Торгуулийн 50 хувиа төлөхгүй бол өршөөлд хамрагдахгүй | News.MN

Торгуулийн 50 хувиа төлөхгүй бол өршөөлд хамрагдахгүй

Торгуулийн 50 хувиа төлөхгүй бол өршөөлд хамрагдахгүй

Торгуулийн 50 хувиа төлөхгүй бол өршөөлд хамрагдахгүй

Ардын хувьсгалын 100 жилийн ойг тохиолдуулан зарим гэмт хэрэг, зөрчил үйлдсэн хүн, хуулийн этгээдийг эрүүгийн хариуцлага, зөрчлийн шийтгэлээс нэг удаа өршөөн хэлтрүүлэх Өршөөл үзүүлэх тухай хуулийг УИХ батлан гаргасан. Хууль 2021 оны долдугаар сарын 6-ны өдрөөс хүчин төгөлдөр хэрэгжиж эхэлсэн билээ. Уг хуульд зааснаар 2017 оны долдугаар сарын 1-ний өдрөөс 2021 оны зургадугаар сарын 24-ний өдрийн 00:00 цагаас өмнө Зөрчлийн тухай хуулийн 14.7 дугаар зүйлд заасан зөрчил үйлдсэн хүн 2021 оны аравдугаар сарын 1-ний өдрийн дотор торгох шийтгэлийн төлбөрийн 50 хувийг төлсөн бол үлдсэн хувийг өршөөн чөлөөлөх юм. Өршөөлийн тухай хуулиар жолоодох эрхээ хасуулсан иргэдийн эрхийг сэргээхээр болсон.

Тэгвэл долдугаар сараас хойш тээврийн хэрэгсэл жолоодох эрхээ хасуулсан 40596 жолоочийн эрхийн мэдээллийн “Эрх хасагдсан” төлөвийг “Хүчинтэй” төлөвт шилжүүлж, тээврийн хэрэгсэл жолоодох эрхийг сэргээсэн байна.

Хэрэв аравдугаар  сарын 1-ний дотор торгуулийн 50 хувийг төлж барагдуулаагүй тохиолдолд өршөөлд хамрагдсан 50 хувийн торгууль өршөөлд хамрагдахгүй байхыг цагдаагийн байгууллагаас анхаарууллаа.

Дашрамд дурдахад, өнгөрсөн хугацаанд жолоочийн зөрчлийн бүртгэлийн онооны сангийн 526939 жолоочийн мэдээллээс оноо хасагдаагүй буюу 10 оноотой 45205 жолоочийн мэдээллийг хэвээр үлдээж, 10-аас доош оноотой 481734 жолоочийн мэдээллийг ялгаж, 5763 жолоочийн 10, 7953 жолоочийн ес, 11988 жолоочийн найм, 18233 жолоочийн долоо, 26075 жолоочийн зургаа, 45449 жолоочийн тав, 36113 жолоочийн дөрөв, 55240 жолоочийн гурав, 113635 жолоочийн хоёр, 161285 жолоочийн нэг оноог тус, тус сэргээжээ.

Нийслэлийн хэмжээнд төрийн үйлчилгээний нэгдсэн “Е-Mongolia” системээр дамжуулан цахимаар болон нийслэлийн нэг цэгийн үйлчилгээний зургаан төвд захиалга өгсөн тээврийн хэрэгсэл жолоодох эрх нь сэргэсэн 5356 хүний жолоодох эрхийн үнэмлэхийг Цагдаагийн ерөнхий газрын Бүртгэл хяналтын төвөөс хэвлээд байгаа аж.

Э.БУРАМ

Энэ мэдээнд өгөх таны сэтгэгдэл?
3
ТэнэглэлТэнэглэл
1
ХахаХаха
0
ЗөвЗөв
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

5 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-08-24 46.166.139.111

!!!!!!!!! Шилдэг дотно клубт тавтай морил – – https://is.gd/f4011T

Avatar

Зочин 2021-08-24 202.55.188.46

Дараа жил 100 жилээ нөхөж тэмдэглэхээр бүгдийг нь өршөөнө гэсэн

Avatar

bold 2021-08-24 202.131.243.186

Torguuli.mn gej orhoor Hunees avsan mashinii huuchin ezen 17-18 onii torguulia tolson 14-15 onii torguulia toloogui gej garaad bhm oort ni helheer Bi tolson Programmdaa oruulaagui baih geed bna 10 sariin 1 ees omno haana handah ve Bi toloh yostoi yu

Avatar

Зочин 2021-08-24 202.126.89.205

14 15 ОНЫХ ТЭР ҮЕДЭЭ ӨРШӨӨЛД ХАМРАГДААГҮЙ БАЙНА УУ!! НЭГ ӨРШӨӨСӨН УДАА БИЙ ШҮҮ

Avatar

лхагва 2021-08-24 202.126.90.131

энэ журмыг ганц ч банк мэдэхгvй байна лээ 50%иа яаж толох юм болоо

NewsMN Гар утасны хувилбар Татах
NEWS.mn

Мэдээллийн эх сурвалж