Металл хөгжмийн "Bloodstock" наадам өнгөрсөн долоо хоногт Английн Дербишайрт болж өнгөрлөө. Цар тахлын нөхцөл байдлаас болоод уг наадмыг бусад олон нийтийн арга хэмжээтэй адил цахимаар зохион байгуулахаар болоод байв. Гэтэл энэ наадмыг товлосон өдрийн өмнөхөн цар тахлын хязгаарлалтуудыг суларуулснаар металл сонсогчид амьд хөгжмийг амьдаар нь сонсох боломжтой болжээ.

Хөгжмийн наадам энэ сарын 11-нээс 15-ныг дуустал үргэлжилж, алдарт "Kreator", "Judas Priest"тэргүүтэй хамтлагууд оролцсон аж.

Наадмын зохион байгуулагч Вики Хангерфорд “Үзэгчид маш их баяртай, хүлээлттэй байсан. Тайзан дээр гарсан хамтлаг бүр шүтэн бишрэгчдийнхээ баярын нулимсанд норж, орилоонд нь дөжрөөд бууж байв. "Bloodstock" наадам бараг хоёр жил өнжлөө. Тиймээс ч энэ удаагийн наадам бол үзэгчдийн төдийгүй хамтлагуудын хүсэн хүлээсэн мөч байлаа. Түүнээс гадна наадмын сүүлийн өдөр тоглосон "Judas Priest" хамтлаг 50 жил, "Saxon" хамтлаг 40 жилийнхээ ойг тэмдэглэв. Ялангуяа "Saxon" бол энэ наадмыг 2001 онд анх зохион байгуулахад оролцож байсан хамтлаг тул энэ үйл явдал маш чухал“ хэмээн ярьжээ.

Мөн энэ жил наадмыг үзэж амжаагүй үзэгчдэд зориулж зохион байгуулагчид 2022 оны "Bloodstock"-д АНУ-ын агуу "Lamb of God" хамтлагийг авчрахаа амлажээ.

[/newsgallery]

Эх сурвалж: BBC