Турк улсын өмнөд хэсэг хэдэн долоо хоногийн турш түймэрт шатаж, мянга мянган хүн эрүүл мэнд, эд хөрөнгө, амь насаараа хохирч буй. Гэтэл тус улсын хойд хэсэгт аюултай үер бууж, гудамж талбай шавраар хучигдан, байшин барилга, машин техник урсан сүйдэж байна.

Тухайлбал, Хар тэнгисийн эрэг дагуух Туркийн мужуудад сүүлийн үед хэт их бороо орсны улмаас Бартин, Синоп, Кастамоны нутгуудад үер бууж, олон хотыг хамарчээ.

Bakan Pakdemirli'nin, "HES ile ilgili bir problem yok. Genelde HES'ler bu işin sebebi yerine mağduru oluyorlar" dediği Kastamonu'dan görüntüler👇 #Kastamonu pic.twitter.com/P2es2X2LZb

— Yol TV (@YolTV) August 11, 2021

Үерийн улмаас Бартин мужид нэг хүн нас барж, нэг хүн ор сураггүй алга болсон гэнэ. Харин бусад нутгуудад хүний амь нас хохирч байгаа эсэх нь одоохондоо тодорхойгүй байгаа аж. Мөн тус мужид хэд хэдэн барилга, хоёр гүүр, хөрш Карабук мужтай холбодог авто зам нуржээ.

Карабук мужид зарим авто зам хаагдаж, 20 хүн гэрээсээ гарах аргагүй гацсан гэх мэдээлэл бий. Нутгийн хэвлэлүүдийн мэдээлснээр аврагч нар нийт 15 хүнийг гэр, машинаас нь аварч аюулгүй газарт хүргэсэн гэнэ.

BREAKING: Dozens missing after floods destroyed multiple houses and swept away vehicles in #Kastamonu and #Bartin provinces of #Turkey #turkeyfloods pic.twitter.com/j0nmh4YVf4

— Kwitter (@Kwitter12085169) August 11, 2021

Иргэдийн мэдээлж байгаагаар үер нэг л мэдэхэд ердөө 10-хан минутын дотор хотод орж ирсэн гэнэ. Мөн дотоод хэргийн сайд Сулиман Сойлу Кастамону мужийн байдалтай танилцаад, үерийн усны түвшин газраас 3-4 метр өндөр байгааг мэдэгджээ. Түүний хэлснээр зарим хотод маш олон хүн аврал эрэн байшингийнхаа дээвэр дээр гарч, амь тэмцэж байгаа гэнэ.

Эх сурвалж: RT.COM