Дорнод аймгийн Хэрлэн сумын долдугаар багийн нутаг дэвсгэрт долдугаар сарын 21-ний шөнийн  03.00  цагийн орчимд 52А байрны урд талд 19 настай эрэгтэй  Д нь "Harrier" маркийн тээврийн хэрэгслийг жолоодож хөдөлгөөнд оролцох үедээ иргэн 18 настай эрэгтэйг мөргөж гэмтээсэн хэрэг гарсан.

Улмаар  хэргийн газраас зугтсан Д-г тухайн өдрөө баривчилж шалгалтын ажиллагааг явуулж буй. Тэгвэл өнөөдөр /2021.08.04/ түүнийг  Эрүүгийн хэрэг үүсгэн яллагдагчаар татан,  цагдан хорих таслан сэргийлэх арга хэмжээг авсан байна. Мөн уг хэрэгтэй холбогдуулан тухайн үед зодоон хийсэн гэх 2000-2003 оны  13 хүнд холбогдуулан Эрүүгийн хэрэг үүсгэж яллагдагчаар татах саналыг аймгийн прокурорт хүргүүлэн мөрдөн шалгах ажиллагааг явуулж байгаа юм байна.

Яллагдагчаар татах эсэхийг  прокуророос шийднэ. Дашрамд дурдахад, хохирогч нь ГССҮТ-д хэвтэн эмчлүүлж байгаа. Эх сурвалжийн мэдээлснээр дээрх хүүхдүүд эмэгтэй хүүхдээс болж зодолдсон гэж мэдүүлэг өгчээ.