3,447.13
Засгийн газрын ээлжит хуралдаан өчигдөр /2021.08.04/ бүх шатны сургалтын байгууллагын хичээл, сургалтын үйл ажиллагааг ирэх есдүгээр сарын 1-ний өдрөөс үе шаттайгаар эхлүүлэх болсон талаар мэдээлсэн. 2021 оны хичээлийн шинэ жилийн талаарх мэдээллийг багцлан хүргэе.
ТУХАЙЛБАЛ,
- Цэцэрлэг, ерөнхий боловсролын сургууль, мэргэжлийн сургалт үйлдвэрлэлийн төвийн хичээл, сургалтын үйл ажиллагааг 2021 оны есдүгээр сарын 1-ний өдрөөс, их, дээд сургууль, коллежийн хичээлийг есдүгээр сарын 1-нээс цахимаар, 13-наас танхимаар эхлүүлнэ. Их, дээд сургуульд хөдөө, орон нутгаас 74.5 мянган оюутан Улаанбаатар хотод ирж суралцах урьдчилсан төлөвтэй тул хичээл эхлэх хугацааг ялгаатай тогтоосон байна.
- Хичээлийг халдварын тархалтын нөхцөл байдалтай уялдуулан танхимын болон танхимын бус хосолсон хэлбэрээр зохион байгуулна. Халдвар илрээгүй ногоон түвшинд байгаа ерөнхий боловсролын сургуулийн хичээл, сургалтыг танхимаар зохион байгуулна. Хүн хоорондын зай баримтлан анги танхимын багтаамжаас хамаарч нэг анги, бүлэгт хичээллэх хүүхдийн тоо 20-25 байна.
- Аймгийн төв, нийслэлд байршилтай ерөнхий боловсролын сургууль болон халдвар илэрсэн тохиолдолд бүс нутаг дахь ерөнхий боловсролын сургуулийн суралцагчид хоёр бүлэгт хуваагдаж танхимд тав хоног, гэр бүлийн орчинд тав хоногт зайн, цахим хэлбэрээр тус тус ээлжлэн хичээллэнэ.
2-3 НАСТАЙ ХҮҮХДИЙГ ҮЕ ШАТТАЙ ЦЭЦЭРЛЭГТ ХАМРУУЛНА
Цэцэрлэгт эхний ээлжинд дөрөв, таван настай хүүхдийг танхимаар хамруулна. 2-3 настай хүүхдийг covid-19 халдварын нөхцөл байдал болон улирлын томуу, томуу төст өвчлөлийн вакцинжуулалттай уялдуулан цэцэрлэгт үе шаттай хамруулна.
Энэ хичээлийн жилд 1515 цэцэрлэгт 232 мянган хүүхэд, 854 сургуульд 718,817 сурагч, 75 МСҮТ-д 40,165 суралцагч, 88 дээд сургуульд 150,100 оюутан суралцана.
Цэцэрлэг, ерөнхий боловсролын сургууль, мэргэжлийн сургалт үйлдвэрлэлийн төв, политехникийн коллежийн багш, ажилчдын 90 гаруй хувь нь коронавируст халдварын эсрэг дархлаажуулалтад хамрагдсан. Мөн наймдугаар сарын 2-ны байдлаар 12-17 насны нийт хүүхдийн 74.8 хувь нь дархлаажуулалтад хамрагдаад байна.
эрдэнээ 2021-08-05 49.0.154.200
энэ жил хувийн их дээд сургуульд хүүхдээ битгий оруулаарай нэг жил өнжөөд ажил хийлгээд дараа жил оруулаарай эцэг эхчүүдээ цахимаар гээд гэртэй л сууна шүү дэмий мөнгөө хувийн хулхи сургуульд өгнө гэсэн үг шүү
Иргэн 2021-08-05 192.82.92.44
Засгийн газар цагаан сарын дараа яаравчлан орон нутга руу явах хөдөлгөөнийг нээж өвчнөө улс даяар тараасан. Одоо өвчлөл буураад байгаа Улаанбаатарт өвчлөл улам нэмэгдээд байгаа хөдөөнөөс 74 мянган оюутнууд, дагалдаж ирдэг хүмүүсийн хамт орж ирэхээр дахиад нэмэгдэхгүй гэсэн баталгаа байхгүй. ХОХИРОГЧ НЬ ВАКЦИНД ХАМРАГДААГҮЙ БАГА НАСНЫ ХҮҮХДҮҮД болно шүү.
Зочин 2021-08-05 202.126.89.98
Вакцинжуулалт хийгээгүй бага насныхан яахын болж байнаа. Энэ жил би хүүхдээ танхимаар хичээлүүлэхгүй. Саяхан гэр бүлээрээ тусаад дөнгөж эдгэж байхад. Дахиж аваад мутацладах ойрхон байна.
Irgen 2021-08-05 64.119.17.200
Цахимаар оруулая гээд бгаа хүмүүс хүүхэдгүй байхаа. Ихэнх нь цахимаар сурахгүй байгаа
Зочин 2021-08-05 202.126.89.98
Хүүхдийнхээ эрүүл мэндийн төлөө тэгж ярьж бна. Юм мэдэхгүй байж дуугаа бай ! ! !
Зочин 2021-08-05 66.181.161.80
Ингэж завхарч байхаар зүгээр сургуульд тухайн жилд юу үзсэн байх ёстой юм тэр силабус-аа эцэг эхэд нь зарлаад тараагаад өгчих, өөрсдөө хүүхдээ хүмүүжүүлье
зрчин 2021-08-05 202.131.227.82
сонголтыг эцэг эхчүүдэд өөрсдөд нь өөгөөсэй. өөрсдөө тэнхимд очих уу цахимаар орох уу гэдэгээ хосолсон загвараар сонгоод явъя. мэдээж үүсэх хариуцлагаа эцэг эх өөрсдөө хүлээнэ. цахимаар орсоор хоцрогдол үүсвэл эцэг эх л хариуцлагаа үүрнэ. Тэнхимээр ороод хүүхдүүд өвдвөл мөн л өөрсдөө хариуцъя.
Зочин 2021-08-05 202.126.89.98
Гол нь ангийн нэг хүүхэд туслаа гэж бодъё. Тэр анги тэр чигтээ хамааралтай ш дээ
Зочин 2021-08-05 66.181.161.55
Хүүхдийг танхимд бөөнөөр цуглуулан тахал тарааж сүйтгэвэл хэн хариуцлага хүлээх юм бэ?? Хүүхэд өвчилж ноцтой үр дагавар гарвал Боловсролын сайдыг нь буудаад ч нэмэргүй шүү дээ!!!
Зочин 2021-08-05 124.158.70.22
Орос, Хятадад делта вирусын давалгаа газар авч байхад Монгол улс нэг их удаан тэсэхгүй л болов уу даа. Намар, Өвөлийн үед өвчлөл дахин газар авна. Танхимаар оруулах эрсдэлтэй. Бүгдийг цахимаар болго. Технологи зөвөөр ашиглаж сурцгаая. Үгүй бол Монгол улс хөгжинө гэж хэзээ ч байхгүй.