Богдыг тойрсон "боргоон" | News.MN

Богдыг тойрсон "боргоон"

Богдыг тойрсон "боргоон"

Алийн болгон биесээ боргож суух билээ. Бидэнд дутагдан буй нэгдмэл бодлого, нэг үнэт зүйлс нь энэ ч байж мэднэ. Сэтгэл юуг нь эзэмдсэн байхад бие нь хаа холдох вэ гэдэг биш бил үү?

Богдыг тойрсон "боргоон"

Сүүлийн өдрүүдэд “Х Богдыг залах гэж байна” гэсэн шуугиан хойно гарсан түймрийн утаатай зэрэгцэн Улаанбаатарыг бүрхлээ. Ингэхдээ хэний үр удам тодорсон, үндэс мөчир нь ямар хүн бэ гэдгийг өөр өөрсдийнхөө шүүн хэлэлцэх нь нэн сонихон. Өмнө нь, манай бийлэгжүү улстөрчид өөрсдийн ач, зээгээ өргөмжлүүлэхээр зулгаа барсан яриа бишгүй гарч, олныг ангайлгаж байсан. Ялангуяа нөлөө бүхий улстөрчид хэрхэн хөгөө чирсэн тухай тэр тоолонд гарсан биз ээ. Монголчууд улстөржихөөрөө хоёр намд хуваагдан талцдаг бол шашны хувьд илүү олон хуваагдана. Бурхны шашинтнууд гэхэд л дотоо шарын улааныхан гэж цэхэлзэх нь энүүхэнд бол христийн үй олон урсгалтнууд чимээгүйхэн нэгдэн хоёуланг нь үгүйсгэх жишээний. Ядуу орны ядарсан иргэдийн ахуйн асуудалд дөрөөлөн Монголд өндийсөн христийн шашин өнөөдөр жин дарна уу гэхээс цөөдөхгүй болсныг УИХ-ын гишүүдээс харж болно. Бодит үнэн гэвэл бурхны гэгдээд буй шашинтнууд хэлбэр төдийхөн бол христийнхэн илүү үзэл бодол нь бат нот тогтсон агаад татвараа байнга тушааж, өөрсдийн шашинтнаа амьдрал ахуйд нь нөлөөлөхүйц дэмжлэг үзүүлж, тэр ч бүү хэл сонгуулиар нэгдсэн зохион байгуулалтад орохуйц хүчтэй үйл ажиллагаа явуулж, үнэнчээр хандах аж. Шашин шүтэх эс шүтэх нь хувь хүний эрх хойно яалтай билээ. Гэхдээ бид шашны асуудалд болгоомжтой хандахгүй бол гадны улс орнуудын санаархал ч үүгээр дамжин орж, өсвөр үеийнхэн, нийгмийн эмзэг бүлгийнхэнд нөлөөлөхүйц үйл ажиллагаа явуулдаг болсон нууц биш.

ХУВИЛГААД ХОЁР ХУВИЛСАН НЬ

XIV Далай ламын сүүлчийн айлчлалыг шууд эсэргүүцэж “урд, хойд хөршийн байр суурийг хүндлээгүй хэрэг болно” гэж жирийн лам хүн бус улстөрчийн байр сууриас хэвлэлийн бага хурал хийж, үнэн голоосоо ундууцаж байсан шашны хүн бий. Түүнтэй агаар нэг үгийг УИХ-ын чуулганы танхимд ам алдсан, гадаадын тагнуул гэгддэг нөлөө бүхий улстөрч ч бас бий.

“Монголын бурхны шашинтны шинэ төв”-ийн тэргүүн буюу өөрийгөө хамба номуун хан хэмээн өргөмжилсөн “Их хүрээ” хийдийн хамба тэрээр тийн мэдэгдэл хийсэн нь ч учиртай.

Урд хөршөөс санхүүжилт авч, Төв Гандантэгчилэн хийдийн үйл ажиллагааг эсэргүүцдэг, үл хүлээн зөвшөөрдөг талаарх түүний баримтууд бишгүй л байдаг.

Үйл явдлын дэс дарааллаар нь харвал, Үндэсний эрх чөлөөгөө дахин сэргээсний 105 жилийн ойгоор IX Богдын хойд дүр хэмээн нэгэн хүүгийн зураг сошиал ертөнцөөр ил болсон.

Учрыг нь ойлгоогүй хүмүүс зарим нь итгэж, үлдсэн нь гайхаад хоцорсон. Тэгвэл Далай ламын айлчлалаар “Х Богдыг тодруулах гэж байна. Монголд Богд хэрэггүй” гэж хэвлэлийн хурал зарлан шуугиулж байсан З.Санждорж өөрийнхөө хувилбарыг Х Богд хэмээн өргөмжилж, хиазтай дээлээр хувцаслан, сэнтийд суулгасан хүүгийн зураг бүхий “Үндэсний тусгаар тогтнолоо сэргээн тунхагласны 105 жилийн ойгоор халхын Х Богдыг сэнтийд нь заллаа” гэх мэдээллийг гаргасныг интернэтээр хайвал гараад л ирэх болов уу?

Тэр хүү яван явсаар өөрийнх нь хүү болж таарсан. Анзаарвал тэрбээр “Шар ордон”, “Их хүрээ” гэхчилэн Богдтой холбоотой, түүний байрлах ордны болон харъяалах сүм хийдүүдийн нэрийг өөрийн эзэмшлийн байрандаа өгсөн байдаг. Ингээд бодвол эсэргүүцсэн шалтгаан нь ядах, төдөх зүйлгүй ойлгогдох билээ.

Түүний хардаж байсанчилан Х Богдоор тодруулсан хүүхдийг Далай лам айлчлалаараа хүлээн зөвшөөрсөн бөгөөд улс төр, өөр олон шалтгааны улмаас балчир Богдыг зарлаагүй билээ.

Төв Гандантэгчинлэн хийдээс З.Санждоржийн энэ бүхнийг үгүйсгэж ирсэн билээ. Эрх мэдлийн төлөөх энэхүү зовлон ганцхан Х Богд дээр ч гарсан юм биш. Түүний өмнөх дүр болох IX Богдоор ч хоёр талд, хоёр хүн тодруулж л байсан. Бурхны шашны гурван өндөрлөг гэгддэг Ванчин Богд, Далай лам, Богд Жавзундамба хутагтын хойд дүрийг нөгөө хоёр нь хүлээн зөвшөөрч баталгаажуулдаг. Ингэхдээ улс төрийн ашиг сонирхлын үүднээс асуудал дандаа маргаан дагуулж иржээ. Ванчин Богд л гэхэд XIV Далай ламын тодруулсан, Хятадын Засгийн газрын өргөмжилсөн гээд хоёр хүн бий. Далай ламын өргөмжилсөн нь амьд сэрүүн нь үл мэдэгдэх бол Хятадын Засгийн газрын өргөмжилсөн Ванчин лам гэн гэн гарч ирж, энх тунх, эрх чөлөөтэй амьдарч буй тухайгаа гэгээн дүрээ харуулаад эргээд алга болдог.

Тиймээс ч тэрхүү Хятадын Засгийн газрын тодруулсан Ванчин Богд Далай ламын хүлээн зөвшөөрсөн Монголын Х Богдыг хүлээн зөвшөөрнө гэдэг эргэлзээтэй.  Хятадын эрх баригчид ямар сонирхолтой байгааг л тэрээр дагах билээ. Зөвшөөрөх нь байтугай Далай ламын айлчлалаас болж монголчуудад Гадаад хэргийн яамнаас нь сануулга өгч нот бичиг илгээж байсан. Энэ явдлыг ч Далай лам урьдаас тооцсон байсан бөгөөд түүнээс,

-Х Богдыг тодруулах явцад ямар асуудал гарах бол оо. Таны хүлээн зөвшөөрөөд буй хүүхдийг Ванчин Богд хүлээн зөвшөөрөхгүй ч байдаг юм уу. Ийм ойлгомжгүй асуудал бий болвол яах вэ. Та ямар бодолтой байна гэдгийг асуухад,

-Тийм ээ, тийм. Ванчин Богд одоогоор хоёр болчихоод байна. Магадгүй ирээдүйд Далай лам хоёр ч болж магадгүй. /инээв/ Тэгвэл гайхаад байх зүйл биш ээ. Улс төрийн асуудал бол жаахан шалтгаан гарахад л хувирч өөрчлөгддөг. Гол нь бурхны ном, ишлэл, онолын сургаалиа сонсч, мэдэж, хүртээж, дэлгэрүүлэх нь чухал. Түүнээс биш Ванчин Богд, Далай ламыг залчаад яваад байх нь чухал биш. Би Далай лам гээд хүнтэй дээрээс харилцах нь утгагүй. Бурхны сургаальд хуврагууд бурхны шашныг авч явна гэсэн болохоос биш ганц лам гээгүйг санах хэрэгтэй хэмээн хариулж байв. Хожим нь тэрээр өөрийнх нь хувилгаан дүр өөрөөр нь дуусгавар болно гэж мэдэгдсэн билээ. Ингэх болсон шалтгаан нь бас л хоёр дүр тодруулж, улс төрийн шоглоом болно гэхээс болгоомжилсон хэрэг.

МАРГААН ТАРЬСАН ЁСЛОЛ

Х Богдын тухай яриа гарах болсон шалтгаан нь өнөөдөр болох Бат оршил өргөх ёслолтой холбоотой. Энэхүү ёслолыг “Даншиг гэдэг нь монголоор Бат оршил гэсэн утгатай. Бат оршилыг жил бүр зуны сүүл сард өргөх бөгөөд сайн өдрийг хүрээний Эрдэнэшанзадба нарын газраас сонгон үзүүлж урдаас зарлал гаргана. Богдын өлмий бат оршихыг ерөөх ёслол” /Н. Магсаржав “Монголын шинэ түүх” 2010/ гэж тайлбарласан байдаг. Энэ талаар Гандантэгчилэн хийдийн тэргүүн хамба лам  Д.Чойжамц “Тэргүүн хамба ламд бат оршил өргөх хурал номын үйл ажиллагаа болно. Бат оршил өргөх хурал гэдэг нь шашны ёслол юм даа. Хамба ламдаа зориулан урт наслахын тухайд лам нар хааяа нэг бат оршуулах тухай ном уншдаг. Энэ үеэр Номун хан өргөмжлөлийг давхар гардуулна” гэж "News agency"-д тодруулга өгсөн юм.

Нэг ёсондоо Монголын бурхны шашин албан ёсны тамга, тэмдэгтэй тэргүүнтэй болж байна гэсэн үг. Хожмоо Х Богдыг залахад албан ёсоор хүлээн зөвшөөрүүлэх хүн нь Д.Чойжамд хамба ч болох биз ээ. Үүх түүхийг нь харвал  Өндөр гэгээн Ламын гэгээний хүрээг байгуулж, Өндөр гэгээнийг Гандангийн анхны хамба Номун ханд өргөмжилж байжээ. Өөрөөр хэлбэл, Гандантэгчилэн хийдийн тэргүүн хамбад олгодог цол аж. Тиймээс хутагт хувилгаадыг хувилж, сүсэгтэн олныг талцуулахгүйн тулд буух эзэнтэй, буцах хаягтай болгож албажуулж байна гэж ойлгууштай юм уу?

ЗӨВХӨН МОНГОЛДОО

Анхдугаар Богд Монгол хүн байсан бол III Богдоос эхлэн Түвд хүнийг тодруулж ирсэн бөгөөд тэд бүгдээр 6-38 насандаа учир битүүлгээр нас баржээ. VIII Богд хэдий Түвд хүн ч Монголын тусгаар тогтнолын төлөөх тэмцлийг оройлон оролцсон нь түүнийг багаас нь эхлэн Монголд сургаж, монгол хүүхдүүдтэй тоглуулж, Монгол багш нараар ном заалгаж, өв соёл үүх түүхээ зааж жинхэнэ утгаараа монгол хүн болгон төлөвшүүлсний гавьяа гэлтэй.

Харвардын “коммунистууд” гэдэг шиг Монгол хүн ч тархиа угаалгаад харьжсан үзэл бодолтой болчихсон жишээ өнөөгийн улстөрчдөд олон. Сүүлийн үед бурхны шашинтнууд ч Лхаст явж ном үздэг болоод удсан. Бурхны шашин ёс төдий байгаад буйн цаад учир шалтгаан харийн хэлээр номоо уншдаг заадаг явдал. Үүн шиг Х Богдыг тийшээ явахаас илүүтэй Монголдоо сургаж, өөрийн гэсэн онцлогтой бурхны шашнаа илүү дэлгэрүүлбэл бидний энэ их хуваагдал, хагарал арилах мэт. VIII Богдын үеийн Монголын бурхны шашин өөрийн гэсэн онцлогтойгоор хөгжсөн төдийгүй ХIII Далай ламыг ном хаялцан ялсан тухай баримтнууд бишгүй бий.

Далай лам Монголд ирэхэд хүрээний лам нартай цогчин дуганд дагуулууд нь ном хаялцжээ. Хоёр талаас ээлжлэн босч ном хаялцсаар орой болох үед Түвд лам нар босохоо байж, Далай лам өөрөө босон ном хаялцаж эхэлсэн гэдэг. Энэ явдлыг,

-Өндөр цагаан нь босоод ирлээ

Өвгөн сахалт нь уйлаад уналаа гэж монгол лам нар шоолж байсан тухай тэмдэглэгдэн үлдсэн байна.

1419 онд үндэслэсэн Түвдийн гол сүм болох Сэра хийдийн 69 дэх хамба нь 1993 оныг хүртэл Монгол хүн байжээ. Түүхийн нугачаад Хятадад эзлэгдэн сүм хийдийг нурааж байхуйд Сэнгээ гэвш гэх Монгол хүн сэргээн засварлуулж, шашныг нь хөтөлж, дэлгэрүүлсэн тухай ч баримтууд олон аж.

Энэ бүхэн нь монголчууд өөрийн гэсэн онцлогтойгоор бурхны шашныг хөгжүүлж ирсэн төдийгүй хөгжлийн хувьд зарим талаараа илүү гарна уу гэхээс дутахгүй байсныг Далай лам багшаар Монгол хүнийг тохоон томилж байсан үлгэр домог шиг үүх түүхүүд гэрчилнэ.

Тиймээс бурхны шашнаа бодит мөн чанараар нь хөгжүүлье гэвэл Түвдээс авчирсан элдэв эд бэлгийн зүйлс бус үнэн мөнийг нь таньж, өөрсдийн гэсэн онцлогтойгоор дэлгэрүүлмээр. Алийн болгон биесээ боргож суух билээ. Бидэнд дутагдан буй нэгдмэл бодлого, нэг үнэт зүйлс нь энэ ч байж мэднэ. Сэтгэл юуг нь эзэмдсэн байхад бие нь хаа холдох вэ гэж их хаан захисан биш бил үү?

Энэ мэдээнд өгөх таны сэтгэгдэл?
12
ЗөвЗөв
7
ТэнэглэлТэнэглэл
2
ХахаХаха
1
ХөөрхөнХөөрхөн
1
БурууБуруу
0
ГайхмаарГайхмаар
0
ХарамсалтайХарамсалтай
Баярлалаа!

34 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-08-12 202.179.24.173

shashin gedeg bol hynii setgeliig zasdag, tur gedeg bol hunii bieiig zasdag. tegeheer ene hoer salshgui

Avatar

Hunii huuhed huren buurtei 2021-08-12 23.92.142.182

Dotroosoo huvilgaanaa todruulna uu, Erunhii Zahirlaa songono uu Mongolooroo baisan n' deer biz dee. Har' ulsiin darluulj bui tumen Mongol hunii tuluu uhlee yu? Buyanaa Mongoldoo uldeetsgeeye! Harin Manai lam nar jaahan jinhene buyanii ajild idevhtei oroltsdog baimaar baina. Urgul bar'ts n' ergeed yaduu zuduu, zovlond unasan humuust hurch baival ter hemjeegeer Mongolchuud ch gesen buyan uildehdee durtai baih bolno. Eniig ter baruunii bolon Enetgeg, Israil garaltai shashnuud business bolgoson bdg

Avatar

Зочин 2021-08-12 192.82.83.126

Тэр Санждоржийн хийж байгааг яагаад тоох ёстой гэж. Хэн дуртай нь тэгж авирлах ёсгүй биз дээ. Бид чинь өөрийн төр, шашинтай тусгаар улс. Шашны үйлд хэрэгт хэт их үзэн ядах сэтгэлээр хандах хэрэггүй. Хийх ёстой хүмүүс нь хийх зүйлээ хийж л байгаа байх. Хүн болгоны санаанд тааруулна гэж юу байх вэ дээ

Avatar

Зочин 2021-08-12 59.153.86.101

Санждорж гэдэг лам бол тэр чигээрээ Хятадын боол болсон хүн ,Хятадын бүддийн шашин гэдэг нь шүгдэнг л шүтэх явдал шүү дээ ,Санждорж байгуулсан хийддээ ,Их Хүрээ гэ нэр өгсөн нь хүртэл буруу атгаг санаа анхнаасаа агуулж байсан нь тодорхой ,Гандан орох далимдаа анх их ордог л байлаа ОДОО МЭДСЭНЭЭС ХОЙШ ШАГАЙДАГ Ч ҮГҮЙ

Avatar

Монголын Богдыш шашин тусгаар шашин боллоо гэж тохиролцчихвол тэй... Далай ламаас хамаарахгүй зөвхөн монголд тодруулъя... 2021-08-12 119.40.98.106

Сайхан сайхан. Ёстой эрүүл ухаанаар шүүн тунгааж. Ер нь бол Хойд зүгийн шашин гэдэг нэр цолыг авч байгаад дарагдсан юм билээ. Одоо сэргээвэл хойд зүгийн буюу БОГДЫН ШАШИН гэдгээрээ сэргээсэй билээ. Өөрөөр хэлбэл, Далай ламын институтээс үл хамаарсан дэг жаягруу оруулах талаар Далай ламтай зөвшилцвөл болно. Харин тэр Банчин гуай л зөвшөөрөхгүй баахан юм болох гээд байх шиг. Тиймээс, ийм асуудлаар хятадтай муудалцаж суухаар улс төрийн тохироо хийгээд Монголын Богдын шашин тусгаар шашин боллоо.

Avatar

БУРУУ ЦОЛМОН 2021-08-12 66.181.183.250

ШАШНЫГ ХЭН НЭГ ХҮН , ХҮМҮҮС ГАРТААН АВЧ ТҮҮГЭЭР ХООЛ ОЛЖ ИДЭХ ЭРХ МЭДЭЛД ХҮРЭХ ГЭСЭН САНААРХАЛ БОЛ ЧӨТГӨРҮҮДИЙН САНААРХАЛ МОНГОЛД ХУВИЛГААН ХУТГАТ БОГОД ХЭРГҮЙ ШАШАН БОЛ АРД ТҮМНИЙГ
ЗӨВ ҮЗЭЛ БОДОЛ ХҮМҮҮНИЙГ ШУНАЛ ХҮСЛЭЭС САЛГАЖ МЭДЛЭГ ГЭХЭЭРЭЛ ТИЙШ ХӨТЛӨХ ГЭСЭН БҮРХАН БАГШИЙН СУРГААЛ
НОМЛОЛ , ЭНЭ СУРГААЛЫГ ДАГАЖ ТҮМЭН ОЛОНД УХААРАХ ГЭГЭЭРЭХ ЗАМЫГ ЗААЖ ШУНАЛ ХҮСЛЭЭСЭЭН САЛСАН НЭГЭН ТОДОРСОН ЦАГТ ТИЙМ ХҮНИЙГ Л ХУВИЛГААН БОГИД ГЭЖ ӨРГӨМЖӨЛӨЖ БОЛНО

Avatar

Зочин 2021-08-12 66.181.178.105

Одоо энэ богд ламын асуудал хэрэггүй ээ. Өнгөрсөндөө л үлдэг!! Хоцорч бүдүүлэгтэхийн сонгодог жишээ болсон Түвдээс түлхүүртэй Богд гэх нэг лам байтугай Дэлхийн хүн Чингэсийг төрүүлж өгсөн ард түмэн юм шүү! Бид!!

Avatar

Алтай 2021-08-12 192.82.85.204

Сайхан нийтлэл байна. Бид өөрсдийн гэсэн онцлогтой бурханы шашнаа хжгжүүлж, Тэргүүн Хамбаа залаад, 10-р Богдоо тодруулбал аштай юу даа. Гадагш урсаж буй сүсэгтэн олны хөрөнгө дотооддоо үлдэнэ, элэг нэгтнүүд маань Богдоо тойрч хүрээлнэ, шашны аялал жуулчлал хөгжинө. Сайн үйлс дэлгэрэх болтугай.

Avatar

Зочин 2021-08-12 202.126.88.235

Түвдийн буддизм бидэнд хэрэггүй. Буддагийн сургаалын мөн чанарыг жинхнээр нь тайлсан шинэ суртал хэрэгтэй болоод байна. Санждорж ч тэр Чойжамц ч тэр аль аль нь явахаа байсан. Тэгэж ярих юм бол Жавзандамбын хойд дүр 1924 оноош хойш энэ замбуулинд эргэж төрөхгүй болсон учрыг засаг төрөөс албан ёсоор зарласан юм шүү. Буддагийн жинхэнэ сургаалд сүнс гэдэг ойлголтыг үгүйсгэдэг. Түүнийхээр бол юмс тасралтгүй өөрчлөгдөж хувирч байхын үндэс нь өөрөө сүнслэг шинжтэй болохоос нэг лам дахин дахин эргэж төр

Avatar

Зочин 2021-08-12 202.126.88.235

өөд Энхбаяр шиг салж өгөхгүй буг болоод сууж байх тухай огтоос болгоогоогүй. Юмс тасралтгүй өөрчлөн хувирна. Мөнх юм гэж үгүй. Гэсэн хэдий боловч тэрхүү тасралтгүй хувирал чинь өөрөө оршин ахуйг нөхцөлдүүлж буй хэрэг. Өөрчлөлт хувирал явагдахгүй бол оршин байх гэж үгүй. Оршин байхын тулд юмс хувиран өөрчлөгдөж шүтэлцэн зохирч байдаг. Ангид утгат бус нэгэн утгат бус гэдэг чинь үүнийг хэлж байгаа хэрэг. Мөн үүгээр хоосон чанарыг тайлбарлаж болно. Яг онох гэхээр баригддаггүй. Бодитой оршихгүй мөртө

Avatar

Зочин 2021-08-12 202.126.88.235

ө бас үгүйсгэж болдоггүй. Тодорхой цаг хугацаа орон зайн хүрээнд л ярихаас өөр аргагүй. Харьцангуй. Хүн хэдийгээр өндөр ававч нийт амьдралын хугацаагаар хязгаарлагдана. Хималайн уулс ердөө 100 сая жилийн өмнө үүссэн. Дахиад 100 сая жил болоход үгүй болж ч мэдэх нь ээ дээ? Энэ бол хоосон чанар. Шинжлэх ухаанаар бол Хайзенбергийн тодорхойгүйн зарчимтай ойролцоо юмуу даа. Ийм зарчимтай орчлон дээр дахин дахин төрдөг сүнсний тухай ярих боломж байна уу, тэгэхээр?

Avatar

ХҮН ХҮН 2021-08-12 66.181.183.250

ЯАГ ҮНЭН ИЙМ ШҮҮ ПДЭЭ САНАЛ НЭГ БАЙНА ХҮНИЙ НИЙГЭМИЙН АМЬДРАЛ БОЛ ҮНЭНДЭЭН НЭГ ТАЛААС ЧӨТГӨРҮҮДИЙН ӨРСӨЛДӨӨН ТЭД ЮМ БҮРИЙГ ӨӨРТӨӨН АШИГЛАХ ГЭЖ ОРОЛДОГ ЮМ

Avatar

Шашин судлаач 2021-08-12 95.169.230.173

Христийн шашин нь дээр үед амьдарч байсан израйльчуудын шашин.одоогийн израйльчууд ч хамаагүй.монголчуудад тэгэхээр ямар падлий байнаа.будда ч ялгаагүй дээр үедээ амьдарч байсан хүмүүсийн шашин.аль аль нь хэрэггүй!!!

Avatar

Зочин 2021-08-12 202.126.89.20

Сайн нийтлэл болжээ.

Avatar

Зочин 2021-08-12 202.21.107.92

Bogdoo zalchih um bol Tuvd uruu ursaj bgaa ih mongonii ursgaliig zogsooj bolno. Bogd todruulna gedeg chini undesnii ouyn sanaanii auylgui baidliin uudnees ch mash chuhal zuil. Medeej manai mongoliin mongiig yanz buriin shashinaar damjuulan gadagshluulj bgaa humuust bol mash hereggui zuil

Avatar

Хятадын коммунист шашны Банчин Богд. 2021-08-12 202.21.108.46

Хятадууд өөрсдийн мэдлийн лам нар, өөрсдийн шашны урсгалаар дамжуулан Монголыг ахин 200 жил дарлан мөлжих гэсэн санаархал ил тод болсон цаг.

Avatar

Зочин 2021-08-12 66.181.161.118

Аливаа шашин дэлхиин түүхэнд асар чухал үүрэгтэй байсаар ирсэн Монголын хувьд ч одоогын энэ их эх захгүй дүрэм журамгүй учраа олохоо байсан хүмүүсиин сэтгэлгээнд зүг чиг болох сургааль номлол олон мянган жилиин түүхтэйшарын шашинд байдаг Бусад шашныг бодоход шарын шашин заавал нэг л үзэл баримтлалд хатуу итгэхииг шаарддаг биш хувь хүн өөрөө итгэл үнэмшилтэй болоход нь зүг чигииг нь заадаг тиим л шашинХарин одоо шашин дэлгэрэхтэй зэрэгцэн шашны ном мэдэх мэдэхгүй хүмүүс мөнгөны төлөө янзбүриин юм

Avatar

Арагшаа ухрах тэнэглэл 2021-08-12 108.53.177.147

Шинжлэх ураан технодогийн эрин эрлээд хэдэн зуун өнгөрч байхад шашин хлцрогпрл, мухар сүсгээсээ малж чадаагүй

Avatar

СҮХБААТАР 2021-08-12 122.201.22.52

Аравдугаар Богд Ар Халхад хурдан залраасай
Ард түмэн Ар халхад хурдан гэгээрээсэй…

Avatar

Зочин 2021-08-12 103.14.36.18

Шашин шиг хэрэггүй мунхруулга байхгүй. Шашныг төрийн хэрэгтэй хэт хольдог нь буруу. Шинжлэх ухаан танин мэдэхүйг чиглэл болгох нь зүйтэй.

Avatar

Зочин 2021-08-12 202.126.89.218

Хамба гэх чойжамц нь цоодолын хулан, аса,зарим нэг мөнгөтэй гаруудын тоглоом штээ.хэн ч юу ч богд нь болсон хамаагүй.Хүүхдээ богд,лам болгож хүүхэд нас,ирээдүйг нь а**х хэрэггүй.

Avatar

Зочин 2021-08-12 202.126.88.39

Бурханы шашин бол хүн зөв амьдрах, энэрэн нийгүүсэх, бусдад туслан ядарсанаа тэтгэх, хамтдаа зохицон амьдрах тухай л сургааль юм шүү дээ. Манай зарим лам нар л шунал нь дэндээд, мухар сүсэгрүү хөтлөөд байдаг болохоос. Гэвч тэглээ гээд бурханы шашин огт хэрэггүй гээд хаявал бид өөрсдийн гэсэн оюуны дархлаагүй болж, христийн шашны нөлөөнд гүнзгий живнэ. Өнөөгийн Солонгос шиг. Солонгос пасторуудыг дагасан Монголчууд бүүр мухар сүсэг цаашаа солиорчихсон яваа нь олон бгаа.

Avatar

Зочин 2021-08-12 202.126.90.4

Тайзан дээр гарах нь гарна биз. Жинхэнэ нь далд байдаг байхаа.

Avatar

Зочин 2021-08-12 192.82.83.4

ямар хэрэгтэй юм. шуналын дэвнүүд өөрсдийн хүнээ гаргаж хэдэн эргүү төлөгнүүдээ саачих санаатай богд могд гэж солиорч байгаа.

Avatar

Цагаан баавгай 2021-08-12 192.82.78.5

Х богд тодруулах шаардлагагүй. Энэ бол нэг төрлийн бизнес. Одоо 2021 он.

Avatar

Зочин 2021-08-12 103.26.193.114

s*** s*** hulsnii bicheech

Avatar

Тоорой 2021-08-12 103.26.193.8

Ашгүй хойч үе маань мухар сүсэгт автахгүйгээр өөрийн бодолтой аливаа зүйлд ханддаг нь дийлэнх болж байгаа. Наадах чинь 1 их хэрэгтэй зшйл биш

Avatar

Зочин 2021-08-12 66.181.189.148

Богдтой байснаас бөөстэй байсан нь дээр

Avatar

Зочин 2021-08-12 66.181.187.17

Хүн а**а, хулгай хийнэ, авилга авна, улсаа худалдана тэгээд ганданд ном уншуулаад эдгэрч гэмгүй болно. Монгол Түвэдрүү хамаг баялагаа өргөл барьц, гуулин бурханд өгөөд мөхөх шахаад газар нутгийнхаа талаас илүүг нь алдаад одоо дахин мөргөж үлдсэн хэсгээ алдах юмуу. Түвд шашин далай лам нь тийм сайн юм ядаж улсаа алдаж, ард түмнээ хорих лагерьт ороод байхад ганц хийморийн сан тавихгүй юу хийгээд байдаг юм бол

Avatar

Зочин 2021-08-12 192.82.85.5

Шашин бол хар тамхи лугаа адил билээ

Avatar

иргэн 2021-08-12 103.11.192.133

Энд хууль огт хамаагүй шашины хэрэг төрийн хэргээс ангид юм. Бурхан шашины төв Гандан хийд нь Монгол улсад үйл ажилгаа явуулж байгаа сүм хийдийн бүхийл үйл ажилгааг зохион багуулах ба нийтийн өмнө хариуцлага хүлээх юм. Иймд Хамба ламтанд тухайн шашины цол хэргэмээ олгоод хариуцлагаа үүрүүлээд л явах нь зөв. зарим нэг нэр төр хөөсөн шар хувалзууд боливол таарна. өөрийн хүүхэдээ өргөмжилөөд яваа нь гутамшиг шүү…

Avatar

Зочин 2021-08-12 64.119.19.201

tuvdiin bool

Avatar

Зочин 2021-08-12 202.126.90.96

Түүхэнд монголын 9р Богдоор Лувсандорж гэдэг хүүхэд тодорсныг далай лам үгүйсгэж өөрийн хамаатан тоглоомын 9р Богд гэгчийг тодруулж Хоёр Богдтой болгосон. Одоо ч энэ маргааны үргэлжлэл хоёр Богд тодорчээ.Төвөдийн бодлогыг хэрэгжүүлэгч Чойжамц хамба өнөөдөр хууль бусаар өөрийгөө хамба номуун хан хэмээн өргөмжилж байгаа нь тун удахгүй шүүх хуулийн байгууллагаар тогтоогдох нь ердөө л цаг хугааны асуудал юм.

Avatar

ы 2021-08-12 103.57.93.73

муу х***а здаа худлаа ш** ш**. Шүтмээр байгаа юм бол энд тэндээс асуухгүй өөрсдөө тодруулбал болоо биш үү. Алийн болгон тэр далай лам, банчин богд энэ тэрээс асуух юм.

NewsMN Гар утасны хувилбар Татах
NEWS.mn

Мэдээллийн эх сурвалж