Цар тахлын нөхцөл байдалтай холбогдуулан БНСУ-аас 14 хоногийн  хилийн хязгаарлалт тогтоосон талаар мэдээлсэн. Тухайлбал, Зам  тээврийн хөгжлийн яамны  мэдээлснээр, энэ сарын 20-27 хүртэл бүх нислэгийг цуцалсан бол дахин долоо хоногоор сунгасан байна. Ингэхдээ, энэ сарын 26-аас ирэх сарын 2-ныг хүртэл нислэгүүдийг цуцлахаар шийдвэрлэжээ. Учир нь, Монгол Улсад Covid-19 халдварын нөхцөл хүндхэн байна гэж үзсэн тул Монгол Улсаас зорчигч, транзит нислэг хүлээн авахгүй гэдээ мэдэгджээ.

Тэгвэл Улаанбаатар-Сөүл чиглэлд наймдугаар сарын 28-ны өдөр үйлдэх нислэгт зөвхөн транзит зорчигчдыг хамруулах болсон байна.

ОХУ ГАДААД ОЮУТНЫГ ХҮЛЭЭН АВНА

ОХУ-ын Шинжлэх ухаан, дээд боловсролын яам Коронавирусын халдвараас урьдчилан сэргийлэх, тархалтыг зогсоох чиг үүрэг бүхий Шуурхай штабаас өгсөн чиглэлийн дагуу гадаад оюутнуудыг хүлээн авах ажлыг зохион байгуулах журмыг боловсруулж дуусгасан тухай ОХУ-ын Шинжлэх ухаан, дээд боловсролын сайд Валерий Фальков мэдээлжээ.

Гадаад оюутнууд ОХУ тухайн оронтой агаарын хилээ нээсэн эсэхээс үл хамааран ОХУ-д суралцахаар ирэх боломжтой болсон байна. Ингэснээр Монгол оюутнууд ОХУ-д очиж суралцах боломж нээгдээд байна. Вакцинжуулалтын хувьд гадаад оюутнуудад Оросын оюутнуудтай ижил дүрэм үйлчлэх бөгөөд эрүүл мэндийн албан журмын даатгалтай гадаадын иргэд бүртгэгдсэн вакцинуудаас алийг нь ч хийлгэх боломжтой байх бол бусад нь «Спутник лайт» вакцинд хамрагдах боломжтой юм байна.

Энэ оны есдүгээр сараас ОХУ-ын 710 их, дээд сургууль сургалтаа энгийн горимоор эхлүүлж байгаа бөгөөд, 422 сая оюутан суралцагчид хичээлд хамрагдах аж. Ихэнх сургалтын байгууллагууд уламжлалт хэлбэрээр буюу танхимаар сургалтаа зохион байгуулах хэдий ч шаардлагатай тохиолдолд зайн сургалт руу шилжих бэлтгэлийг хангажээ.

Оюутнууд вакцин хийлгэсэн эсэхээс үл хамааран лаборатори, семинар, лекцэд хамрагдах, биеийн тамирын заал, усан бассейнд орох, дотуур байранд байрлах эрхтэй байх болно гэж ОХУ-ын Шинжлэх ухаан, дээд боловсролын сайд Валерий Фальков мөн мэдээлсэн тааар Гадаад харилцааны яамнаас мэдээлжээ.