Дараагийн "Өглөөний гудамж"-ны ажил хойшилжээ | News.MN

Дараагийн "Өглөөний гудамж"-ны ажил хойшилжээ

Хуучирсан мэдээ: 2021.08.24-нд нийтлэгдсэн

Дараагийн "Өглөөний гудамж"-ны ажил хойшилжээ

Дараагийн "Өглөөний гудамж"-ны ажил хойшилжээ

“Өглөөний Улаанбаатар” төслийн хүрээнд нийслэлд жишиг гудамж байгуулж, иргэд өглөөний 06.00-09.00 цаг болон оройн цагаар төрийн үйлчилгээ авах, худалдаа хийх, гүйх, лекц, сургалтад суух, сонирхлын бүлгийн уулзалт зэргийг зохион байгуулахаар төлөвлөсөн. Одоогийн байдлаар Жуулчны гудамж буюу хуучнаар гутлын 22-ын өглөөний гудамж жишиг болон ажиллаж байна. Тус төслийн удирдагч С.Батмөнхийн мэдээлснээр дараагийн хоёр “Өглөөний гудамж” ирэх сард ашиглалтад орох төлөвлөгөөтэй.

ЖАМЬЯН ГҮНИЙ ГУДАМЖ, ЕРӨНХИЙ САЙД А.АМАРЫН ГУДАМЖИЙГ ЕСДҮГЭЭР САРД НЭЭХЭЭ БОЛЬСОН

Тус гудамжийн тохижилтын ажил болон эхний гудамжаас юугаар ялгаатай, давуу талтай болохыг  нийслэлийн Захирагчийн албанаас тодруулахад:

-Нийт гурван газарт жишиг гудамж бий болгох төслийн ажил үргэлжилж  байна. Өнөөдрийн байдлаар Жуулчны гудамж буюу хуучнаар гутлын 22 дугаар байрны урд замын тохижилтын ажил дуусч, үйлчилгээний газрууд, амрах, чөлөөт цагаа өнгөрүүлэх боломж бүрдсэн. Төлөвлөгөөний дагуу жишиг гудамжийг Жуулчны гудамж, Жамьян-Гүний гудамж, Ерөнхий сайд А.Амарын гудамж зэрэг байршилд бий болгоно. Гэхдээ жишиг гудамж өдөр бүр цагийн хязгаарлалттай байх боломжгүй. Тиймээс тодорхой өдрийн зохицуулалтыг хийж ажиллана.

Цар тахлын нөхцөл байдал болон цаг агаар мөн бусад шалтгаанаас хамаарч дараагийн байршлуудад тохижуулах жишиг гудамжны ажил тодорхойгүй хугацаанд түр хойшилсон. Гэхдээ энэ онд багтаж  ашиглалтад оруулж, үндэсний хэв маяг, олон улсын стандартын дагуу тохижилтын ажлуудыг хийнэ.

Мөн зөвхөн зуны дэлгэр цагт ч биш өвлийн улиралд ч иргэд амралт, чөлөөт цагаа өнгөрүүлэх таатай орчныг бүрдүүлэх зорилготой байгаа. Есдүгээр сард нээхээр төлөвлөж байсан Жамьян-Гүний гудамж амралтын өдрүүдэд өглөө 06.00-09.00 цагт, Ерөнхий сайд А.Амарын гудамж Баасан, Бямба, Ням гаригийн оройн 20.00-00.00 цаг хүртэл иргэдэд нээлттэй байхаар тооцсон. Тохижилт дуусч, нээсний дараа цагийн хуваарь болон бусад давуу талуудыг дурдах нь зүйтэй байх гэдэг тайлбарыг өглөө.

Ямартай ч иргэдийн дунд эртэч нийслэлчүүдийг дэмжих ажлыг эхлүүлж байгаа нь олны сайшаалыг хүртээд байгаа. Гэвч хотын төвд түрээс өндөр талбайд худалдаа явуулж буй аж ахуй нэгжүүдийн бараа, бүтээгдэхүүн, хоолны үнэ үнэтэй байгаа учир дараагийн удаад анхаарч, жижиг дунд бизнес эрхлэгчдийг дэмжихийг иргэдээс зүгээс цахим хуудастаа уриалжээ.

Энэ мэдээнд өгөх таны сэтгэгдэл?
4
ХахаХаха
4
ТэнэглэлТэнэглэл
0
ЗөвЗөв
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

9 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-08-24 185.220.101.251

>>>>> Шилдэг дотно клубт тавтай морил – – https://is.gd/f4011T

Avatar

зочин 2021-08-24 66.181.188.143

Манайханы өдөр 11 цагт босч 12-13 цагт ажил эхэлдэг балай нойрмог зуршлыг үгүй болгоход бага ч гэсэн нэмэр болох их сайхан ажил. Ер нь бүх албан газрын ажлыг өглөө 7,8 цагт эхлүүлж байх зохицуулалт хийх хэрэгтэй.

Avatar

Зочин 2021-08-24 192.82.84.222

Энэ жоохон замд машин багтахгүй чихцэлдэн түгжирч байхад юун машингүй гудамж гэж солиорооод байгаа юмбэ

Avatar

Иргэн 2021-08-24 139.5.218.161

Иргэд дургүйцэж байгааг ойлгох ухаан хотын дарга нарт байдаггүй нь юуных вэ . Ашиг унац , авилга жин дараад байна уу.

Avatar

иргэн 2021-08-24 202.21.117.26

зүгээр саад болохгүй байвал иргэд аж ахуй нэгж өөрсдөө хийчих нэээ

Avatar

Зочин 2021-08-24 103.10.23.168

Замаа өргөсгөх хэрэгтэй бхад өглөөний гудамж ч гэх шиг юу хэрэгтэй бгааг мэдрээч хотын бөхөө

Avatar

Зочин 2021-08-24 202.9.46.5

Тэнэглэл. Монголд бүх юм заавал буруу, урвуугаар хийгдэх юм аа. Өөрөө хийхгүй байж шүүмжиллээ гэх байх. Гэхдээ…бүгд эрт босдог, бүх ажил бизнес, төрийн албаны ажил эрт эхэлдэг бол, үүнийгээ дагаад үйлчилгээ хөгжинө. 10 цагаас нааш ямар ч ажил эхэлдэггүй, бүтдэггүй байхад эрт босч балдуушаа хийх юм? Тэнгэрт тулсан үнэтэй кофе уух гэж босох уу? Тусгай гудамж тохижуулж нтр. Бүх гудамж нь ийм болох хэрэгтэй шд. 🤪

Avatar

Зочин 2021-08-24 202.126.89.97

Новшын түгжрэлээс яаая гэж байж зам хааж тэнэгтэцгээгээд байх юмаа. 10-15 мянгаар өглөөний цай уух гэж хотын захаас хүмүүс түгжирсээр ирэх үү?

Avatar

зочин 2021-08-24 192.82.75.173

Ингэж элийрэхээ больвол таарна тэнд нь 10 машин ч болтугай зогсож байвал түгжрэл буурахад бага ч атугай нэмэр болно.

NewsMN Гар утасны хувилбар Татах
NEWS.mn

Мэдээллийн эх сурвалж