Хамран сургах тойрог ба хахууль | News.MN

Хамран сургах тойрог ба хахууль

Хамран сургах тойрог ба хахууль

Хамран сургах тойрог ба хахууль

“Манай хүүхэд нэгдүгээр ангидаа хувийн сургуульд суралцсан. Цар тахлын улмаас өнгөрсөн жил өндөр төлбөр өгч, цахимаар суралцсан учраас хоёрдугаар ангид нь харьяаллын дагуу улсын сургуульд бүртгүүлэх гэсэн чинь бүлэг дүүрчихсэн гээд авдаггүй” хэмээн эцэг эхийн төлөөлөл /нэрээ нууцлахыг хүссэн/ ярив.

Тэрбээр “Улсын сургуульд хүүхдээ бүртгүүлэхэд 3-8 сая төгрөгийн ханштай байдгийг хүн бүр мэднэ. Энэ жил ханш нь нэмэгдээд 10 сая төгрөг болсон сурагтай. Тэр мөнгийг нь өгөхгүй болохоор харьяаллын дагуу байсан ч сургуульд хүүхдээ бүртгүүлж чадахгүй байгаа нь үнэн” гэдгийг хэлсэн юм.

Энэ мэт хичээлийн шинэ жилтэй зэрэгцэн “Хүүхдээ ямар сургуульд сургах вэ” хэмээн эцэг, эхчүүд толгойгоо гашилгаж эхэлдэг. Жил бүр нийслэлийн Боловсролын газраас хамран сургах тойргийг шинэчлэн баталдаг ч амьдрал дээр огт хэрэгждэггүй.

Учир нь хүүхдээ аль болох ажил, гэрийнхээ ойролцоо сургуульд өгөх хүсэлтэй эцэг эхчүүд ч байдаг. Мөн аль чанартай, ая тухтай орчинд, гүнзгийрүүлсэн сургалттай харъяаллын бус сургуульд хэдэн төгрөг өгөөд ч хамаагүй сургах гэж хошуурах нь бий. Албаныхан хамран сургах тойргийг цэцэрлэг, сургуулийн ачааллыг тэнцүүлж, түгжрэл бууруулах гарц гэж харж байгаа бол эцэг эхчүүд хамран сургах тойрог нэртэй хахуулийн тойрог болсныг хэлж байна.

Салбарын сайдын тушаалаар уг нь нэг ангид 30-35 хүүхэд суралцах нормтой. Гэтэл хотын төвийн эрэлттэй сургуулийн нэгдүгээр анги энэ тооноос давж, 60-70 сурагчтай анги ч бий.  Бүр тусдаа “Хандивын анги” нэртэй хахуулийн анги ч байгуулсан байх жишээтэй.

2021-2022 оны хичээлийн жилд улсын хэмжээнд  1515 цэцэрлэгт 232 мянган хүүхэд, 854 сургуульд 718.817 сурагч, 75 мэргэжил сургалт, үйлдвэрлэлийн төвд 40.165 суралцагч, 88 дээд сургуульд 150.100 оюутан суралцана гэсэн судалгааг боловсролын байгууллагууд гаргажээ.

Нийслэлийн боловсролын газарт жил бүр энэ асуудлаар эцэг, эхчүүд гомдол, санал гаргадаг ч шийддэггүй. Тэр бол хууль, шүүхийн байгууллагын хийх ажил гэх тайлбарыг хэлж сууна.

Энэ талаар тус газрын Бодлогын хэрэгжилтийн хэлтсийн дарга Ц.Жаргалантуулаас тодруулахад “Хамран сургах тойрогтой холбоотой гомдол, санал манай захиргааны хэлтэст ирдэг. Салбар яам, нийслэл, дүүргийн боловсролын хэлтэс гээд шат шатандаа өргөдөл хүлээн авч, шат шатандаа шийдвэрлэдэг. Хахууль авдаг гэх асуудал хууль, шүүхийн байгууллагаар шийдвэрлэх ёстой. Миний хувьд хахууль авч, хүүхдээ сургууль, цэцэрлэгт оруулдаг асуудлыг хүлээн зөвшөөрөхгүй. Хамран сургах тойргийг нийслэлд бүх сургуулийн насны хүүхдүүдийг сургуульд хамруулах зорилгоор нэг ч хороо, байр үлдээхгүйгээр аль нэг сургуульд заавал хамруулахын тулд шинэчилж баталдаг.

Тэр хүүхдийг харьяаллын дагуу сургуульд үнэ төлбөргүй авах ёстой. Хамгийн гол нь тухайн сурагч бичиг баримтын зөрчилгүй, харьяаллын дагуу байх, шилжүүлэггүй байх асуудалгүй байна. Хамран сургах тойрогтоо байгаа, хаягийн зөрчилгүй хүүхдүүд 100 хувь сургуульд элсч байгаа. Өмнө нь эцэг, эхчүүд хүүхдийнхээ регистерийн дугаараар бүртгүүлдэг байсан бол энэ жилээс эцэг эхчүүд хүүхдийнхээ бүртгэлийг л баталгаажуулж байгаа.

Хамран сургах тойрог гаргахгүй бол эцэг, эхчүүд хүссэн сургуульдаа хүүхдээ өгөхөөр ерөнхий боловсролын цэцэрлэг, сургуулийн ачаалал тэнцвэргүй болж эхэлнэ. Тийм учраас жил бүр шинээр ашиглалтад орсон барилга, орон сууц, цэцэрлэг сургуулийн тооноос хамаарч хамран сургах тойрог гаргаж байгаа. Энэ ажлыг хийхгүй бол бүр замбараагүй байдал үүснэ” гэдэг хариултыг өгөв.

Хэдийгээр хамран сургах тойргийг түгжрэл бууруулж, хүүхдүүдийг боловсролд тэгш хамруулахын тулд баталдаг гэдгийг албаныхан хэлж байгаа ч нөгөө талдаа хахуулийн асуудал гаарсан үнэн. Салбарын шат шатны байгууллагууд энэ бүхнийг мэдсэн ч мэдээгүй юм шиг шийдэж чадахгүй, эвлэрсэн гэхэд хилсдэхгүй.

Энэ мэдээнд өгөх таны сэтгэгдэл?
5
ТэнэглэлТэнэглэл
4
ХарамсалтайХарамсалтай
1
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
БурууБуруу
Баярлалаа!

Холбоотой мэдээ

17 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-08-26 185.220.102.241

!!!!!!! Шилдэг дотно клубт тавтай морил – – https://is.gd/f4011T

Avatar

Зочин 2021-08-26 202.126.88.181

Их ойлгомжгүй бүдэг бадагшдээ. Яг хамрах тойргийн байранд нь байр хөлслөөд амьдардаг бол яах уу? Энэ мэтийг л энэ боловсролын малууд шийдэх ёстой юм даан ч шийдэл байхгүй

Avatar

Зочин 2021-08-26 64.119.21.32

Эхлээд сургуулиудаа тэгш чанартай болгох тал дээр ажилласан бол зүгээр юм харамсалтай нь тэгсэнгүй өөр зүйл рүү санаа тавиад байх шиг ямар ч сургууль дээр сул оронтоо гарч л байгаа янз бүрийн шалтгаантай байх жишээ нь хотын 1 сургуулийн харьяалалтай бүрэн асуудалгүй орох боломжтой хүүхэд байлаа тэр хүүхэд харьяа биш өөр сургуульд орвол тэр хүүхдийн сул орон гарна биз дээ энэ мэтчилэн бас шинээр орох хүүхэд тухайн хороо харьяалалд нь бодитой цөөн байж болно тийм бол яах уу

Avatar

Зочин 2021-08-26 64.119.26.29

өнгөрсөн жил хүүгээ онлайнаар бүртгүүлээд гэрийнхээ хажуугийн сургуульд ямар ч асуудалгү оруулсан. сохор зоос ч зараагү. сургуульдаа ирж очих 5хан минутын ажил үнэхээр амар бн.

Avatar

Зочин 2021-08-26 192.82.70.92

Хэ хэ төлбөргүй мөртлөө ханштай болсон сургуулиудыг яах юм болдоо бүр хүүхэд сургуульд оруулахад ханштай болсон гэж дуулддаг

Avatar

Жирийн иргэн 2021-08-26 202.131.226.86

Автобусны буудал дээр бууж, сууж байгаа бүх хүүхэд л хамрах суралцах тойргийн биш хүүхдүүд л явж байна гэсэн үг. Яг хаяг дээрээ амьдрахгүй олон л хүүхэд байгаа да, сургуулийн захирал, менежер нар үүн дээр сайхан авилга авдаг биз.Ер нь манай боловсролын систем дампуу ш дэ.

Avatar

Зочин 2021-08-26 66.181.160.124

тэр нэг урьдчилсан судалгаа бүртгэл гэнүү, тэр юмаа өөрсдөө хийдэг байж тэрэнд нь байхгүй гээд харьяаны хүүхдийг авахгүй солиорох юм, хүүхдийн тоо гүйцсэн гэх шиг элий балай юм солиорно, сургалтын менежер нтр дүүргийн боловсролын ямар юм ч гэнүү тийм юманд ханд гээд л, тэр чигтээ нэг хахууль нэхсэн хулгайчууд. хүүхдийн боловсролоор хүртэл бизнес хийнэ лалрууд

Avatar

ЗОЧИН 2021-08-26 202.9.46.24

ЕБС-н захиралуудын ихэнхи нь жип унадаг болсны учир нь энэ хахуулд бгаа юм биш үү? үүнийг таслан зогсоож чадахгүй юм бол БШУЯ- р яах юм бэ ?

Avatar

Зочин 2021-08-26 124.158.94.88

яг харъяаллын дагуу бол заргалдаад явахад сургуульдаа орчихноо. харин өөр харъяаллын хүүхэд бол 10 сая гэж бна лээ

Avatar

Зочин 2021-08-26 192.82.70.92

Цахим бүртгэл нь дуусч байгаа бол одоо хэтэвчний бүртгэл эхэлж байгаа биз бас сайн муу гэсэн ойлголт бий болсоноос үүдэлтэй бас томчууд борчуудын гэгдэх асуудал байна үүнээс болоод л тэнцвэргүй байдал үүсч байгаа биз за тэгээд төвийн захын гээд л байна дөө

Avatar

Зочин 2021-08-26 66.181.160.100

Харъялалдаа бичиг баримт зөрчилгүй бол гайгүй байхаа харин жаахан сургалт тохь тухын ялгавартай сургуулиуд бол мөнгө хийдэг шүү шалгалт өгөөд ордог болмоор байгаа юм даа

Avatar

Зочин 2021-08-26 103.229.120.69

Сайд Л.Энх амгалангийн яаж ажилладагийн загвар жишиг юм уу даа

Avatar

Зочин 2021-08-26 202.126.88.227

Сэтгүүлч Цээсүрэн таамгаар ард түмнийг төөрөгдүүлсэн нийтлэл бичиж байхаа болимоор юм .Сэтгүүлчид үнэний төлөө үнэхээр тэмцдэг бол аль дүүргийн хэддүгээр сургууль хэдэн сая төгөргийн хахууль авч хүүхэд бүртгэж байгааг хөдөлшгүй баримттай бичээч.Худлаа болохоор Цээсүрэн нэр усгүй өөрийн бодлоо л бичсэн байна.

Avatar

Зочин 2021-08-26 192.82.83.4

МАН төрд байхад доод дунд шатны авилга дээрэм дуусахгүй. харьяаны хүүхдийг хүртэл хүүхдийн тоо хэтэрсэн хаврын судалгаалд хамрагдаагүй байна дүүрэгт өргөдөл гаргаж хуцаж байгам.

Avatar

зочин 2021-08-26 202.21.117.38

Сургуулийн хүртээмж, багшлах боловсон хүчнийг сүүлийн жилүүдийн төрөлтийн тоонд уяалдуулж нэмэгдүүлэхгүй л бол хэцүү дээ

Avatar

Зочин 2021-08-26 202.55.188.90

Ухэж байсан МАНгас 3-хан сая хунийг л аятайхан амьдруулчиж чадахгуй, еерсдее л хагартал баяжаад байхым

Avatar

Зочин 2021-08-26 122.201.31.178

Үнэн л юм бичсэн байна.

NewsMN Гар утасны хувилбар Татах
NEWS.mn

Мэдээллийн эх сурвалж