Бараг 20 жил үргэлжилсэн Афганистаны дайн өндөрлөж, талибууд ялалт байгуулан, төрийн эрхийг гартаа авч, 85 тэрбум ам.доллартай дүйх зэвсэг, техникийн олзтой АНУ-ын онгоцуудыг үдэж өглөө.

Америк цэргүүдийг нутаг буцмагц талибууд тулаанд ашигладгаасаа ч олон сумаар тэнгэр өөд галлаж баяраа тэмдэглээд зогсохгүй НАТО-г оршуулах ёслол үйлдэж, дайны олз байлдааны нисдэг тэргүүдээ хөөргөн аархсан байна.

Тухайлбал, АНУ-ын армийн сүүлийн онгоц өчигдөр (2021.08.31) шөнө дунд Кабулаас хөөрч, Афганистанд талибууд ноён сууж үлдсэн билээ. Түүнээс хойш цахим орчинд талибууд НАТО-ын цэргүүдийн үлдээсэн зэвсэг, техник, хувцас, хэрэглэлээр гангарсан зургууд олноор нийтлэгдэж, ажиглагчдын анхаарлыг татаж байна.

Талибаны хэвлэлийн төлөөлөгч Забихулла Мужахид “Энэ бол түүхэн үйл явдал. Бид том гүрнүүдээс эх орноо чөлөөлөн авлаа. Энэ 20 жилийн дайн эзлэн түрэмгийлэгчдэд, дэлхийд том сургамж болох учиртай” хэмээн ярьжээ.

Харин Пентагоны хэвлэлийн төлөөлөгч Жон Кирби АНУ-ын маш олон зэвсэг, техник Кабулд үлдэж, талибуудын гарт орсныг хүлээн зөвшөөрсөн ч “Бид үлдээсэн техникүүдээ ашиглах боломжгүй болгож орхисон. Мөн бидний үлдээсэн техникүүдийг талибууд бүрэн хүчин чадлаар нь стратегийн хувьд ашиглаж чадахгүй тул тийм ч аюултай биш” хэмээн мэдэгдсэн юм.

زموږ هوايي ځواک!
همدا شيبه د اسلامي امارت د هوايي ځواک هليکوپترې د کندهار ښار په فضا باندې الوتنې کوي.
دا صحنه لږ مخکې يو ملګري ثبت کړه.@A_Jahid_Jalal pic.twitter.com/plHel1lNox

— Jahid Jalal -جاهد جلال (@A_Jahid_Jalal) August 30, 2021

Гэсэн ч цахим орчинд талибууд АНУ-ын үлдээсэн хэд хэдэн нисдэг тэргүүдийг хөөргөж, тэр байтугай хэн нэгнийг нисдэг тэрэгнээс дүүжлэн шийтгэж буй, эсвэл өөрсдөө аврах олсноос зүүгдэн зугаацаж байгаа бичлэг, зургууд нийтлэгджээ.

Мөн Афганистаны зүүн өмнөд нутгийн Хост хотод Талибаныг дэмжигч иргэд цугларч, АНУ, НАТО, ИБУИНВУ, Францын далбаа бүхий авсууд зөөж, Исламын Бүгд Найрамдах Афганистан Улсын далбааг Талибаны Исламын Эмиратын далбаагаар сольж мандуулан жагсаж, оршуулах ёслол үйлджээ.

Taliban hold mock funerals for British, American, and NATO forces as thousands take to the streets to celebrate 'victory' over the west after last US flight took off
Taliban 'victory' parades took place in Afghanistan today after the last US troops left the country overnight pic.twitter.com/oT1nqBro3u

— MassiVeMaC (@SchengenStory) August 31, 2021

Эх сурвалж: RT.COM