НЭМЭЛТ:

Эрэгтэйчүүдийн 65, 97, эмэгтэйчүүдийн 50 кг-ын хагас шигшээ барилдаан өндөрлөв. Манай улсаас 65 кг-д ОУХМ Т.Тулга, 50 кг-д ОУХМ Ц.Намуунцэцэг нар маргааш дагаж барилдахаар болов. Т.Тулга дагахад 2019 оны ДАШТ-ий хүрэл медальт Унгарын Исмаиль Мусукаевтай, Ц.Намуунцэцэг Эквадорын Луза Гузмантай тус тус хүч үзнэ.

Ц.НАМУУНЦЭЦЭГ ЮҮ СҮСАКИД ЯЛАГДАВ

Эмэгтэйчүүдийн 50 кг-ын жинд Ц.Намуунцэцэг эхний барилдаанаа дэлхийн хошой аварга Японы Юи Сүсакитай хийж оноогоор цэвэр (0:10) ялагдлаа. Хэрэв Японы тамирчин финалд үлдвэл манай тамирчин дагах барилдаан хийнэ.

Эрэгтэйчүүдийн 65 кг-ийн жинд өрсөлдсөн Т.Тулга эхний барилдаанаа Японы Такүто Отогүротой барилдаж, 6-2-оор ялагдав. Хэрэв Такүто Отогүро финалд шалгарвал манай тамирчин дагаж барилдана.

Монголын баг тамирчдын өнөөдрийн/2021.08.06/ тэмцээний хуваарийг хүргэж байна.

Чөлөөт бөх

• Эрэгтэйчүүдийн 125 кг – М.Лхагвагэрэл хүрэл медалийн төлөө – 19.10 цагт
• Эмэгтэйчүүдийн 53 кг – Б.Болортуяа хүрэл медалийн төлөө – 20.05 цагт
• Эрэгтэй 65 кг – Т.Тулга vs Такүто Отогүро /Япон/ – 10.30 цагт
• Эмэгтэй 50 кг – Т.Намуунцэцэг vs Юүи Сүсаки /Япон/ – 10.30 цагт

Хүрэл медалийн төлөө барилдах М.Лхагвагэрэл болон Б.Болортуяа нарын өрсөлдөгчид тун удахгүй тодорно. Харин Т.Тулга, Т.Намуунцэцэг нар эхний барилдаанаа Японы тамирчдын эсрэг хийх болно.

Наймдугаар сарын 5-ны байдлаарх медалийн хүснэгт:

1. Хятад – 34 алт, 24 мөнгө, 16 хүрэл – нийт 74 медаль
2. АНУ – 29 алт, 35 мөнгө, 27 хүрэл – нийт 91 медаль
3. Япон – 22 алт, 10 мөнгө, 14 хүрэл – нийт 46 медаль
4. Австрали – 17 алт, 5 мөнгө, 19 хүрэл – нийт 41 медаль

69. Монгол – 0 алт, 1 мөнгө, 2 хүрэл – нийт 3 медаль

Хэдийгээр АНУ Токиогийн олимпоос хамгийн олон медалийг аваад байгаа боловч алтан медалийн тоогоороо Хятад илүү учир тэргүүн байранд бичигдэж байна.