

Avatar

Зочин 2021-09-02 202.126.89.19

Хятад Монголын эдийн засаг яахыг шийддэг. Тэрнээс манай ЗГ биш.

Avatar

GH 2021-09-02 49.0.142.18

Hiatduud oorsdoo mayaglaad odort teded tonn gej limit tavisf baihad yaj expo osoh yum?

NewsMN Гар утасны хувилбар Татах
NEWS.mn

Мэдээллийн эх сурвалж