БШУЯ: Цэцэрлэгт хүүхдүүд амны хаалт зүүхгүй | News.MN

БШУЯ: Цэцэрлэгт хүүхдүүд амны хаалт зүүхгүй

БШУЯ: Цэцэрлэгт хүүхдүүд амны хаалт зүүхгүй

БШУЯ: Цэцэрлэгт хүүхдүүд амны хаалт зүүхгүй

Боловсрол, шинжлэх ухааны яамнаас өнөөдөр /2021.08.12/ цэцэрлэгийн бэлтгэл ажлын талаар мэдээлэл хийлээ.


БОЛОВСРОЛ, ШИНЖЛЭХ УХААНЫ ЯАМНЫ СУРГУУЛИЙН ӨМНӨХ БОЛОВСРОЛЫН ГАЗРЫН ДАРГА Ж.МЯГМАР:

-Долдугаар сарын 20-ноос хойш бэлтгэл ажлыг хангасан.  Цэцэрлэгийн танхимын сургалт есдүгээр  сарын 1-нээс эхэлнэ. Тусгай журам, зөвлөмжийн дагуу насны хязгаартайгаар үе шаттай эхлэх зохицуулалт хийнэ. Цэцэрлэгт таван  настай хүүхдийг  бүрэн хамруулах бол дөрвөн  настай хүүхдийг үргэлжлүүлэн хамруулна. Эцэг эх, асран хамгаалагчийн хүсэлтэд үндэслэн танхимын сургалтад хамруулна. Харин  2-3  настай хүүхдийг халдварын эрсдэлийн үнэлгээнд үндэслэн үе шаттай хамруулна.  Нийслэлийн хэмжээнд байгаа таван настай 77185 хүүхдийг цэцэрлэгт бүрэн хамруулна. Тухайн цэцэрлэгт халдвар гарлаа гэж үзэхэд зайн сургалт руу шилжинэ. Өөрөөр хэлбэл, нэг ангид хамгийн ихдээ 25 хүүхэд явна.  Энэ хичээлийн жилд цэцэрлэгт явах хүүхдүүдийн хичээлийн хэрэгслийг гурван сараар нь бэлтгүүлэхээр хэрэгтэй зүйлсийн жагсаалтыг гаргасан. 

Эрүүл мэндийн яамтай хамтраад Covid-19 халдварын үеийн цэцэрлэгийн үйл ажиллагаанд тавигдах шаардлагыг гаргасан. Тухайлбал, нэг ангид халдварын тохиолдол батлагдсан тохиолдолд 14 хоног зайн сургалт руу шилжинэ. Тухайн давхарт ажиллаж байгаа гурав хүртэлх бүлгээс тус бүрээс нь халдвар илэрвэл тэр хэсгийг хааж мөн 14 хоног зайн сургалт руу шилжүүлнэ. Аль болох танхимын сургалтыг бүтнээр нь явуулахын тулд хэсэгчлэн хаах замаар танхим болон зайн гэсэн хоёр хэлбэрээр явуулна. Эрсдэлээс урьдчилан сэргийлэх гэдэг нь цэцэрлэгийн насны хүүхдүүдэд хамгийн чухал. Цэцэрлэгийн үүдэндээ амны хаалтаа авч, гараа ариутган халуунаа үзүүлчхээд ангидаа амны хаалт зүүхгүй. Мэдээж гэр, цэцэрлэг хооронд заавал амны хаалт зүүнэ. Өөр ямар нэгэн маршрутаар хүүхдээ дагуулж явахгүй байх нь чухал. Тухайн ангийн хүүхдүүдээс нэг ч хүүхэд халдвар авахгүй байж чадвал таны хүүхдийн анги тасралтгүй танхимаар хичээллэнэ гэсэн үг. Тиймээс эцэг эхчүүдийн хариуцлага маш чухал.

Хүүхдүүд заавал цагаан хорхой, болон шээсний шинжилгээ өгсөн байна. Цэцэрлэгийн орчинд хүүхдийн шүдийг угаалгахгүй. Гэртээ шүдийг нь угаалгана.

Энэ жил улс орон даяар анх удаагаа цэцэрлэгээ төгсөөд нэгдүгээр ангид орох хүүхдүүдийн бэлтгэгдсэн байдлыг үнэлж үзэхээр болсон. Эдгээр хүүхдүүд сургуульд суралцахад аль чадвар нь сайн хөгжсөн байна эсвэл илүүтэй анхаарах ёстой зүйл юу байна вэ гэдгийг судлахаар бэлтгэл ажлыг хангасан. Цэцэрлэгийн хөтөлбөр хэрхэн хэрэгжиж байгааг үнэлэхийн зэрэгцээ сургуульд элсэн суралцаж байгаа хүүхдүүд мэдлэг, чадвар хандлагын хувьд ямар түвшинд байгааг тодорхойлно гэсэн үг. Энэ жил нийтдээ 77 мянга гаруй хүүхэд сургуульд орно. Нэгдүгээр ангид элсч байгаа хүүхдүүдийн 30 хувийг судалгаанд хамруулна. Судалгааг есдүгээр сарын 15-наас эхлүүлэн аравдугаар сарын 15-ныг хүртэл хийнэ. Цэцэрлэгт халдвар гарлаа гэхэд зайн сургалт руу 14 хоног шилжинэ гэдгийг би дээр дурдсан. Тухайн нөхцөлд бэлтгэл бүлгийн хүүхдүүдэд зориулсан дасгал, ажлын дэвтрүүдийг нарийвчилж боловсруулан хүүхдүүдэд тараахад бэлэн болсон. Мөн бэлтгэл бүлгийн багшид зориулсан зөвлөмжийг багш нарт хүргүүлнэ.

🔴 ШУУД Цэцэрлэгт ээлжийн багш ажиллуулах болсон талаар БШУ-ны яамнаас мэдээлэл хийж байна#NewsMN #NewsAgency

🔴 ШУУД Цэцэрлэгт ээлжийн багш ажиллуулах болсон талаар БШУ-ны яамнаас мэдээлэл хийж байна#NewsMN #NewsAgency

Posted by News.mn on Wednesday, August 11, 2021

Энэ мэдээнд өгөх таны сэтгэгдэл?
3
ТэнэглэлТэнэглэл
1
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

6 сэтгэгдэл

News.mn сайтад сэтгэгдэл оруулахад анхаарах зүйлс

Avatar

MGL 2021-08-12 192.82.84.202

Цэцэрлэгийн хүүхэд цахмаар гэхээр эцэг эх нь гэртээ байх болох нь. Эсвэл нэг мөсөн ээжид нь цалин өгөх хэрэгтэй. Юун цахим бэ?

Avatar

Зочин 2021-08-12 103.26.195.143

Олон цаг маск зүүж битүү орчинд байх нь харин ч муу!!

Avatar

иргэн 2021-08-12 43.228.131.90

ангидаа маск зүүхгүй гэдэг буруу шүү. халдварын нууц үедээ байгаа хөнгөн хэлбэрээр өвчилсөн хүүхдэд шинж тэмдэг илрэхгүй байж байгаад халдвар тарах магадлалтай

Avatar

Зочин 2021-08-12 122.201.21.181

Төрийн нэхсэн татвар даатгалыг тултал төлдөг. Төр эргээд цэцэрлэгээр хангаж чадххгүй бол нөхөн төлбөрөө авъя даа

Avatar

0000 2021-08-12 66.181.183.250

ХҮҮХДҮҮДИЙН АМЬ НАСААР ТОГЛОХ ЭРХ ХУЛГАЙЧ НАРТ БИ ЮУ ЭХ БА ЭЦИЙН НЭГЭНД НЬ АСРАН ХАМГААЛАГ ҮҮРЭГ ӨГЧ АСАРГААНЫ ЦАЛИНГ НЬ ТӨЛХӨӨС ӨӨР АРГА БАЙХГҮЙ ЯМАРЧ ХАМГААЛТГҮЙ БАГА НАСАНЫ ХҮҮХЭДҮҮЛД ОЛНООР ӨВЧӨЛБОЛ МАШ ИХ ЗАРДАЛ ГАРНА АМЬ НАСААЧ АЛДАНА ҮҮНИЙ ХАРИУЦЛАГЫГ ХЭН ХҮЛЭЭХ ВЭ

Avatar

Зочин 2021-08-12 202.179.27.236

буруу гарчиш өгөх юмаа. Ангидаа зүүхгүй гээч. Ангидаа орох хүртлээ зүүнэ. Хөдөөнөөс ирсэн нийгэмшиж амжаагүй оогийнуудад маск зүүлгээчээ!!!!

NewsMN Гар утасны хувилбар Татах
NEWS.mn

Мэдээллийн эх сурвалж