Биобэлдмэлийн үйлдвэрийг сэргээж дархлаа дэмжих бэлдмэл үйлдвэрлэж эхэллээ | News.MN

Биобэлдмэлийн үйлдвэрийг сэргээж дархлаа дэмжих бэлдмэл үйлдвэрлэж эхэллээ

Биобэлдмэлийн үйлдвэрийг сэргээж дархлаа дэмжих бэлдмэл үйлдвэрлэж эхэллээ

Биобэлдмэлийн үйлдвэрийг сэргээж дархлаа дэмжих бэлдмэл үйлдвэрлэж эхэллээ

Шадар сайд, УОК-ын дарга С.Амарсайхан, 2010 оноос үйл ажиллагааг нь зогсоож, улмаар 2016 онд татан буулгасан байсан “Биобэлдмэлийн үйлдвэр”-т өнгөрсөн 6 сард очиж ажиллахдаа үйл ажиллагааг нь сэргээх шийдвэрийг гаргасан юм.

Тэрээр “Вакцины хяналтын үндэсний лаборатори, биобэлдмэлийн үйлдвэрлэлээ сэргээхгүйгээр аливаа халдварт өвчинтэй тэмцэх нь өрөөсгөл” юм гэж онцлон тэмдэглээд  анагаах ухааны эмчилгээний биобэлдмэлийн бүтээгдэхүүн үйлдвэрлэдэг тус үйлдвэрийн үйл ажиллагааг тогтвортой явуулах, бүтээгдэхүүн үйлдвэрлэлийг нэмэгдүүлэх бүх талын дэмжлэг үзүүлснээр өнгөрсөн хоёр сар гаруйн хугацаанд “халдвараас сэргийлэх, дархлаа дэмжих” биобэлдмэл болох “хүний хэвийн иммуноглобулин”-г дотооддоо үйлдвэрлэхээр болжээ.

НЭМҮТ-ийн дэргэдэх Биобэлдмэлийн үйлдвэрт хепатит, томуу, томуу төст өвчин, улаанбурхан зэрэг вируст, стафилакокк, менингококк зэрэг бактерийн гаралтай өвчлөлөөс  урьдчилсан сэргийлэх, эмчлэх, дархлаа сэргээх үйлдэлтэй булчинд тарьж хэрэглэдэг иммунноглобулиныг үйлдвэрлэж, туршилт, чанарын хяналтын шинжилгээ хийгдэж байгаа тухай мэдээллийг НЭМҮТ-ийн Ерөнхий захирал, Анагаах ухааны доктор /Ph.D/, дэд профессор Д.Нарантуяа, НЭМҮТ-ийн Биотехнологи, инновацийн албаны дарга, Анагаах ухааны доктор /Ph.D/, дэд профессор Б.Ичинхорлоо нар Шадар сайдад хүргэлээ. “Хүний хэвийн Иммуноглобулин” нэртэй үйлдвэрлэх тус бүтээгдэхүүнийг хэрэглээнд нэвтрүүлсэн тохиолдолд Биобэлдмэлийн үйлдвэр нь 45 хоногт 60-100 литр сийвэнгээс 1500-3000 хүн тунгаар үйлдвэрлэх боломжтой аж.

Иммуноглобулин хэмээх уургийн бэлдмэлийг ковидын халдварын хүндэвтэр шатны эрт үеийн эмчилгээнд хэрэглэх нь халдварын эдгэрэлтийг хурдасган, хүндрэлээс сэргийлдэг болохыг олон орны судалгаа харуулж байгаа бөгөөд ДЭМБ-аас коронавирүсийн халдварын үед хэрэглэж болно гэж эмчилгээний удирдамждаа заасан байна. Манай улсад хэвийн болон өвөрмөц иммуноглобулиныг урьд нь халдварт шар, улаан бурхан, менингит зэрэг халдварт өвчний урьдчилан сэргийлэлт, эмчилгээнд хэрэглэж байсан арвин туршлагатай.

Тиймээс дээрх туршлагад тулгуурлан монгол хүний биеийн онцлогт тохирсон уг бэлдмэлийг шинэ технологиор үйлдвэрлэн эмчилгээнд хэрэглэхээр бэлтгэж байгаа нь Ковид-19 халдвараар хүндэрч нас барахаас, нянгийн хоёрдогч халдвараас сэргийлэх, вирусийн эсрэг эмчилгээнд дарангуйлагдсан дархлалыг сэргээх боломжтойг судлаачид онцолж байна. Энэ бүтээгдэхүүнийг үйлдвэрлэснээр ижил төрлийн импортын бүтээгдэхүүнийг өндөр үнээр худалдан авах зардлыг бууруулан, гадаад руу урсах мөнгөний урсгалыг бодитойгоор багасгах боломжтой аж.

Энэ мэдээнд өгөх таны сэтгэгдэл?
7
ЗөвЗөв
1
ХөөрхөнХөөрхөн
1
ТэнэглэлТэнэглэл
0
ХахаХаха
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

7 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Mongol 2021-08-07 67.81.184.102

Бэлгийн халдварт өвчин, сүрьеэ, мэнэнгит болон бусад халдварт өвчин эмчлэхэд анхаарах хэрэгтэй. Мөн малыг эрүүлжүүлэх, тарилга чухал б.а

Avatar

Зочин 2021-08-07 202.21.108.169

ААН ТИЙМ

Avatar

Зочин 2021-08-07 66.181.161.111

Сайн байна

Avatar

иргэн 2021-08-07 202.126.90.36

Туршлага бий. Та бүхэнд Амжилт хүсье.

Avatar

Зочин 2021-08-07 150.129.142.66

YMAR MAL TATAN BULGA VE BUH TARILGA SHIPRIZ SHPREZ UILDVERLECH HUJAGIN HARAT BOLLO

Avatar

Dulmaa Mongolchuudaa demjeeree 2021-08-07 139.5.219.175

Hobshol nuurnaas jibsen SB holog 2 terbumaar gargah mongooroo biobeldmeliin vildberee orgojvvlj ard tvmendee ervvljvvleh heregtei bna

Avatar

Зочин 2021-08-07 202.126.88.63

za mash sain bn

NewsMN Гар утасны хувилбар Татах
NEWS.mn

Мэдээллийн эх сурвалж