УИХ-аас энэ оны нэгдүгээр сарын 15-нд баталсан Шүүхийн тухай хуулийн хэрэгжилт хангалтгүй байна. Уг хуулийг Үндсэн хуулийн үзэл баримтлалд нийцүүлэн баталсан ч Шүүхийн ерөнхий зөвлөл, Шүүхийн сахилгын хороог шинэ хуулийн дагуу эмхлэн байгуулах ажил зогсонги байдалд орсон. Үүнтэй холбоотой шүүгчид хариуцлага тооцох, улмаар шүүхийн захиргааны үйл ажиллагаа хэвийн үргэлжлэхэд хүндрэл үүсээд байна. Энэ нь иргэдийн шударга шүүхээр шүүлгэх эрхэд сөргөөр нөлөөлөх эрсдэлтэй тул Шүүхийн тухай хуулийн хэрэгжүүлэхэд онцгой анхаарах нь зүйтэй гэж Нээлттэй нийгэм форум үзжээ. Иймд тус форум нь Үндсэн хуулийн нэмэлт өөрчлөлт /2019.11.15/-тэй холбоотой бодлогын хэлэлцүүлгээс эхлэн Шүүхийн тухай хууль шинэчлэгдэн батлагдах /2021.01.15/ хүртэлх хугацаанд өрнөсөн бодлогын хэлэлцүүлгийг архивлан цахим санг бүрдүүлж, олон нийтэд танилцууллаа.

Цахим мэдээллийн сангаас Шүүхийн тухай шинэ  хууль Үндсэн хууль зөрчсөн эсэх маргаантай холбоотой аливаа дүн шинжилгээ хийхэд ач холбогдолтой. Мөн хуулийн Энэхүү мэдээллийн сан нь ННФ-ын цахим хуудаст байрлах бөгөөд www.shuukh.forum.mn хаягаар орж танилцах боломжтой.

Б.ЦЭЦЭГ