“Хүннү Эйр” компанийн тусгай үүргийн нислэгээр өнөөдөр /2021.08.30/ 100 мянган тун ремдесивир  тарилгыг  хүлээн авчээ. Тус тарилгыг  Covid-19 халдварын хүнд,  маш хүнд өвчтнүүдийн эмчилгээнд хэрэглэх юм. Монгол Улсын Хүний эмийн зөвлөлөөс өнгөрсөн зургадугаар сард  ремдесивир тарилгыг  хэрэглэх зөвшөөрөл олгосон.

Энэ дагуу уг эмийг Эрүүл мэндийн яамны захиалгаар “Монгол Эм Импекс Концерн” компани импортлон авчирч буй. АНУ-ын Gilead Sciences компанийн бүтээгдэхүүн ремдесивир тарилгыг Дэлхийн эрүүл мэндийн байгууллагаас Covid-19 халдварын эмчилгээнд хамгийн үр дүнтэй гэж үзэн, эмчилгээнийхээ удирдамжид оруулсан билээ.

Э.БУРАМ