БНХАУ залуу үеийнхэндээ Марксист үзэл суртал суулгахын тулд бүх сургуулийн сургалтын хөтөлбөрт “Ши Жиньпиний бодол” хичээл нэмсэн талаар тус улсын боловсролын яам энэ долоо хоногт мэдээлжээ.

Хятадын боловсролын яамны мэдэгдсэнээр сургалтын хөтөлбөрт албан ёсоор нэмэгдэж буй уг хичээлийн албан ёсны нэр “Шинэ эрин үеийн Хятад онцлогтой социализмын тухай Ши Жиньпиний бодол” гэх агаад бага сургуулиас их сургуульд орох хүртэл үргэлжлүүлэн заах гэнэ.

Ийнхүү хичээлийн хөтөлбөрт шинэ хичээл тусгаж байгаагийн гол зорилго нь залуу үеийнхнийг Коммунист намыг сонсдог, дагадаг болгож төлөвшүүлэх, эх оронч сэтгэлгээ суулгахад оршиж буй аж.

2012 онд төрийн жолоог атгаснаасаа хойш Ши Жиньпин намынхаа нэр хүндийг бизнес, боловсрол, соёл гээд, бүх салбарт хэд дахин өсгөж чадсан билээ.

Эх сурвалж: REUTERS