Ники Минаж болон түүний нөхөр Кеннет Петти нар шүүхэд дуудагджээ.

Кеннет Петти одоогоос 27 жилийн өмнө хүчин үйлдэхийг завдсан хэргээр дөрвөн жил, зургаан сар торны цаана сууж байсан хар намтартай. Харин өдгөө 27 жилийн өмнөх Петтигийн хохирогч дахин зарга үүсгэж, түүнд болон түүний шинэ эхнэр Ники Минаж нарын дарамтанд орсон хэмээн гомдол мэдүүлж, тэднийг шүүхэд дуудсан байна.

Хохирогчийн гаргасан шинэ гомдолд дурдсанаар Ники Минаж нөхрөө цагаатгуулахаар зарга үүсгэгчид мөнгө, эд хөрөнгө амлаж, 16 настай охин руу нь удаа дараа зурвас бичсэн гэнэ. Тиймээс Нью-Йоркийн зүүн дүүргийн шүүх Ники Минаж болон түүний нөхрийг дарамт шахалт үзүүлсэн гэх хэргээр шүүж эхэлжээ.

Үйл явдал анх өнгөрсөн онд эхэлжээ. Учир нь өдгөө 43 настай Петти 2020 онд Калифорнид очихдоо өөрийгөө хүчингийн хэргээр ял эдэлж байснаа бүртгүүлээгүйгээс болж баривчлагдсан байна. Удалгүй Ники Минаж Калифорнид очиж, хохирогч эмэгтэйгээс 1994 оны гомдлоо татахыг ятгаж эхэлсэн аж. Тухайн үед хохирогч эмэгтэй Ники Минажид хандан эмэгтэй хүнийхээ хувьд нөхөр нь үнэхээр хүчин үйлдэхийг завдсан болох нь үнэн гэдгийг тайлбарлахыг оролдсон гэнэ. Түүнээс хойш Ники Минаж хохирогчийг гомдлоо татахыг шаардан 500 мянган ам.доллар санал болгож, гэр бүлийг нь дарамталж эхэлсэн байна. Түүнчлэн хэрвээ гомдлоо татвал Ники Минаж 20 мянган ам.доллар бэлнээр "бэлэглэж", охиных нь төрсөн өдрөөр өөрийнхөө дугаараас төрсөн өдрийн мэнд хүргэсэн зурвас илгээнэ гэж амлажээ.

Хохирогч эмэгтэй Ники Минаж болон түүний нөхрийн эл үйлдлээс шалтгаалан маш их дарамт, заналхийлэлд өртөж, үргэлж нүүдэллэн амьдрах болж, сэтгэл зүйн асар их депресст орсноор 2020 оны тавдугаар сараас хойш хөдөлмөр эрхлэх боломжгүй болжээ.

Эх сурвалж: