Батлан хамгаалахын сайд Г.Сайханбаяр твиттер хуудастаа "Цэргийн цол олгох журам" шинэчлэгдэнэ. Спорт, урлагийнханд цэргийн цолыг хавтгайруулан олгож байгаад иргэд, олон нийт шүүмжлэлтэй ханддаг. Иймд “Цэргийн цол олгох журам"-д өөрчлөлт оруулахаар ажиллаж байна” хэмээн жиргэжээ.

Тодруулбал, Монгол Улсын Ерөнхийлөгчийн захирамжаар “Цэргийн цол олгох журам”-ыг шинэчлэн боловсруулах ажлын хэсэг байгуулагдан ажиллаж эхэлсэн байна.

Цэргийн цол нь зэвсэгт хүчний цэргийн албан хаагчид, цэргийн бэлтгэл үүрэгтнүүдэд албан тушаалын байдал, цэргийн болон тусгай бэлтгэл, зэвсэгт хүчинд алба хаасан хугацаа, байгуулсан гавьяанд тохируулан тэдэнд тухайлан олгодог цол билээ.

Б.ЖАРГАЛ