"Өндөр хүүтэй зээл олголтын эсрэг эрх зүйн орчин бүрдүүлэх шаардлагатай" | News.MN

"Өндөр хүүтэй зээл олголтын эсрэг эрх зүйн орчин бүрдүүлэх шаардлагатай"

"Өндөр хүүтэй зээл олголтын эсрэг эрх зүйн орчин бүрдүүлэх шаардлагатай"

"Өндөр хүүтэй зээл олголтын эсрэг эрх зүйн орчин бүрдүүлэх шаардлагатай"

Монгол Улсын Ерөнхийлөгч У.Хүрэлсүх өчигдөр /08.05/ Санхүүгийн зохицуулах хороо /СЗХ/-ны дарга Д.Баярсайханыг хүлээн авч уулзаж, санхүүгийн салбарын үйл ажиллагааны талаар мэдээлэл сонслоо.

СЗХ-ны дарга Д.Баярсайхан цар тахлаас хамааран эдийн засгийн идэвхжил суларсан ч санхүүгийн салбар 4.2 пунктаар өсөж, ДНБ-ий 17.5 хувьд хүрснийг уулзалтын эхэнд хэлж, СЗХ-ны хийж, хэрэгжүүлж буй ажлууд, хуулийн төслүүд, ойрын төлөвлөгөө, СЗХ-ны чиг үүрэгт үйл ажиллагаа нь хамаарч буй салбаруудад гарч буй шинэчлэл, өөрчлөлтийн талаар Монгол Улсын Ерөнхийлөгчид товч танилцуулав.

Тухайлбал, банкуудыг хувьцаат компани болгох ажлын явцын талаар мэдээлэл өгч, Монгол Улсад үйл ажиллагаа явуулж буй 11 банкны 9 нь хувьцаат компани болох төлөвлөгөөгөө Монголбанк болон СЗХ-нд ирүүлсэн бөгөөд ирэх есдүгээр сарын 1-ний өдөр гэхэд банкуудын төлөвлөгөө батлагдаж, хувьцаат компанийн хэлбэртэй болох үйл ажиллагаа эхэлнэ гэдгийг хэллээ. Тэрбээр цаашид санхүүгийн салбарыг банк төвтэй бус болгох, төрийн өмчит болон төрийн өмчийн оролцоотой аж ахуйн нэгжүүдийг хувьцаат компанид шилжүүлэх зэрэг ажлуудыг хийж, хэрэгжүүлэх шаардлагатай байгааг онцлов.

Монгол Улсын Ерөнхийлөгч У.Хүрэлсүх банк, санхүүгийн салбарын реформыг зайлшгүй хийх шаардлагатай болсон учраас Ерөнхий сайдаар ажиллаж байхдаа энэ ажлыг эхлүүлсэн нь эхнээсээ хэрэгжиж, хууль тогтоомжуудад өөрчлөлт оруулан зохих түвшинд дэвшил гарч байгаад баяртай байгаагаа илэрхийллээ.

Улмаар банкны реформыг хийхдээ дэлхий нийтийн хөгжлийн жишгээр олон нийтийн оролцоог сайтар хангах, ил тод хяналтын тогтолцоог бүрдүүлэх, баялаг бүтээгчдийг дэмждэг банк, санхүүгийн салбарыг хөгжүүлэхэд СЗХ-оос онцгой анхаарч ажиллахыг хүсэв.

Цаашлаад өрхийн санхүүгийн чадамжаас давсан, өр, зээл үүсгэсэн харилцааг зохицуулах, хэрэглэгчдийг хохироосон өндөр хүүтэй зээл олголтын эсрэг хууль эрх зүйн орчныг бүрдүүлэх зайлшгүй шаардлагатай гэж үзэж байгаагаа хэлж, бүрэн эрхийнхээ хүрээнд бодлогын дэмжлэг үзүүлж ажиллахад бэлэн байгаагаа илэрхийлсэн юм.

Эх сурвалж: PRESIDENT.MN

Энэ мэдээнд өгөх таны сэтгэгдэл?
1
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

4 сэтгэгдэл

News.mn сайтад сэтгэгдэл оруулахад анхаарах зүйлс

Avatar

ХҮК Хүүр минь одоо болно 2021-08-06 66.181.189.107

Ард иргэд баяжиж сайхан амьдарч болдоггүй тийм ч нөхцөлийг бүрдүүлж өгөхгүй ядуу бх нь тэдэнд ашигтай

Avatar

Зочин 2021-08-06 66.181.183.82

Ерөнхийлөгч зөв зүйл ярьж байна. Хатгаж эсэргүүцэхийн оронд дэмжих хэрэгтэй.Бидний төвшний бараг бүх оронд зээлийн хүү имфляци буурчаад байхад зөвхөн бид эсрэгээр, хөгжлөө хязгаарлуулж, амьдрах боломжоо боогдуулж байх ёстой юм уу. .Ардчиллынхан амжилт бүхэнд атаархаж боож үхэх нь холгүй байгааг ойлгож байна.Гэвч банкны зээлийн хүүг бууруулах талаар боломжит бүхий л арга хэмжээг авах хэрэгтэй

Avatar

Битгий ингэж том ша 2021-08-06 66.181.189.107

Та нарын мэддэг хэрэг биш бх банк бензин 2тоо базуулсан улс шүү дээ. Банкны салбар гэж том мөнгө угаах систем. Бусад орны банкууд шиг яагаад ажиллаж болдоггүй гээч болдоггүйдээ биш болгохыг хүсдэггүйдээ бгаа юм. ЗГ бол ард иргэдээ л дарамталж чадахаас өөрийг хийж чаддаггүй

Avatar

зочин 2021-08-06 202.9.46.197

Венесуэлд тавтай морил

NewsMN Гар утасны хувилбар Татах
NEWS.mn

Мэдээллийн эх сурвалж