Музейн бүтээн байгуулалтын ажил санхүүжилтээс болж удаашрав уу? | News.MN

Музейн бүтээн байгуулалтын ажил санхүүжилтээс болж удаашрав уу?

Музейн бүтээн байгуулалтын ажил санхүүжилтээс болж удаашрав уу?

Наадмаар ашиглалтад оруулахаар төлөвлөж байсан "Чингис хаан" музейн бүтээн байгуулалтын ажил үргэлжилж байна. Одоо гадна засал, чимэглэл болон музейн дэглэлтийн ажил үлдсэнийг мэргэжилтнүүд хэлж буй. Цар тахлын нөхцөл байдлаас шалтгаалан бүтээн байгуулалтын ажил хойшилж, музейн барилгыг наймдугаар сарын 20-нд Улсын комисст хүлээлгэн өгнө гэж Соёлын дэд сайд М.Батбаяр хэлж байв.

Тэрбээр “Чингис хаан музей нь нийт 20.500 метр квадрат талбайтай. Үүнээс 7600 метр квадрат талбай нь үзүүллэг дэглэлтийнх. Энэ музей нь Хүннү гүрнээс эхлээд XX зууны эхэн үе хүртэлх 2000 гаруй жилийн түүхийн үзмэрийг дэлгэнэ. Музейн барилгыг наймдугаар сарын 20-нд Улсын комисс хүлээж авахаар ажиллаж байна. Музейн дэглэлтийг төлөвлөх нь барилга дотор дахин барилга барих хэмжээний ажил болдог” гэв.

Чингис хаан музейн дэглэлтийн төлөвлөгөөнд туссанаар 15 танхимд нийт 6033 ширхэг үзмэр, эд өлгийн зүйл дэглэхээр төлөвлөжээ. Үүнээс 5927 ширхэг буюу нийт үзмэрийн 98.2 хувийг нь дотоодын эх үүсвэрээс, 106 ширхэг буюу 1.8 хувийг нь гадаадын музей, номын сан, архив зэрэг байгууллагын эх үүсвэрээс бүрдүүлэхээр тооцсон байна.

Тодруулбал, дотоодын эх үүсвэрээс бүрдүүлэх нийт 5927 ширхэг үзмэрийн 5741 ширхэг үзмэрийг төрийн болон орон нутгийн өмчийн музей, номын сан, архив, эрдэм шинжилгээний байгууллага, их дээд сургууль, Эрдэнэсийн сан зэрэг 27 байгууллагаас татан авах бол 154 ширхэг үзмэрийг шинээр, 18 дурсгалын хуулбар, 10 дурсгалын макетыг хийлгэх аж. Мөн хөдөө орон нутгаас дөрвөн чулуун дурсгалыг татан авч байрлуулах нь. Хувь хүний цуглуулгад байгаа дурсгалт зүйлийг хуулийн хүрээнд худалдан авч, музейд дэглэх талаар судалж байгаа аж.

Харин гадаадын 11 орны музей, номын сан, архив зэрэг байгууллагаас 106 ширхэг үзмэрийн хуулбарыг авч музейг дэглэхээр төлөвлөсөн байна. Соёлын өвийн үндэсний төвийн шинэ барилгад Чингис хаан музейд татан авах үзмэрийг түр хадгалах зориулалтын сан хөмрөгийн байр танхим бэлтгэж, түр хадгалж байгаа ажээ.

Монголын урчуудын эвлэлийн захирал Б.Төмөрбаатараас музейн гаднах чимэглэлийн ажил хэр явцтай байгааг тодруулахад “Музейн чимхлүүр хэсэг болох засал, чимэглэлийн ажлыг 50 гаруй урчууд урлаж байна. Уран барималчид хаадын тамганы загварыг хийж, дархчуул зэс хөөмлөөр урлаж байна. Музейн ханан дээр овог аймгийн 1000 гаруй тамга урлана. Энэ ажилд маш их цаг зарцуулж байгаа. Мөн санхүүжилтээс болж энэ ажил удааширч байна” хэмээн хэлсэн юм.

Барилгын бүтээн байгуулалтад 2020 онд улсын төсвөөс 48.7 тэрбум төгрөг төсөвлөсөн бол 2021 оны улсын төсөвт 14.8 тэрбум төгрөг нэмж төсөвлөсөн юм. Музейн есөн давхар барилгын ажлыг "Билгүүн Монгол констракшн" компани гүйцэтгэж байна.

"Чингис хаан" музейн захирал С.Чулуун тендер шалгаруулалтын ажлаар завгүй яваа сурагтай. Музейн оффисыг тохижуулахаар наймдугаар сарын 16-нд нийт 580 сая төгрөгийн хоёр тендер зарлажээ. Үүнд, компьютер, техник хэрэгсэл худалдан авахаар 250 сая төгрөг, тавилга, эд хогшил худалдан авахаар 330 сая төгрөгийн тендер тус тус зарласан байна.

Мөн музейн үзмэрийн шилэн хорго, тоног төхөөрөмжийг хийх таван тэрбум төгрөгийн нээлттэй тендерийг 2021 оны зургадугаар сарын 16-нд зарласан. Уг тендерт хоёр компани оролцсон ч тендерийн бичиг баримт шаардлага хангаагүйгээс долдугаар сарын 22-нд дахин нээлттэй тендер зарлажээ.

Энэ мэдээнд өгөх таны сэтгэгдэл?
11
ТэнэглэлТэнэглэл
5
ХахаХаха
1
БурууБуруу
0
ЗөвЗөв
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
Баярлалаа!

Холбоотой мэдээ

19 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-08-23 107.77.228.211

20 say am.dol

Avatar

Зочин 2021-08-23 185.220.102.249

!!!! Шилдэг дотно клубт тавтай морил – – https://is.gd/f4011T

Avatar

Зочин 2021-08-23 138.251.229.20

Та нар тэр Андлалын хөшөөг одоо ямар байгааг мэддэг бол

Avatar

Зочин 2021-08-23 133.32.224.95

Музейд дэглэх, үзүүллэг гэж юу ч гэж байгаа юм

Avatar

Зочин 2021-08-23 202.126.89.92

ERGK;LG

Avatar

Зочин 2021-08-23 103.212.118.107

Монголын түүхийн музей юу?
Их Эзэн хааны музей биз дээ. Гадаад архитектурын шийдэл онцгүй л юм.

Avatar

zochin 2021-08-23 202.179.25.9

ter olon terbum togrog chaachsan be???, uter turgen schalgaachee

Avatar

Зочин 2021-08-23 202.126.88.63

Bunhan gj harsiishd, muzei baisiimuu…

Avatar

Зочин 2021-08-23 202.126.94.99

Маш узэмжгуй музей!!! Сонгууль болсон мед дуусахгуй биз! Хил хаалттай узэх ч хун бна уу?!

Avatar

Зочин 2021-08-23 66.181.179.87

Эзэн хааны музейд эрх биш хөрөнгө хаях биз ээ

Avatar

ЗОЧИН 2021-08-23 192.82.92.201

Залигсан бна, новшнууд

Avatar

Зочин 2021-08-23 103.212.118.12

Чулуун гэж нэг хүн идчихсэн үү? Тэр чадна л даа.

Avatar

Зочин 2021-08-23 66.181.185.135

63 тэрбум, овоо цохио хийж дээ.

Avatar

Зочин 2021-08-23 66.181.161.83

Урьд нь их хааныг дурсах нь битгий хэл толгойтой нь ярьдаг байсныг бодвол нэг юм овойлгосон нь яамай даа…

Avatar

Зочин 2021-08-23 66.181.178.153

Novshiin avilgachid ene mungunuus ni yaaj ahiuhan karmaalah ve geed noir hoolgui ajillaj baigaa l daa,mungugui geheesee iluu yaaj ahiuhan idej uuh ve gedgees bolood l saataj baigaa bh shuu

Avatar

ХУУРАН ДАА ХҮРЭЛСҮХ 2021-08-23 150.129.141.230

48 ТЭРБУМ АРАЙ ИХ МӨНГӨ БАЙНА Ш ДЭЭ. ИЙМ БАРИЛГЫГ ТАЛ МӨНГӨӨР НЬ НЬ БАРИНА ШҮҮ. АУДИТ ОРУУЛАХ ХЭРЭГТЭЙ.

Avatar

хүүк чинь 2021-08-23 202.179.26.176

Муулаад байдаг Хүрэлсүх чинь ийм сайхан музей барьж өглөө тэнэг үхэр монголчууд аа. Наад хүнээ л шүт. Өөр юу ч хэрэггүй

Avatar

Зочин 2021-08-23 66.181.161.110

Төрийн захиргааны аппаратын орон тоог 40% цомхотгож, санхүүжилтэд нэмэр болгох нь зүйтэй!!! Чадваргүй, моральгүй тэжээвэр юмнууд төрийн албан хаагч нэрээр татвар төлөгчдийн мөнгийг хий дэмий үрж байна шүү!!!

Avatar

Зочин 2021-08-23 202.9.40.252

Хятад хилээ хаачихсан байхад наад тендерт чинь орох хүн байлаа юу. Ер нь тендер явцгүй болчихлоо шүү.

NewsMN Гар утасны хувилбар Татах
NEWS.mn

Мэдээллийн эх сурвалж