Эрүүл  мэндийн яамнаас нөхцөл байдлын ээлжит мэдээллийг /2021.8.22/ хүргэж байна 

Улсын хэмжээнд сүүлийн 24 цагт Covid-19-ийн батлагдсан 1780 тохиолдол бүртгэгдэж, хоёр хүн нас барлаа. Тэдгээрийн 534 нь Улаанбаатар, 1245 нь орон нутагт бүртгэгдсэн бол нэг нь зөөвөрлөгдсөн тохиолдол байна.

Халдварын улмаас 10790 хүн эмнэлэгт хэвтэн эмчлүүлж байна. Иргэдээс биеийн байдал

• хөнгөн 6106
• хүндэвтэр 3577
• хүнд 930
• нэн хүнд 177 хүн байгаа юм. Сүүлийн 24 цагт 1934 хүн эдгэрч, эмнэлгээс гарчээ.

Вакцинжуулалтын хувьд улсын хэмжээнд хоёрдугаар тунд хоёр сая 53 мянга 676 хүн хамрагдаад байна. Энэ нь зорилтот бүлгийн 63в1 хувь аж. Монгол Улсад дельта хувилбарын тархалт эрс нэмэгдэж байгаа тул дархлаажуулалтад идэвхтэй хамрагдаж, амны хаалтаа тогтмол зүүн, хүн хоорондын зайгаа баримтлахыг Эрүүл мэндийн яамнаас уриалж байна.