Цар тахлын нөхцөл байдалтай холбогдуулан БНСУ-аас 14 хоногийн  хилийн хязгаарлалт тогтоожээ. Зам, тээврийн хөгжлийн яамны  мэдээлснээр, энэ сарын 20-27 хүртэл бүх нислэгийг цуцалсан бол дахин долоо хоногоор сунгасан байна.  Тодруулбал, энэ сарын 26-аас ирэх сарын 2 хүртэл нислэгүүдийг цуцлахаар шийдвэрлэжээ. Учир нь, Монгол Улсад Covid-19 халдварын нөхцөл хүндхэн байна гэж үзсэн тул Монгол Улсаас зорчигч, транзист нислэг хүлээн авахгүй гэдээ мэдэгджээ. Гэсэн ч Монголын талаас транзит нислэгийг цуцлахгүй байх санал  гаргаж байгаа аж.

Энэ талаар ЗТХЯ-ны Иргэний нисэхийн Бодлогын хэрэгжилтийг зохицуулах газрын дарга Ч.Мөнхтуяагаас тодруулахад “БНСУ-д Улаанбаатар-Сөүл чиглэлийн наймдугаар сарын 13, 16-ны нислэгээр Covid-19 халдварын зөөвөрлөгдсөн тохиолдол бүртггэдсэн. Халдвар бүртгэгдснээс хойш долоо хоногийн /2021.08.20-27/ хугацаанд нислэгийг хязгаарлах журам байдаг. Энэ дагуу нислэгийг цуцалсан  байсан. Гэтэл  энэ сарын 16-ны нислэгээр халдвар зөөвөрлөгдсөн тохиолдол дахин бүртгэгдсэн учраас хязгаарлалтыг  наймдугаар сарын 28-аас есдүгээр сарын 2-н хүртэл сунгасан.

Сургуулийн хичээл эхэлж байгаа энэ үед Монголоос гадаадын улс орнуудыг зорих хөл хөдөлгөөн их байна. Хүлээлт ч өндөр байна.

Иймд транзит нислэгийг үргэлжлүүлэх санал гаргаад байгаа юм. Монголоос транзит нислэгээр явж буй иргэдийг БНСУ-ын тал хүлээн авахгүй гэх байр суурьтай байгаа ч бидний хувьд хязгаарлалтын үед транзит нислэгийг үргэлжлүүлэх саналтай байгаа. Учир нь, агаарын авиа компаниуд халдварыг хянах боломжгүй. Бид хэчнээн хяналт тавьж шинжилгээ авсан ч нууц үедээ илрэхгүй байхыг ч үгүйсгэхгүй. Мөн Токиод ч бас ердөө 40 хүн хүлээн авч байсан бол өнөөдрийн байдлаар 70 болгож нэмэгдүүлээд байна.” гэлээ. Түүний хэлснээр гадаадаас эх орондоо ирж буй иргэдийн тоо буурч, хилийн чанадыг зорих урсгал нэмэгджээ.