Монгол Улсын Ерөнхийлөгчийн 2021 оны сонгуулийн өмнөхөн МАХН татан буугдаж, МАН-д нэгдсэн билээ. Тус сонгуулийн дараа МАХН-ын дарга асан Н.Энхбаярыг Үндэсний аюулгүй байдлын зөвлөлийн Стратеги судалгааны хүрээлэнгийн захирлаар томилох шийдвэр гарсан. Ийнхүү албан тушаалд томилогдох болсноор "Улстөрийн тохироо хийж буй" гэх хардлага олон нийтийн дунд байсан нь нууц биш.

Тэрбээр ҮАБЗ-ийн Стратеги судалгааны хүрээлэнгийн захирал болохоос татгалзжээ. Харин МАХН-ын квотоор Б.Тулга, Э.Эрдэнэжамъян нарын залуу улстөрчдөөс гадна доктор Д.Дуламсүрэн, эрх зүйч Г.Золзаяа нар МАН-ын Удирдах зөвлөлд очжээ.