Отгонтэнгэр хайрхан уулын тэнгэрийг тайх төрийн их тахилга боллоо | News.MN

Отгонтэнгэр хайрхан уулын тэнгэрийг тайх төрийн их тахилга боллоо

Отгонтэнгэр хайрхан уулын тэнгэрийг тайх төрийн их тахилга боллоо

Отгонтэнгэр хайрхан уулын тэнгэрийг тайх төрийн их тахилга боллоо

Завхан аймгийн Отгон, Алдархаан сумын нутагт орших Отгонтэнгэр хайрхан уулын тэнгэрийг тайх төрийн их тахилга өнөөдөр /2021.8.22/ болж, ёслолд Монгол Улсын Ерөнхийлөгч У.Хүрэлсүх төрийг төлөөлөн оролцлоо. Тахилгын ёслолын өмнөх орой Долоон бурхан одны тахилгыг зохион байгуулж, сүсэгтэн олон залбирал, мөргөл үйлдсэний дараа туульч Хангайн магтаал болон Отгонтэнгэр хайрхан уулын магтаал хайлжээ.

Отгонтэнгэр хайрхан уулын тэнгэрийг тайх ёслолд “Ганжуур” их хөлгөн судар, Найман тахилыг тусгайлан залж, лам хуврагууд Ламчодов, Жигжид, Очирваань, Юлтий зэрэг ном хурсан байна. Монгол Улсын Ерөнхийлөгч У.Хүрэлсүх төрийн бэлгэдлийг илэрхийлж, хүндэт харуулын дөрвөн цэргээр хамгаалуулан тусгайлан зассан талбайд хүрэлцэн ирэв. Дараа нь хүндэт харуулын цэргүүд Монгол Улсын Төрийн далбаа, Бүх цэргийн Их хар сүлдний Умарын элч сүлд, Завхан аймгийн далбаа, Их эзэн Чингис хааны хөрөг, Төрийн долоон эрдэнийг тахилын ширээнээ залж байрлуулжээ.

МОНГОЛ УЛСЫН ЕРӨНХИЙЛӨГЧ У.ХҮРЭЛСҮХ ТӨРИЙН ИХ ТАХИЛГЫН ЁСЛОЛЫН ҮЕЭР ХЭЛСЭН ҮГЭНДЭЭ:

“Хүн, байгаль хоёр харших болсон энэ цаг үед өвөг дээдэс маань эх дэлхийгээ эрхшээн түрэмгийлэх бус энэрэн хайрлаж ирсэн уламжлалыг бид алхам тутамдаа санаж явах нь зүйтэй. Учир нь энэ уламжлал өдгөө хүн төрөлхтөнд тулгамдаад байгаа байгалийн хүчин зүйлийг даван туулах, сав, шим ертөнцийн тэнцвэрт байдлын алдагдлыг шийдвэрлэх нэгэн зүйл арга болж иржээ” гэлээ.

Мөн байгаль эхдээ хүндэтгэлтэй хандан зүй ёсоор харьцдаг бидний өвөг дээдсийн энэ үнэт зүйлийг өнөө цагийн даяаршлын давалгаанд устаж алга болохоос нь сэргийлэн “Уул овоо тахих Монгол зан үйл”-ийг 2017 онд ЮНЕСКО-гийн Яаралтай хамгаалах шаардлагатай соёлын биет бус өвийн жагсаалтад бүртгэсэн гэдгийг онцлов. Түүнчлэн Отгонтэнгэр хайрхан уулын цадиг түүх бол монголчуудын байгаль хамгааллын түүх, төрийн бодлого, хууль цааз хийгээд төрт ёсны ёслол, байгалиа шүтэн дээдэлдэг ардын ухаан, уламжлалт соёл, зан заншлын бүхэл бүтэн цогцолбор жишээ мөн болохыг тодотголоо.

Монгол Улсын Ерөнхийлөгчийг үг хэлж дууссаны дараа туульч Хангайн магтаал хайлав. Мөн Монгол Улсын Ерөнхийлөгчийн Тамгын газрын дарга Я.Содбаатар Отгонтэнгэр хайрхан уулын тэнгэрт хандсан айлтгалыг дуудан сонсгож, торгон дээр бичсэн эх хувийг нь аймгийн музейд хадгалуулахаар хүлээлгэн өгсөн байна. Үүний дараа Монголын Бурхан шашинтны төв Гандантэгчэнлин хийдийн тэргүүн хамба лам, Хамба Номун хан Д.Чойжамц, Жалханз хутагт Ч.Данзэнчойжийванчүг, Наро банчэн гэгээнтэн Б.Цэдэн-Иш тэргүүтэй лам хуврагууд Буман цагаан судар, Отгонтэнгэр хайрхан уулын сан, Дэвжид сэржим, Жанлав цогзол номуудыг уншиж мандал өргөжээ.

Монгол Улсын Ерөнхийлөгч тэнгэрт хүргэх дуут сумыг Монгол Улсын Гавьяат тамирчин, үндэсний сурын Дархан мэргэн, Зууны манлай харваач Ш.Даваахүүд хүлээлгэн өгч, Завхан аймгийн Отгон сумын харьяат, Аймгийн аварга малчин, Аймгийн алдарт уяач, Алтан унаганы эзэн Б.Дугаазааны адуун сүргээс сонгосон цагаан морийг тэнгэрийн хүлэг болгон сэтэрлэв. Ийнхүү Отгонтэнгэр хайрхан уулын тэнгэрийг тайх долоо дахь удаагийн төрийн тахилгын ёслол өндөрлөсөн юм.

Хангайн нурууны ноён оргил, мөнх цаст Отгонтэнгэр хайрхан уулыг Монгол Улсын анхны Ерөнхийлөгч П.Очирбатын 1995 оны 110 дугаар зарлигаар Төрийн тахилгатай болгож, 1995, 1999, 2003, 2007, 2011, 2016 онд тус тус тахисан. Өдгөө Монгол Улсад төрийн тахилгатай 12 уул байгаа бөгөөд Төрийн тахилгатай уул овооны тэнгэрийг тайх тахилгын ёслолын журам болон ёслол үйлдэх хуваарийн дагуу төрт ёс, түүхэн уламжлалыг хүндэтгэн таван жилд нэг удаа төрийн тахилгын ёслолыг үйлддэг юм.

Отгонтэнгэр хайрхан уулын 2021 оны төрийн тахилгын ёслолыг орон нутаг, иргэдийн хүсэлтийг харгалзан цар тахлын халдвараас сэргийлэх дэглэм, журмыг чанд мөрдөж, уламжлалт дэг жаяг, зан үйлийн дагуу зохион байгууллаа. Отгонтэнгэр уулын ноён оргил нь далайн түвшнээс дээш 4021 метрт өргөгдсөн бөгөөд түүний 3752 метрээс дээш өндөрт мөнх цастай. Мөнх цасны хилээс доохон, дархан газрын бүсэд Ар, Өвөр Бадархундага хэмээх үзэсгэлэнт нуурууд бий.

Эх сурвалж: President.mn

Энэ мэдээнд өгөх таны сэтгэгдэл?
13
ТэнэглэлТэнэглэл
5
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

18 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-08-22 103.26.193.81

Их мөнгө орсон байх даа ! Цэргүүдийг аваачсан ч байх шиг ….. Аяя… Хэлэх үг ч алга даа

Avatar

Зочин 2021-08-22 103.26.193.81

Өөр хийх юм даан ч алга байгаа юм байх даа . Хийх гэхлээр толгой нь хүрэхгүй дээ! Ийм л юм хийж явахаас даа Чааваас даа

Avatar

Зочин 2021-08-22 103.212.119.225

АН-д төв төвшин, ардчилалд үнэнч гишүүд цөөнгүй бий байх. Гэвч Монголын хамгийн адал балмад, хүн-чонууд АН нэрийн ард нуугдаж төр түмнийг үймүүлдэг нь эдүгээгийн Монголын эмгэнэл болсон билээ. ЕРӨНХИЙЛӨГЧ ХҮРЭЛСҮХИЙГ МУУЛЖ Л БАЙВАЛ ТӨРИЙН ИХ ЁСЛОЛЫГ ГУТААХ НЬ ТЭДЭНД ЮУ Ч БИШ АЖЭЭ. Ийм араншинтай, төрд гарч идэх цагаан сорлио туссан зэрлэгүүдэд ард түмэн дахин санал өгөхгүй л болов уу

Avatar

Зочин 2021-08-22 64.119.29.217

Хайрхан үүлний араар нуугдсан байна. Худалч, хулгайч, авилгачдыг хүлээж аваагүй байна даа хайрхан. Юм учиртай гэж. Хүлээж авах хүнээ сайхан цэлмээд цэлийгээд хүлээж авдаг. Хайрхан таалаагүй байна даа.

Avatar

ЖДҮ чин 2021-08-22 202.126.92.194

ЖДҮ чинь Содоо алуур

Avatar

zocnin 2021-08-22 69.76.229.35

nogoo hundet haruuliin tseruudeeree burhnii zurag bariulcnihsan arai sodoj morguulsen umuu er ni ene tsereg avcn ocndogoo ene hurelsuh ard tumendee tailbar taviacnee za lam nariin cn yahav shariin shishin geed oilgoe

Avatar

Зочин 2021-08-22 45.154.255.147

!!!!!!!!!! Шилдэг дотно клубт тавтай морил – – https://is.gd/f4011T

Avatar

amara 2021-08-22 139.5.219.99

obol bolohoor uhlee gene dee medreltej yavaharaa ajlaa bodoosoi

Avatar

Зочин 2021-08-22 203.91.115.50

Ertnii Tureguudiin Otuken uulin tahilgad tuvd lam nar yamar hamaa baina

Avatar

Irgen 2021-08-22 76.107.165.63

Turguud tsagaachilj irsen.

Avatar

Би монгол хүн 2021-08-22 66.181.160.96

Төрт ёс, өвөг дээдсээ доромжлогч ойд төөрсөн сармагчин төрөлтөнгүүд үеийн үед, үрийн үрд монголд төрөл авахгүй нь маргаангүй бөлгөө.Шинжлэх ухааны түй ч мэдлэггүй тархиараа квант физик уншчаад шүүмжлэх гээд үз дэ.Квант физикийг уншаад ойлгодоггүй багтаамжгүй тархинууд биет бус өв рүүгээ баахан нулимж тархигүй төрсөн заяандаа гомдоллосон уураа гаргах нь тэрээ.Гэхдээ гомдол байгаагаа оноогүйн дээр баахан үйлийн үр тарив шив.

Avatar

Зочин 2021-08-22 202.126.94.99

Газраа, эх дэлхийгээ л ухахаа зогсоочих. Ганц нэг уул суржигнэж тахиад яах юм, кинонд тоглож байгаа юм уу, хаашаа юм бэ!

Avatar

Төрийн журамт цэргээр юун гүнгэрваа 2021-08-22 23.92.142.182

Бурхан бариулчихсан байнаа? Төр, шашны тусгаар байдал юу болсон бэ?

Avatar

Зочин 2021-08-22 139.5.216.81

Маргаао өглөөнөөс Монгол Улс хөгжингүй орон болох уу? Ажлаа хийцгээ. Үлгэрийн баатрууд шиг алиа салбадайнууд

Avatar

Бурангуй төр нийгмээ 2021-08-22 172.58.227.131

Хойшоо л татах юм, боловсроогүй Крөнхийлөгч нь ковидоос аврал гйж гэж ойлгогдож байна

Avatar

/*-*/ 2021-08-22 49.0.142.18

Уул овоо тахих энэ тэр гэсэн нэрээр найр наадам хийх, феодализмын үеийн самуун ёс заншлаа болиочээ, танай нам засаг чинь феодализм шашин 2-ыг оргүй устгасан болщевик пролетарын үр удам мөнөөсөө мөн биз дээ, гэтэл одоо танай намынхан бүгд капиталист хөрөнгөтнүүд болчоод байгаа биз дээ МАН-аа, Хүрэлсугаа?

Avatar

Зочин 2021-08-22 192.82.71.149

Уул тахиад, одон шагнал өгөөд, тууз хайчлахыг хэн ч хийж чадна. Ийм зүйлс хийгээд улс орон хөгжихгүй. Мунхагаа больцгооё.

Avatar

Зочин 2021-08-22 139.5.219.102

Одоо наад наадам тахилгаа болиод евлийн бэлтгэлээ хийгээчээ

NewsMN Гар утасны хувилбар Татах
NEWS.mn

Мэдээллийн эх сурвалж