Талибанчууд засгийн газрын цэргүүдтэй ширүүн тулаан хийсний эцэст Афганистаны хойд нутгийн чухал бүс Кундуз хотыг эзлэн авлаа. Хотын нисэх онгоцны буудлаас бусад бүх газрыг зэвсэгт бүлэглэлийнхэн хяналтандаа авсан талаар орон нутгийн албанаас “BBC” агентлагт мэдээлжээ.

Кундуз хотын төвд Талибанчуудын туг мандсанаас гадна дэлгүүр, барилга байшин шатах зэргээр эмх замбараагүй байдал ноёлж байгаа аж. Кундуз өнгөрсөн Баасан гаригаас хойш Талибан бүлэглэлийн мэдэлд шилжсэн гурав дахь мужийн нийслэл төдийгүй тэдэнд хамгийн их ялалтыг авчирсан хот болжээ.

АНУ болон олон улсын бусад хүчнүүд 20 жилийн турш үргэлжилсэн цэргийн ажиллагааны эцэст тус улсаас цэргээ татах шийдвэрт хүрсэн. Үүний улмаас Талибан бүлэглэлийн үйл ажиллагаа идэвхижиж, Афганистан даяар хүчирхийлэл газар авч буй. Тус бүлэглэл сүүлийн хэдэн долоо хоногийн туршид идэвхтэй давшсаар орон нутгуудад хяналтаа тогтоосон. Харин энэ удаа Афганстаны гол гол хотуудыг онилжээ.

С.Нарангарав

Эх сурвалж: BBC News