Сурвалжлага: Нарантуул зах нам гүм болжээ | News.MN

Сурвалжлага: Нарантуул зах нам гүм болжээ

Сурвалжлага: Нарантуул зах нам гүм болжээ

Сурвалжлага: Нарантуул зах  нам гүм болжээ

Олон хүний хөл дарж, хот, хөдөөгөөс хүмүүсийн зорин очиж үйлчлүүлдэг газар бол "Нарантуул" олон улсын худалдааны төв. Дөрвөн улирлын алинд ч хүн ихтэй байдаг тус зах хичээл эхлэхийн өмнөх долоо хоногт нам гүн угтлаа. Өдийд хөлтэй нь хөлхөж хөлгүй нь мөлхөж байдагсан.

Худалдаа эрхлэгчид хичээлийн хэрэгсэл болон дулаан хувцасаа лангуун дээрээ дэлгэжээ. Өнгөрсөн хоёр жилийн хугацаанд хөл хорионоос болж хаалгаа барьсан тус захын худалдагчид эдийн засгийн хувьд ашиг орлого муутай байж үзээгүй гэв.  Учир нь Covid-19 цар тахал дэгдсэний улмаас импортын бараа, бүтээгдэхүүний үнэ өсч, төгрөгийн ханш унаж, юанийн үнэ нэмэгдэн, бензиний үнэ ч гэнэт огцом өссөн зэрэг нь худалдан авалтад нөлөөлж, бараа бүтээгдэхүүн нь гүйхээ больжээ.

Дотоодын болоод импортын дэвтэр, үзэг харандаа, хайч, цавуу гээд цэцэрлэгээс их сургууль хүртэлх бүхий л насны сурагчдад зориулсан хичээлийн хэрэгсэл үнэ болоод сонголтын хувьд  тус захад олон янз байна. Тухайлбал: “Улаанбаатар принт” үйлдвэрийн дэвтэр

  • 12 хуудастай нь 250,
  • 24 хуудастай нь 500,
  • 36 хуудастай нь 625,
  • 48 хуудастай нь 840,
  • 60 хуудастай нь 1050,
  • 96 хуудастай нь 1680 төгрөгөөр зарагдаж байв.

Харин Польшийн болон бусад импортын дэвтэр дотоодын дэвтрээс хямд үнээр худалдаалагдаж байв. 12 хуудастай нь 200-230 төгрөг, 24 хуудастай нь 400-450 төгрөг, 32 хуудастай нь 500-550 төгрөг гэх мэтчилэн үнэтэй байв. Худалдаа эрхлэгчидтэй уулзаж, иргэдийн худалдан авалт, энэ жилийн наймаа хэр сайн гүйж байгааг сонирхлоо.

ХИЧЭЭЛИЙН ХЭРЭГСЛИЙН ҮНЭ НЭМЭГДЭЭГҮЙ Ч ХУДАЛДАН АВАЛТ МАШ МУУ БАЙНА

ХУДАЛДАГЧ Н.ЦОГБАДРАХ:

-Манайх жил бүр үзэсгэлэн худалдаа хэлбэрээр бичиг хэрэгслийн бараагаа зардаг. Иргэдийн худалдан авах чадвар өнгөрсөн жилийн өдийтэй харьцуулахад муу байна. Дэвтэр, бал, өнгийн цаас, харандаа гээд олон төрөл байна. Харандаа гэхэд 200-3500 төгрөгийн хооронд 10 гаруй төрөл. Гэтэл хүмүүс ихэвчлэн хямдыг нь сонгож байна. Хүн бүрийн худалдан авах чадвар харилцан адилгүй. Мэдээж хүн өөрийн боломждоо тааруулж сонголт хийх нь зөв. Карго, ачаа тээврийн үнэ их нэмэгдсэн. Одоо улирал нь дуусахаас өмнө хичээлийн хэрэгслээ үзэсгэлэн хэлбэрээр дэлгээд байж байна. "Баялаг-Ундраа"-гийн хажуу тал буюу нүүрний эгнээнд үзэсгэлэнгийн талбайг бид 60 мянган төгрөгөөр түрээсэлдэг. Нэг сарын хувьд боломжийн. Нүүрний эгнээнд байсан ч худалдан авалт хийх иргэд цөөхөн хэвээрээ л байна. Хичээл орох болчихсон юм чинь хүн ихсэх байх гэсэн ч нэмэгдэхгүй хэвээр л байна. Хэрэв цаашид хөл хорио тогтооно гэвэл худалдаа эрхлэгчдэд маш хүнд байдал үүснэ.

ХОЁР СУРАГЧ, НЭГ ОЮУТНЫХАА ТӨЛБӨРИЙГ ЯАЖ ОЛНО ОО Л ГЭЖ БОДОЖ БАЙНА

ХУДАЛДАГЧ Д.ПҮРЭВЦЭРЭН:

-Би гурван хүүхэдтэй. Covid-19 дотоодод бүртгэгдсэнээс хойш худалдаа эрхэлж байгаа хүмүүст их  хүнд туслаа. Өвөл би гутал зардаг. Ноднин жил хөл хорио тогтоосноос болж өвлийн бүх бараагаа "Баялаг-Ундраа"-д цоожлуулчихсан. Бараагаа татаж авав уу, үгүй юү карентин тогтоосон. 20 гаруй сая төгрөгөөр гутал авчхаад нэгийг ч зарж чадаагүй. Одоо эргэлтийн мөнгөгүй болсон. Зээл авч, дүрэмт хувцасны татан авалт хийхэд хил дээр 10 гаруй хонож, өндөр өртөг төлж байж, машинд ачуулж авчирсан. Юань 450 төгрөг болсон. Урд хөршид барааны үнэ ч нэмэгдсэн. Гэсэн ч миний хувьд цэнхэр цамцыг 15-20 мянган төгрөгөөр зарж байна. Өнгөрсөн жил яг л энэ ханшаар байсан. Хүмүүс 15 мянган төгрөгийн цэнхэр цамцыг ямар үнэтэй юм бэ. Өөр газраас л авахаас гээд явж байна. Хүмүүсийн аж амьдрал өдөр ирэх бүр хэцүү болж байна. Хил гаалийн асуудлыг шийдвэрлэнэ гэж өчнөөн амалсан ч өнөөдөр гацаа нь яг л хэвэндээ байна. Худалдан авагч муу байгаа болохоор гурван хүүхдийнхээ сургалтын төлбөрийг яаж олж төлнө дөө гэж бодож сууна.

ИЖ БҮРЭН ДҮРЭМТ ХУВЦАС АВЧ БАЙГАА ХҮН АЛГА

ХУДАЛДАГЧ Х.ХУРБИЛЭГ:

-Хичээл орох, орохгүй нь тодорхой болоогүй учраас хүмүүс эргэлзээд, худалдан авалт хийхгүй байна. Иргэдийн худалдан авах чадвар өнгөрсөн жилийнхээс 50 хувь буурсан. Дүрэмт хувцасны үнийг огт нэмээгүй. Дотоодод үйлдвэрлэсэн гэж байгаа формын хувьд зузаан бөөсөрдөг материалтай. Харин урдаас орж ирж байгаа дүрэмт хувцас чанартай, үнэ нь хямд байдаг онцлогтой. Бага ангийн эрэгтэй дүрэмт хувцас цамцтайгаа 55-60 мянган төгрөг, эмэгтэй нь 45 мянган төгрөг. Дунд ангийнх нь 65-75 мянган төгрөг байна. Ноосон жлетка 18 мянган төгрөг, цэнхэр цамц дангаараа 15-20 мянган төгрөгийн хооронд худалдаалагдаж байна. Энэ жил иж бүрэн дүрэмт хувцас авч байгаа хүн алга. Цахимаар орж магадгүй гээд дан цамц  ихэвчлэн авч байна. Эдийн засгийн хувьд цаашид улам муудаж магадгүй. Бидний хувьд түрээсийн үнэ хямд учраас худалдаагаа эрхлээд болоод л байна. Цаашид худалдан авагчгүй болох эрсдэл ойрхон байна шүү дээ. Одоо хөл хорио тогтоох л юм бол хэцүүднэ.

ХОЁР ЖИЛ ДАРСАН ӨВЛИЙН БАРАА МААНЬ ЭЛЭГДЭЛД ОРЖ, ЗАГВАР НЬ ХОЦРОГДСОН

-"Нарантуул" дээр наймаа хийж байгаа бүх хүн амьдралынхаа төлөө зүтгэж байна. Бид бүгдээрээ улиралдаа зохицуулаад барааны татан авалтаа хийдэг. Гэхдээ өмнөх бараагаа зарж дуусаад, тэр мөнгөөрөө татан авалт хийдэг байсан. Одоо нөөцөлсөн бараа дээрээ нэмж нөөцлөөд, дахиж мөнгө зээлээд бараа татаж байна. Худалдаж авах хүн бараг байхгүй. Нэгдүгээр ангид орж байгаа хүүхэдтэй хүмүүс  цүнх авч байна. Цүнхний хувьд 15-110 мянган төгрөгийн ханштай байна. Энд цүнх зараад хоёр долоо хоноход дунд, ахлах ангийн хүүхдэдээ цүнх авсан хүн байгаагүй. Тэгэхээр хүмүүс хичээлийн бэлтгэл төдийлөн базаахгүй байгаа харагдаж байна.

300 МЯНГАН ТӨГРӨГӨӨР БЭЛТГЭЛ БАЗААХ ГЭСЭН Ч ЦҮНХ, ФОРМ АВААД  ДУУСЧИХЛАА

ИРГЭН И.ДУЛАМСҮРЭН:

-Манай охин дөрөвдүгээр ангид орж байгаа. Өнгөрсөн жил авсан бүх хувцас нь багадчихсан учраас энэ жил шинээр авахаас өөр сонголтгүй болсон. Гэрээсээ 300 мянган төгрөгтэй гарсан ч цүнх, форм, бэлтгэлийн хувцас аваад мөнгө дуусчихсан.  Болдог бол хичээлийн хэрэгсэл, цэнхэр цамцтай авчихмаар байсан. Мэдээж танхимаар орвол хэцүү шүү дээ. Тиймээс хамгийн боломжийн үнэтэй гэж бодоод "Нарантуул" захаас ирж бэлтгэлээ базааж байна.

100 МЯНГАН ТӨГРӨГТ ТААРУУЛЖ ХИЧЭЭЛИЙН ХЭРЭГСЭЛ БЭЛДЭНЭ

ИРГЭН Ц.ИХБАЯР:

-Ажил хийх боломж өдөр ирэх бүрт багасч байна. Юмны үнэ маш их нэмэгдэж, өргөн хэрэглээний бараа, хувцас гээд үнэ нэмэгдээгүй зүйл алга. Ядарсан хүмүүст гурилын үнэ нэмэгдэх нь хүртэл хүнд. Манай хүүхэд тавдугаар ангид орно. Хэдэн дэвтэр, чадвал цүнх, хямд байвал форм авч өгөх санаатай 100 мянган төгрөгтэй гарсан. Энэ мөнгөндөө тааруулаад эхний ээлжинд хэрэгтэй зүйлсийг авна.

 

 

ГУРВАН ХҮҮХДЭД ФОРМ АВАХАД Л 340 МЯНГАН ТӨГРӨГ БОЛСОН

ИРГЭН Н.АЛГИРМАА

-Манайх гурван хүүхдэд хичээлийн хэрэгсэл бэлдэхээр гарч ирсэн. Одоогоор форм авсан. Гурван хүүхдэд форм авахад 340 мянган төгрөг болсон. Цахим хичээл үр дүн бага байсан. Тиймээс хүүхдүүд маань сургуульд явахдаа баяртай байгаа. Өнөөдөр хичээлийн хэрэгслээ бэлдээд, хэд хэдэн газраар орсон. "Нарантуул" сэлүүхэн, хүн бага байна. Үнэ нь ч боломжийн. Тиймээс энэ захаас үлдсэн хэрэгтэй зүйлсээ худалдаж авна гэж бодож байна.

Мөнхийн хөл хөдөлгөөнтэй байдаг "Нарантуул" зах эл хуль байгаад хүмүүс дасахгүй байгаа бололтой. Хаалгаар орсон хүмүүс "Бүтэн сайн өдөр байж хүн яасан бага байна" гэх мэтчилэн хоорондоо ярилцана. Зорьж ирсэн хүмүүс ихэвчлэн гэр бүлээрээ яваа харагдана. Бага насны хүүхдээ тэвэрсэн, хөтөлсөн хүмүүс боолт, трико, хичээлийн хэрэгсэл гээд өөрт хэрэгтэйгээ шилж сонгож авч байлаа. Covid-19-өөс болж эдийн засгийн хувьд уналтад орж, наймааны эрч суларсан талаар тус захынхан бидэнд хэлсэн юм.

Хүмүүс ч хичээл сургалтын бэлтгэлд төдийлөн ач холбогдол өгөхгүй байгаа гэлээ. Ямартай ч хүмүүс эхний ээлжинд зайлшгүй шаардлагатай зүйлсээ авч, дараа нь хөл хорио тогтоохгүй гэвэл үлдэгдэл зүйлсээ авна гэж төлөвлөж буй бололтой. Харин захын худалдаачдад хоёр жил дарсан элэгдэлтэй бараагаа үнийг нь бууруулахгүй хэрхэн зарах л том асуудал болж байгаа аж.

Гэрэл зургийг Г.ЭНХЖИН

Энэ мэдээнд өгөх таны сэтгэгдэл?
27
ХарамсалтайХарамсалтай
4
ТэнэглэлТэнэглэл
3
ХахаХаха
3
ХөөрхөнХөөрхөн
3
ГайхмаарГайхмаар
1
БурууБуруу
0
ЗөвЗөв
Баярлалаа!

Холбоотой мэдээ

31 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-08-23 122.201.22.79

Зогсоол нь маш үнэтэй, гарах гэж түгжирч хүлээж явахад цаг нь нэмэгдээд гүйнэ. Мөнгө хураагч нарт нь гомдоллоход хүлээж авахгүй аашилдаг. Ийм байхад хэн очих вэ?

Avatar

Зочин 2021-08-23 202.55.188.110

Нарантуул захын зогсоолын талаар мэдээлэл цуглуулаж бичээрэй 18 19 цагийн үед гарах хаалган дээр мэдээлэл бэлдвэл сайн шүү нэг машинаас 7000. 8000 төг нэхдэг

Avatar

Зочин 2021-08-23 202.55.188.110

Нарантуул захын зогсоол нь аймар үнэтэй болсон байна лээ аль болох хямд юм авах гэж л нарантуул зах орж байгаа гэтэл зогсоол нь тэнгэрт хадсан үнэтэй мөнгө хураадаг хүмүүс нь ямар ч харилцааны соёл байхгүй хүн доромжилдог

Avatar

Зочин 2021-08-23 122.201.24.237

Өвчинөө хурдан дарж авахгүй бол чимээгүй хот болох ойрхон байна шүү

Avatar

Панзчид 2021-08-23 66.181.161.31

Панзчингуудын цуглуулга. Зам, барилга, үйлдвэрлэл, мал дээр ажиллах хүн олдохгүй байхад лангууны ард лаглайтал суучихаад, Эрээний барааг нугалж зардаг. Тэгээд бас татвар төлдөггүй байж түрээсийн төлбөр өндөр байна гэнэ.

Avatar

БАТАА 2021-08-23 122.201.22.172

yasan ih medlegtei nuhur uu chi turees baga tuldaa amidarch bn gej bn naad 2 tseher chn yugaa unshdiin

Avatar

Зочин 2021-08-23 198.98.62.107

>>>> Шилдэг дотно клубт тавтай морил – – https://is.gd/f4011T

Avatar

Одноо 2021-08-23 64.119.23.191

Дэлгүүрээс үнэтэй зараад байхаар хэн очих бэ дээ

Avatar

Ханд 2021-08-23 64.119.23.191

Захаас боодолоор нь даавуу битгий аваарай. Худлаа метр өөрсдөө бичдэг юм байна лээ.

Avatar

Зочин 2021-08-23 192.82.76.99

Болж муусайн наймаачид, одоо ажил хийж амьдрах хэрэгтэй муусайн новшнууд

Avatar

Зочин 2021-08-23 202.55.188.109

.●

Avatar

Зочин 2021-08-23 66.181.161.125

Төр засаг хааж боодоггүй бол ногоо тарьж амьдармаар л байна. Иргэн Алгирмаа дажгүй юм.

Avatar

Зочин 2021-08-23 103.212.116.125

emart barag hyamd doo

Avatar

зочин 2021-08-23 103.212.116.125

гэрийн доод талын дэлгүүрт адилхан үнэтэй байхад зах орж түгжрэх хэрэг гарсангүй

Avatar

Зочин 2021-08-23 66.181.179.99

ганц нарантуул гэхгүй бусад үйлчилгээ эрхлэгчид шархаа нөхөх гээд бүгд үнэ нэмсэн байна лээ.МАШ ӨНДӨР ҮНЭ

Avatar

Зочин 2021-08-23 202.179.24.219

Одоо юм бүтээж үйлдвэрлэж өөрсдөө хийж цаашаа явсан нь хожно. Хэдий болтол гятадын зарц болж хийсэн бүгдийг нь зарж өгч хүн хуурч өөрийгөө бас хуурч явах вээ ! Худалдаа наймаагаа болио

Avatar

avarga malchin 2021-08-23 183.177.97.188

bugd huduu garch, mal mallaj, hunsnii nogoogoo tarij amidarcgaa,

Avatar

Зочин 2021-08-23 64.119.27.243

Ene zah metiin naimaachdiig tsuulj, suljee heden delguurtei bval boloh geed bna, Bayaanzurkh zah gehed unee nemsen heden hudaldagchtai, hajuud ni Emart ed nar hamaagui hyamd bna

Avatar

Зочин 2021-08-23 202.55.188.110

Емарт ч гэх шиг битгий ингэж худлаа попорч бай

Avatar

Баян л байна даа, та нар 2021-08-23 103.9.90.100

Юу ч битгий ав. Бид өөрсдөө л энэ үнийг буулгахгүй бол наймаачид хэзээ ч буулгахгүй. 20 сая төгрөгийн бараа авсан, эргэлтийн мөнгөгүй болсон, импортын дүрэмт хувцас авсан гэж юу гэж байгаа юм. Дотоодод үйлдвэрлэх гээд л ядаад байдаг, эд нар Эрээнээс дүрэмт хувцас оруулж ирээд байдаг. Арай хэтэрхий юм. Баян л байна ш дээ. 20.0 сая төгрөгт эргэлддэг гэж. Ганцхан наймаачид карентинд орж хохироогүй, алдагдлаа биднээс авна гэж байхгүй, битгий горьд

Avatar

ХҮҮК 2021-08-23 66.181.161.117

ОДОО НАРАНТУУЛ БОЛОН ӨРГӨТГӨЛ НЬ ӨӨР ТИЙШЭЭ ШИЛЖИЖ НҮҮХ ЦАГ НЬ БОЛСООН…

Avatar

Зочин 2021-08-23 202.9.40.252

Нарантуулаас авах, эсвэл зүгээр тав тухтай дэлгүүрээр үйлчлүүлэх хоёр ялгаагүй болж эхэлж байгаа шүү. Зарим наймаачид санаанд орсон үнээ цээжнийхээ бангаар хэлж энэ байдлыг улам түргэсгэж байгаа даа. Одоо яаая гэх вэ дээ.

Avatar

Зочин 2021-08-23 202.21.108.175

ТЭР Л ГАНЦ АСУУДАЛ

Avatar

Н 2021-08-23 192.82.84.41

Хичээл сургууль нээх, баяр ёслол болохоор дуртай үнээ нэмж зардаг наад аргаа одоо больцгоо наймаачидаа. Дэлгүүрт хямдхан, тохилог байхад

Avatar

Ард түмэн 2021-08-23 103.10.23.134

Үзэсгэлэнгийн газраа өндөр үнээр дам худалдаж аваад бай тэгээд баараагаа өндөр үнээр зараад бай тэгэхээр худалдан авагчгүй болж байгаа юм.

Avatar

Зочин 2021-08-23 202.126.89.4

ЗӨВ. АРД ИРГЭД ҮНЭ НЬ ХӨӨРӨГДӨӨД БАЙГАА ЯМАР Ч БАРАА ТАВААРЫГ "ХУДАЛДАН АВАХГҮЙ" БАЙЖ ХЭРЭГЛЭЭГЭЭ ЗОХИЦУУЛААД ХАРИУЦЛАГАТАЙ САХИЛГА БАТТАЙ АМЬДРААД СУРЧИХВАЛ Л ЗАХ ЗЭЭЛД НИЙЛҮҮЛЭЛТ ӨСЧ ҮНЭ ХЯМДРАХ НЬ ГАРЦААГҮЙ ЭДИЙН ЗАСГИЙН ХУУЛЬ ШҮҮ ДЭЭ.

Avatar

Зочин 2021-08-23 202.55.188.97

Hicheel tanhimaar orohgui ee, tìimees demii zardal b** garga

Avatar

Зочин 2021-08-23 64.119.16.37

Үнээ хамаагүй нэмбэл ингэдгийн, 2 нугалдаг байсан бол одоо 3 нугалж байгаа биз, манай худалдан авагчид хариугий нь сайн барьж байх шиг бна. Дээр нь онлайн худалдаа нөлөөлж байгаа байх.

Avatar

Одоо яаая гэхэв 2021-08-23 192.82.69.199

МАНгаруудыг өөрсдөө сонгоо биз дээ! Одоо юундаа гоншгоноод байдаг юм?

Avatar

Зочин 2021-08-23 64.119.22.145

ymar medremjgui urt medee beltgedeg yn heleh gesen sanaagaa tovch todorhoi bichildee

Avatar

Mani 2021-08-23 202.126.90.42

Economic failure bolj bna ediin zasgiin uzuulelt sain bga gej bga bolovch yag unendee irgediin hudaldan avah chadamj unendee buuchaad bna narantuul geltgvi bvh hudaldaa uilchilgeenii gazar hund baidald orood bna

NewsMN Гар утасны хувилбар Татах
NEWS.mn

Мэдээллийн эх сурвалж