Нийслэлийн нутаг дэвсгэрт үйл ажиллагаа явуулдаг төрийн болон төрийн бус өмчийн ерөнхий боловсролын сургуулиудын хүүхдийн автобусуудыг техникийн үзлэгт хамруулах ажлыг 2021 оны наймдугаар сарын 16-ны өдрөөс эхлэн Нийтийн тээврийн үйлчилгээний газрын Тeхникийн хяналтын үзлэгийн төвд хийж байна. Техникийн үзлэгт шинэ хичээлийн жилд үйлчилгээнд явах, хүүхдийн 200 орчим автобусыг хамруулна. Үзлэг энэ сарын 20-ны өдөр хүртэл үргэлжилнэ.