Улаанбаатар хотын төвлөрлийг задлах Ажлын хэсэг байгуулахаар болов | News.MN

Улаанбаатар хотын төвлөрлийг задлах Ажлын хэсэг байгуулахаар болов

Улаанбаатар хотын төвлөрлийг задлах Ажлын хэсэг байгуулахаар болов

Улаанбаатар хотын төвлөрлийг задлах Ажлын хэсэг байгуулахаар болов

Нийслэлийн Засаг даргын зөвлөлийн хурал өчигдөр боллоо. Хурлаар Улаанбаатар хотын төвлөрлийг задлах хүрээнд хотын төвөөс нүүлгэх боломжтой томоохон байгууллага, объектуудын судалгааг танилцуулав. Хотын 111 зах, худалдааны төвд 25.288 худалдаа эрхлэгч үйл ажиллагаа явуулдаг. Эдгээрийн 57 хувь нь буюу 14.340 худалдаа эрхлэгч “Нарантуул”, “Хархорин” “Бөмбөгөр” худалдааны төв, 100 айл, “Барс” захад ажиллаж байна. Мөн зах, худалдааны төвүүд нь хотын төвийн гол гудамж, зам дагуу байрладаг нь авто замын хөдөлгөөнд хэт их ачаалал үүсгэдэг. Зах, худалдааны төвүүдийн ажиллаагүй өдрүүдэд ойролцоох уулзваруудаар зорчих тээврийн хэрэгслийн тоог тооцож үзэхэд, 10-15 хувиар буурсан үзүүлэлт гарсан. Түүнчлэн улсын хэмжээнд 88 их, дээд сургуульд  147.293 оюутан байгаагаас Улаанбаатарт 79 их, дээд сургуульд 141.391 оюутан буюу 96 хувь нь сурч байна. Иймээс Улаанбаатар хотын төвлөрлийг задлах хүрээнд хотын төвөөс нүүлгэх боломжтой томоохон байгууллага, объектуудын судалгааны дагуу Нийслэлийн Засаг даргын захирамжаар Ажлын хэсэг байгуулахаар болов. Мөн ажлын төлөвлөгөө боловсруулах, судалгаанд дурдсан хувийн хэвшлийн аж ахуй нэгжүүдтэй уулзалт зохион байгуулах, цаашид Улаанбаатар хотын төвлөрлийг задлах бодлогын хүрээнд авах арга хэмжээ, шийдвэрийн төсөл боловсруулж, танилцуулахыг Хотын дарга үүрэг болголоо.

Нийслэлийн авто зам, замын байгууламжийн төлөвлөлт, ашиглалтын норм, дүрмийг шинэчлэн зохион байгуулах тухай асуудлыг хэлэлцлээ. Энэ үеэр Хотын дарга бодлогын бичиг баримтыг боловсруулах хэрэгтэйг онцолсон. Мөн “Нийслэлийн авто замын чиглэл, чиглэлийн нэр, дугаарыг шинэчлэн тогтоох”  тухай журмын төслийг боловсруулахыг холбогдох албаныханд даалгав.

Зуслангийн 26 амны хэсэгчилсэн ерөнхий төлөвлөгөөнд тодотгол хийнэ

Зөвлөлийн хурлаар нийслэлийн Сүхбаатар, Чингэлтэй дүүргийн зуслангийн 26 амны хэсэгчилсэн ерөнхий  төлөвлөгөөнд тодотгол хийх ажлын талаар танилцуулсан. Тус зуслангийн бүсэд 50.920 нэгж талбар байгаагаас батлагдсан ерөнхий төлөвлөгөөг баримтлан 2016-2020 онд газар эзэмшиж буй 2959 нэгж талбарын 177.3 га газрыг өмчлүүлжээ. Өнөөгийн хэрэгжиж байгаа ерөнхий төлөвлөгөө нь бодит байдалтай уялдахгүй байгаагаас өмчлөлийн ажил удааширч, иргэд, төрийн байгууллагын хооронд үл ойлголцол үүсээд байна. Иймд Нийслэлийн Засаг дарга бөгөөд Улаанбаатар хотын Захирагч Д.Сумъяабазар тус 26 амнаас эхний ээлжид Шадивлан, Жигжид, Хуурай мухар, Бэлх гэсэн дөрвөн амд хэсэгчилсэн ерөнхий төлөвлөгөөний тодотгол хийх санхүүжилтийг шийдэхийг үүрэг болгов. Үлдсэн 22 амны хэсэгчилсэн ерөнхий төлөвлөгөөний тодотгол хийх санхүүжилтийг нийслэлийн 2022 оны төсөвт суулгахыг даалгалаа.

НЗДТГ-ЫН ХЭВЛЭЛ МЭДЭЭЛЭЛТЭЙ ХАРИЛЦАХ ХЭЛТЭС

Энэ мэдээнд өгөх таны сэтгэгдэл?
3
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

8 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-08-20 203.91.115.50

Гоё нэр зүүгээд харинүнэндээ жоол газрын найиаа хийх бэлтгэлээ хангаж байна доо.

Avatar

Зочин 2021-08-20 202.9.46.196

Улаанбаатар хотын төвлөрлийг задлах ГЭЖ 30 ЖИЛ ЯРИСАН ҮЛГЭР ДУУСААГҮЙ БОЛОЛТОЙ…..

Avatar

saraa 2021-08-20 64.119.23.224

хамгийн гол нь хотын ойр газруудын зам, ус, цахилгаан, дулааны асуудлыг шийдэх хэрэгтэй, Төв аймгийн Баянчандмань,Эрдэнэ сумдын нутгийг УБ хотынхон оршин суух давхар харьяалалтай болгомоор байна, Тийм болговол хэн УБ т амьдрахыг бодох вэ дээ

Avatar

Эээ ҮР ДҮНД ХҮРДЭГ Л БАЙХДАА ... 2021-08-20 202.126.88.43

ЮУН Ч ХООМОЙ ЮМБЭДЭЭ….."АЖЛЫН ХЭСЭГ " ГЭЖ ТӨРИЙН АЛБАНЫ АЛИВ АЖЛЫГ ГУРИЛДАХ АРГА БАРИЛ…СОНГУУЛИАС СОНГУУЛЬ ХООРОНД БУСДЫГ ХУУРЧ БОЛОХ Ч ЭЦСИЙН ЭЦЭСТ ТЭД ӨӨРӨӨ ӨӨРСДИЙГӨӨ Л СӨНӨӨЖ БУЙГАА ХЭЗЭЭЭ ОЙЛГОНООО……МУНХАГЛАЛ БАГАСААСАЙ !!!!

Avatar

Зочин 2021-08-20 64.119.26.242

Улсын бүртгэлийн газар улсын чухам байгууллагууд байхад хэдэн х*******н гар хөл болсон, татвар төлдөггүй панзчингуудыг нүүлгэж болдоггүй л юм байхдаа.

Avatar

Зочин 2021-08-20 64.119.26.242

100-н айл гэж л*****н газар байна. Тоос шороо, явган хүний зам дээр худалдаа хийнэ, төмөр хөрөөдөнө, машин замаар л алхахаас өөр арга байхгүй. Тэнд чинь хараагүй, сонсголгүй хүүхдийн улсад ганц2 байдаг тусгай сургууль, улсад ганц байдаг арсны өвчин судлалын эмнэлэг, хороо дүүргийн эмнэлэг байна.

Avatar

зочин 2021-08-20 122.201.19.99

Эхлээд хотын захиргаагаа нүүлгэ

Avatar

Зочин 2021-08-20 202.126.89.246

ZAHUD HOTOS ZAIDU BAIDAG BUMBUGRIG NULGE

NewsMN Гар утасны хувилбар Татах
NEWS.mn

Мэдээллийн эх сурвалж