Задалсан таван тун файзер вакциныг устгалд оруулжээ | News.MN

Задалсан таван тун файзер вакциныг устгалд оруулжээ

Задалсан таван тун файзер вакциныг устгалд оруулжээ

Задалсан таван тун файзер вакциныг устгалд оруулжээ

Мэргэжлийн хяналтын байгууллагын цаг үеийн мэдээллийг та бүхэнд хүргэе.

Халдваргүйжүүлэлт:

Улсын хэмжээнд нийт 172 аж ахуйн нэгж, байгууллага, нийтийн эзэмшлийн талбай, гудамж зэрэг 28.970 м2 талбайд хийгдсэн урьдчилан сэргийлэх халдваргүйжүүлэлт, 243 объектын 71.552 м2 талбайд хийгдсэн голомтын эцсийн халдваргүйжүүлэлтэд хяналт тавин ажиллав. Үүнээс Улаанбаатар хотод 83 обьектын 18.340 м2 талбайд хийгдсэн урьдчилан сэргийлэх халдваргүйжүүлэлтэд хяналт тавин ажиллалаа.

Хяналт шалгалтаар зөрчил илрээгүй байна.

Вакцинжуулалт:

Нийслэлийн Сонгинохайрхан, Сүхбаатар дүүрэгт байрлах вакцинжуулалтын цэгүүдэд хяналт шалгалт хийхэд ажиглалт болон хүлээлгийн өрөө хүрэлцээгүй, яаралтай тусламжийн эмч, ажилтан, тоног төхөөрөмж дутуу, шар бүсийг зохион байгуулаагүй, аюултай хог хаягдал түр хадгалах өрөөгүй, хүн хоорондын зай барих тэмдэг, тэмдэглэгээгүй зэрэг дутагдал илэрчээ. Иймд зөрчлийг арилгуулахаар мэргэжил арга зүйгээр хангав.

Мөн Сүхбаатар дүүргийн вакцинжуулалтын цэгт вакцинд хамрагдах иргэд гүйцэд ирээгүй тул задалсан 5 хүн/тун Файзер вакциныг устгалд оруулсан байна. Коронавирусийн эсрэг вакцин нь үйлдвэрлэгч, нэр төрөл, савлагаанаас хамааран 1, 6, 10 хүн/тун зэргээр савлагдсан байдаг. Иймд дахин энэ төрлийн дутагдал гаргахгүй байх үүднээс тодорхой тооны иргэд цугласны дараа вакцины савлагааг задлаж, вакцинжуулалт хийхийг зөвлөлөө.

Вакцинжуулалтын цэгүүдэд хувийн хамгаалах хэрэгсэл, халдваргүйжүүлэлтийн бодисын нөөц хангалттай, дархлалын дараа урвал хүндрэл гараагүй байна.

Авто тээврийн шалган нэвтрүүлэх товчоо:

Улсын хэмжээнд авто замын шалган нэвтрүүлэх постод 309 байцаагч ажиллаж нийт 6,315 авто машинаар нэвтэрсэн 14,365 иргэнд коронавируст халдвараас урьдчилан сэргийлэх зөвлөгөө өглөө.

Улаанбаатар хотын авто тээврийн шалган нэвтрүүлэх товчоодоор /2021.08.10-ны 17:00 цагийн байдлаар/  хот руу орох чиглэлд 555 тээврийн хэрэгслээр 1092 зорчигч, хотоос гарах чиглэлд 781 тээврийн хэрэгслээр 1465 зорчигч нэвтэрсэн байна.

Хилийн хяналт шалгалт:

Улсын хилээр орсон 925 тээврийн хэрэгсэл, 1129 жолооч, зорчигчид эрүүл мэндийн тандалт хийн нэвтрүүлж, улсын хилээр гарсан 852 тээврийн хэрэгсэлд халдваргүйжүүлэлт хийж, хяналт тавьж, 1118 зорчигч, жолоочид эрүүл мэндийн тандалт хийв.

Лабораторийн мэдээлэл:

2021.08.10-ны өдөр улсын хэмжээнд МХБ-ын харьяа 25 лабораторид 209 дээж шинжилгээнд ирж, 148 дээжийн шинжилгээний хариу гарчээ. Шаардлага хангаагүй 4 дээж байна.

Халдвар хамгааллын дэглэм, түр журмын хэрэгжилт:

Нийслэлд 561 аж ахуйн нэгж байгууллага, иргэнийг хамруулан хяналт шалгалт хийж 33 зөрчил илрүүлэн 24 буюу 72.7 хувийг газар дээр нь арилгуулав.

Илэрч буй зөрчил дутагдлыг дурдвал:

  • Коронавируст халдвар /Ковид-19/-аас сэргийлэх арга хэмжээг зохион байгуулах түр журмыг зөрчсөн -22
  • Тусгай нөхцөл шаардлага зөрчсөн – 3
  • Цаг хэтрүүлэн ажилласан – 1
  • Тусгай зөвшөөрөл, батламжгүй үйл ажиллагаа явуулсан – 4
  • Гар дээрээс согтууруулах ундаа худалдаалсан – 3

Эх сурвалж: МХЕГ

Энэ мэдээнд өгөх таны сэтгэгдэл?
5
ТэнэглэлТэнэглэл
1
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

6 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-08-11 66.181.181.98

Вакцинжуулалтаа идэвхитэй зарлаад ирсэн болгонд хийгээч дээ. 55 дээш насныханд хийнэ гээд хүн буцаагаад бсан ХУД-т. СБД хайран юм, устгалд оруулаад. 5 хүний амь нас ч чухал шүү. Өөр газарт хүний тоо гүйцэхэд задлаж бсан шдэ. Зөвлөгөө өгөөгүй юмуу хаашаа юм.

Avatar

зочин 2021-08-11 39.7.25.53

вакцинаа одоо болио. сайжирсан нь хаана бна. 90% вакцинжуулалт хийсэн гээд халдвар зогсоогүй л бгааз дэ. боль2 одоо. зүгээр өөрсдөө дархлаагаа л сайн дэмж.

Avatar

Зочин 2021-08-11 66.181.178.105

Устгаад яахнав дээ!! Муур нохойнд хийнэ гээд заралчихгүй!

Avatar

эмч 2021-08-11 112.72.15.210

Мэргэжлийн хяналтын байцаагч нар гэж хууль дүрэм ярьж худал дүр эсгэсэн хүмүүс л явдаг. Хүн хоорондын зай майгаа тэр МАН-ы дарга нарын уулзалт цуглаан дээр очиж шаард, ажлаа хийж ядарч яваа хэдэн эмч нарыг очиж ноолж суудаг

Avatar

Зочин 2021-08-11 43.242.243.23

Ном ёсоороо л ажилласан байна шүү дээ. Энд буруу зүйл огт байхгүй. Устгах ёстой. Хүн гүйцээгүй вакцин хийхгүй байна гээд иргэд хэл ам гаргавал яах бол. ЭМЯ нөхдүүд наад хэдэн ажилтнуудаа хамгаалж бай. Мануухай царайлаад суугаад байх юм. Халагдана гээд айгаад л сууж байгаа л дах

Avatar

зочин 2021-08-11 202.9.46.182

Хятад вакцин хийлгэсэн 4 хүн дуудаад хийгээд өгчихгүй яав даа, Хаядаг нь яаж байгаа юм бэ, Угаасаа ус шахуулчихсан нэг ч монголыг аварчихгүй

NewsMN Гар утасны хувилбар Татах
NEWS.mn

Мэдээллийн эх сурвалж