Афганистанд өрнөж буй үймээн самуунаас дүрвэж явахдаа нэгэн афган эмэгтэй АНУ-ын цэргийн онгоцон дотор бяцхан охин төрүүлжээ.

АНУ-ын агаарын хүчний мэдээлснээр Герман дахь Рамштейн цэргийн бааз руу хүрэх нислэгийн үеэр нэгэн афган эмэгтэй хүүхэд төрүүлсэн бөгөөд онгоцонд байсан эрүүл мэндийн ажилтан хүүхдийг эх барьж авсан байна.

Одоогийн байдлаар охин, ээж хоёрын биеийн байдал сайн байгаа аж. Эх сурвалжийн хэлснээр, онгоцонд суусан жирэмсэн эмэгтэй бие нь муудаж эхэлснийг хэлэхэд нисгэгч онгоцон дахь агаарын даралтыг нэмэхийн тулд доошилсон нь эмэгтэйн амийг аварсан зөв шийдвэр болжээ.

Өдгөө Афганистанд талибуудаас амжиж зугтаах гэсэн олон мянган хүний үймээн самуун үргэлжилсээр байгаа билээ. Цагаан ордны мэдээлснээр АНУ-ын арми Кабул хотоос нийт 17 мянган хүн гаргасан байна.

АНУ-ын Ерөнхийлөгч Жо Байден Афганистанаас хүмүүсээ татаж дуусах хамгийн сүүлийн хугацааг энэ сарын 31 гэж тогтоосон аж. Гэвч зарим улсууд иргэдээ болон барууны агентлагуудад ажиллаж байсан афганчуудыг татахын тулд дээрх хугацааг сунгах саналтай байна.

Эх сурвалж: BBC