Монгол Улсаа төлөөлөн олимпийн наадамд оролцож буй Б.Хонгорзул хүрэл медалийн төлөө АНУ-ын тамирчин Хелен Марулистай барилдаж, 11-0 гэсэн харьцаатай ялагдлаа. Манай тамирчны хувьд олимпийн тавдугаар байраар тэмцээнээ өндөрлүүлж байна.

НЭМЭЛТ:

Эмэгтэйчүүдийн 53 кг-ийн жинд өрсөлдөж буй Б.Болортуяа хагас шигшээ шатанд Японы Маюү Мүкаидатай барилдаж, 6-3 гэсэн харьцаатай ялагдлаа. Ийнхүү маргааш үдээс хойш Монголын тамирчид болох Б.Болортуяа, М.Лхагвагэрэл нар хүрэл медалийн төлөө барилдахаар болж байна.

М.ЛХАГВАГЭРЭЛ ХҮРЭЛ МЕДАЛИЙН ТӨЛӨӨ БАРИЛДАХ БОЛОВ

Чөлөөт бөхийн эрэгтэйчүүдийн 125 кг-ийн жинд зодоглож буй М.Лхагвагэрэл хагас шигшээд АНУ-ын тамирчин Габле Стивсонтой учраа таарч, 5:0 гэсэн харьцаатай ялагдлаа. Ингэснээр манай бөх маргааш хүрэл медалийн төлөө барилдахаар болов. Габле Стивсон нь 2017 онд залуучуудын дэлхийн аварга, 2021 онд Пан Америкийн аварга юм.