Япон анх удаа якуза боссд цаазын ял өглөө

Хуучирсан мэдээ: 2021.08.26-нд нийтлэгдсэн

Япон анх удаа якуза боссд цаазын ял өглөө

Япон анх удаа якуза боссд цаазын ял өглөө

Японд нэгэн якуза бүлэглэлийг хүн амь, танхайн хэргүүдэд буруутгаж, толгойлогчид нь ялын дээд хэмжээ оноожээ. Ажиглагч нарын үзэж байгаагаар энэ бол якуза бүлэглэлийн толгойлогчид ялын дээд хэмжээ оноосон анхны тохиолдол гэнэ.
Тухайлбал энэ долоо хоногт болсон Японы баруун бүсийн Фүкүока дүүргийн шүүх хурал дээр 74 настай Саторү Номүра шүүгчээс өөрийнх нь хэргийг шударгаар шийдэж өгөхийг хүсчээ.

Гэвч цаазын ял сонссон тэрбээр шүүгчид "Насан туршдаа харамсана даа" хэмээн анхааруулсан гэнэ. Японы баруун өмнөд хэсэгт үйл ажиллагаа явуулдаг "Күдо Кай" якуза бүлэглэлийн толгойлогч тэрбээр өөрийгөө ямар нэг халдлага зохион байгуулж, удирдаж байгаагүй хэмээн өмгөөлсөөр байсан юм. Харин хэвлэл мэдээллийнхэн тус бүлэглэлийг Японы хамгийн аюултай, харгис якуза бүлэглэл хэмээн тодотгодог юм.

Хэдийгээр Номүра гэмт хэрэг, халдлагуудыг зохион байгуулах шууд тушаал өгсөн талаар ямар нэг нотлох баримт үгүй ч шүүгч маш хатуу нэг журамтай "Күдо Кай" бүлэглэлд удирдагчийн тушаалгүйгээр халдлага зохион байгуулах боломжгүй гэж үзсэн байна.

Шүүх хурал дээр дээрх бүлэглэлийн 1998-2014 оны хооронд үйлдсэн гэмт хэргүүдийн тухай голчлон хэлэлцсэн аж. Тухайлбал, энэ хугацаанд загасчлалын холбооны удирдагч буудуулан нас барж, сувилагч, цагдаа тэргүүтэй гурван хүн галт болон хүйтэн зэвсгийн халдлагад өртөж шархадсан гэнэ. Харин шүүгч эдгээр хэргийг хэлэлцэж үзээд, толгойлогч Номүрад цаазлан хороох ял, түүний орлогч Фүмио Тануид бүх насаар нь хорих ял сонсгожээ.

Эх сурвалж: DAILYMAIL

Энэ мэдээнд өгөх таны сэтгэгдэл?
18
ЗөвЗөв
3
ХахаХаха
2
ХарамсалтайХарамсалтай
1
ХөөрхөнХөөрхөн
1
ГайхмаарГайхмаар
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

NewsMN Гар утасны хувилбар Татах
NEWS.mn

Мэдээллийн эх сурвалж