Жэфф Безосын сансрын хөлөг бүтээгч “Blue Origin” компани АНУ-ын засгийн газрыг саран дээр газардах шинэ хөлөг бүтээх төслийг шударга бусаар Элон Маскийн “Space X”-д өгч, 2.9 тэрбум ам.доллараар санхүүжүүлсэн хэмээн шүүхэд дууджээ.

Сансрын хөлөг бүтээх салбарт эн тэнцүү өрсөлдөж яваа дэлхийн хамгийн баян хоёр хүний өрсөлдөөн ийнхүү ширүүссэн тул NASA агентлагийн 2024 онд саран дээр дахин буух төлөвлөгөө хойшилж болзошгүйд хүрэв.

Өнгөрсөн долоо хоногт шүүхэд гомдол гаргахдаа Жефф Безос саран дээр буух хөлөг бүтээх тендерийн үйл явц шударга бусаар өрнөсөн тул дахин эхлүүлэх шаардлагатай хэмээжээ.

NASA агентлаг дөрөвдүгээр сард төслийг "Space Х" компанид хариуцуулсан. Гэсэн хэдий ч "Blue Origin" компани түүнээс хойш тендерийг буцааж авахын төлөө зүтгэж буй бөгөөд ийнхүү шүүхэд хандах нь тэдний эцсийн арга болсон бололтой.

Эх сурвалж: UNILAD